ਗੰਨਮੈਨ ਦੀ ਦਲੇਰੀ ਨੇ ਰੋਕੀ ਲੁੱਟ ਦੀ ਵਾਰਦਾਤ

ਤਲਵਾੜਾ, 10 ਦਸੰਬਰ: ਅੱਜ ਇੱਥੇ ਇੱਕ ਸੁਰੱਖਿਆ ਗਾਰਡ ਦੀ ਦਲੇਰੀ ਸਦਕਾ ਲੁੱਟ ਖੋਹ ਦੀ ਵੱਡੀ ਘਟਨਾ ਤੋਂ ਬਚਾਓ ਹੋਣ ਦੀ ਖ਼ਬਰ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਬਾਦ ਦੁਪਿਹਰ ਪਰਲਜ਼ ਗਰੁੱਪ ਦੇ ਕੈਸ਼ੀਅਰ ਤਰਲੋਕ ਅਤੇ ਗੰਨਮੈਨ ਵਕੀਲ ਸਿੰਘ ਮੋਟਰਸਾਈਕਲ ਤੇ ਸਵਾਰ ਹੋ ਕੇ ਪੰਜਾਬ ਨੈਸ਼ਨਲ ਬੈਂਕ ਵਿਚ ਕੈਸ਼ ਜਮ੍ਹਾਂ ਕਰਾਉਣ ਲਈ ਜਾ ਰਹੇ ਸਨ ਤਾਂ ਇੰਡੇਨ ਗੈਸ ਗੁਦਾਮ ਲਾਗੇ ਅਚਾਨਕ ਮੋਟਰਸਾਈਕਲ ਤੇ ਸਵਾਰ ਦੋ ਨਕਾਬਪੋਸ਼ ਲੁਟੇਰਿਆਂ ਨੇ ਉਨ੍ਹਾਂ ਤੇ ਹਮਲਾ ਕਰਦਿਆਂ ਗੰਨਮੈਨ ਦੀਆਂ ਅੱਖਾਂ ਵਿਚ ਮਿਰਚਾਂ ਪਾ ਦਿੱਤੀਆਂ। ਇਸ ਦੇ ਬਾਵਜੂਦ ਗੰਨਮੈਨ ਨੇ ਦੋਵੇਂ ਲੁਟੇਰਿਆਂ ਨੂੰ ਜੱਫੇ ਵਿਚ ਲੈ ਲਿਆ ਅਤੇ ਤਰਲੋਕ ਨੂੰ ਦੌੜ ਕੇ ਬੈਂਕ ਵਿਚ ਕੈਸ਼ ਜਮ੍ਹਾਂ ਕਰਾਉਣ ਲਈ ਕਿਹਾ। ਇਸ ਤੇ ਤਰਲੋਕ ਉਥੋਂ ਦੌੜ ਕੇ ਬੈਂਕ ਵਿਚ 9 ਲੱਖ 25 ਹਜਾਰ ਰੁਪਏ ਕੈਸ਼ ਹਿਫ਼ਾਜਤ ਨਾਲ ਪਹੁੰਚਾਣ ਵਿਚ ਕਾਮਯਾਬ ਹੋ ਗਿਆ ਅਤੇ ਓਧਰ ਆਪਣੇ ਆਪ ਨੂੰ ਗੰਨਮੈਨ ਤੋਂ ਛੁਡਾਉਣ ਅਤੇ ਇਕੱਠੀ ਹੋ ਰਹੇ ਲੋਕਾਂ ਤੋਂ ਬਚਣ ਲਈ ਲੁਟੇਰਿਆਂ ਵਿਚੋਂ ਇੱਕ ਨੇ ਦਾਤਰ ਨਾਲ ਉਸ ਉਪਰ ਲਗਾਤਾਰ ਵਾਰ ਕਰਨੇ ਸ਼ੁਰੂ ਕਰ ਦਿੱਤੇ ਅਤੇ ਉਸ ਤੋਂ ਛੁਟ ਕੇ ਮੌਕੇ ਤੋਂ ਫ਼ਰਾਰ ਹੋਣ ਵਿਚ ਸਫ਼ਲ ਹੋ ਗਏ। ਗੰਨਮੈਨ ਵਕੀਲ ਸਿੰਘ ਨੂੰ ਇਲਾਜ ਲਈ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ ਜਿੱਥੇ ਉਸ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਦੱਸੀ ਜਾਂਦੀ ਹੈ।

ਡਾ. ਅੰਬੇਦਕਰ ਦਾ ਪ੍ਰੀ ਨਿਰਵਾਣ ਦਿਵਸ ਮਨਾਇਆ

ਤਲਵਾੜਾ, 8 ਦਸੰਬਰ:

ਇੱਥੇ ਸ਼੍ਰੀ ਗੁਰੂ ਰਵਿਦਾਸ ਧਾਰਮਿਕ ਸਭਾ ਸੈਕਟਰ 3 ਵੱਲੋਂ ਡਾ. ਬੀ. ਆਰ. ਅੰਬੇਦਕਰ ਦਾ ਪ੍ਰੀ ਨਿਰਵਾਣ ਦਿਵਸ ਸ੍ਰੀ ਗੁਰੂ ਰਵਿਦਾਸ ਮੰਦਰ ਵਿਖੇ ਬੜੀ ਸ਼ਰਧਾ ਨਾਲ ਮਨਾਇਆ ਗਿਆ। ਇਸ ਮੌਕੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮੁੱਖ ਬੁਲਾਰੇ ਸੋਮਰਾਜ ਸਟੇਟ ਅਵਾਰਡੀ, ਯੁੱਧਵੀਰ ਸਿੰਘ ਪ੍ਰਧਾਨ, ਪ੍ਰਿੰ. ਸ਼ਮਸ਼ੇਰ ਸਿੰਘ ਨੇ ਸੰਬੋਧਨ ਕਰਦਿਆਂ ਕਿ ਡਾ. ਅੰਬੇਦਕਰ ਦਾ ਜੀਵਨ ਫ਼ਲਸਫ਼ਾ ਅਜੋਕੇ ਸਮਾਜ ਲਈ ਸਾਰਥਿਕ ਹੈ ਅਤੇ ਉਨ੍ਹਾਂ ਦੀਆਂ ਸਿੱਖਿਆਵਾਂ ਤੇ ਦ੍ਰਿੜਤਾ ਨਾਲ ਪਹਿਰਾ ਦੇ ਕੇ ਦੇਸ਼ ਵਿਚ ਆਪਸੀ ਭਾਈਚਾਰੇ ਦੀਆਂ ਤੰਦਾਂ ਹੋਰ ਮਜਬੂਤ ਕੀਤੀਆਂ ਜਾ ਸਕਦੀਆਂ ਹਨ। ਇਸ ਮੌਕੇ ਪ੍ਰਸਿੱਧ ਕਵੀ ਡਾ. ਅਮਰਜੀਤ 'ਅਨੀਸ' ਵੱਲੋਂ ਡਾ. ਅੰਬੇਦਕਰ ਦੇ ਜੀਵਨ ਤੇ ਸ਼ਾਨਦਾਰ ਕਵਿਤਾ ਪੇਸ਼ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ। ਹੋਰਨਾਂ ਤੋਂ ਇਲਾਵਾ ਸਮਾਗਮ ਵਿਚ ਜਰਨੈਲ ਭੱਟੀ, ਹਰਭਜਨ ਹੀਰ, ਸੋਮਲਾਲ ਮੱਲ, ਸੰਸਾਰ ਚੰਦ, ਰਾਜ ਮੱਲ, ਇੰਜ: ਸੁਨੀਲ, ਊਸ਼ਾ ਦੇਵੀ ਆਦਿ ਸਮੇਤ ਕਈ ਹੋਰ ਪਤਵੰਤੇ ਤੇ ਬੁੱਧੀਜੀਵੀ ਹਾਜਰ ਸਨ।

ਜ਼ਮੀਨ ਤੇ ਜਬਰੀ ਕਬਜ਼ਾ ਕਰਨ ਦਾ ਦੋਸ਼, ਕਾਰਵਾਈ ਦੀ ਮੰਗ

ਤਲਵਾੜਾ, 7 ਦਸੰਬਰ: ਇੱਥੇ ਲਾਗਲੇ ਪਿੰਡ ਸੱਥਵਾਂ ਵਿਖੇ ਕਥਿਤ ਤੌਰ ਤੇ ਜਮੀਨ ਉੱਤੇ ਕੁਝ ਅਣਪਛਾਤੇ ਅਨਸਰਾਂ ਵੱਲੋਂ ਨਜਾਇਜ਼ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਦਾ ਸਮਾਚਾਰ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੀੜਿਤ ਕਿਸਾਨ ਸ. ਕੁਲਵੰਤ ਸਿੰਘ ਸਾਹੀ ਅਤੇ ਕਰਨੈਲ ਸਿੰਘ ਲੁਬਾਣਾ ਨੇ ਦੱਸਿਆ ਕਿ ਅੱਜ ਦੁਪਹਿਰ ਵੇਲੇ ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਉਨ੍ਹਾਂ ਦੇ ਕਰੀਬ 17 ਕਿੱਲੇ ਖੇਤਾਂ ਵਿਚ ਖੜ੍ਹੀ ਫ਼ਸਲ ਨੂੰ ਕੁਝ ਅਣਪਛਾਤੇ ਅਨਸਰਾਂ ਵੱਲੋਂ ਜਬਰਦਸਤੀ ਕਬਜ਼ਾ ਕਰਨ ਦੀ ਨੀਯਤ ਨਾਲ ਵਹਾਈ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਖੜ੍ਹੀ ਫ਼ਸਲ ਨੂੰ ਤਬਾਹ ਕਰਨ ਦੇ ਨਾਲ ਹੀ ਕਿਨੂੰਆਂ ਦਾ ਬਾਗ ਵੀ ਉਜਾੜ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਉਕਤ ਜ਼ਮੀਨ ਵਿਚ ਲੱਗੀਆਂ ਦੋ ਮੋਟਰਾਂ ਦੀ ਵੀ ਭੰਨਤੋੜ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦਾ ਨਾਲ ਲਗਦੇ ਇੱਕ ਐਨ. ਆਰ. ਆਈ. ਸੁਰਿੰਦਰ ਸਿੰਘ ਨਾਗਰਾ ਨਾਲ ਜਮੀਨ ਦੀ ਤਕਸੀਮ ਦਾ ਕੇਸ ਵੀ ਚਲ ਰਿਹਾ ਹੈ ਪਰੰਤੂ ਇਸ ਕੇਸ ਦਾ ਫੈਸਲਾ ਆਉਣ ਤੋਂ ਪਹਿਲਾਂ ਹੀ ਅਜਿਹੀ ਕਾਰਵਾਈ ਬੇਹੱਦ ਨਿੰਦਣਯੋਗ ਹੈ ਅਤੇ ਇਸ ਸਬੰਧੀ ਥਾਣਾ ਹਾਜੀਪੁਰ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ ਅਤੇ ਹਾਲਾਤ ਦੀ ਸੰਗੀਨਤਾ ਨੂੰ ਵੇਖਦੇ ਹੋਏ ਉਨ੍ਹਾਂ  ਜਿਲ੍ਹਾ ਪੁਲਿਸ ਮੁਖੀ ਨੂੰ ਜਾਨਮਾਲ ਦੀ ਰਾਖੀ ਲਈ ਮੰਗ ਕੀਤੀ ਹੈ। ਇਸ ਮੌਕੇ ਸੁਭਾਸ਼ ਚੰਦਰ ਸਰਪੰਚ ਸੱਥਵਾਂ ਨੇ ਦੱਸਿਆ ਕਿ ਉਕਤ ਜ਼ਮੀਨ ਦੀ ਨਿਸ਼ਾਨਦੇਹੀ ਪੰਚਾਇਤ ਦੀ ਹਾਜਰੀ ਵਿਚ ਹੋਣੀ ਚਾਹੀਦੀ ਹੈ ਪਰੰਤੂ ਉੱਥੇ ਇੱਕ ਧਿਰ ਵੱਲੋਂ ਇਸ ਤਰਾਂ ਕਾਨੂੰਨ ਨੂੰ ਆਪਣੇ ਹੱਥ ਵਿਚ ਲੈਣਾ ਬੇਹੱਦ ਮੰਦਭਾਗਾ ਹੈ ਅਤੇ ਇਸ ਨਾਲ ਪਿੰਡ ਵਾਸੀਆਂ ਵਿਚ ਵੀ ਡਰ ਦਾ ਮਾਹੌਲ ਬਣ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਨਿਸ਼ਾਨਦੇਹੀ ਤੋਂ ਪਹਿਲਾਂ ਹੀ ਅਜਿਹੀਆਂ ਗੈਰਜਿੰਮੇਵਾਰਾਨਾ ਕਾਰਵਾਈਆਂ ਲੋਕਤੰਤਰ ਦੇ ਖਿਲਾਫ਼ ਹਨ। ਇਸ ਸਬੰਧੀ ਵਾਰ ਵਾਰ ਕੋਸ਼ਿਸ਼ ਦੇ ਬਾਵਜੂਦ ਐਨ. ਆਰ. ਆਈ. ਧਿਰ ਨਾਲ ਰਾਬਤਾ ਨਹੀਂ ਹੋ ਸਕਿਆ।

ਨਵੀਂ ਜਿੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਵਾਂਗਾ: ਵਿਜੈ ਸਾਂਪਲਾ

ਤਲਵਾੜਾ ਵਿਚ ਹੋਇਆ ਸਨਮਾਨ ਸਮਾਰੋਹ
ਤਲਵਾੜਾ, 7 ਦਸੰਬਰ: ਅੱਜ ਇੱਥੇ ਬਲਾਕ ਭਾਜਪਾ ਵੱਲੋਂ ਪੰਜਾਬ ਜੰਗਲਾਤ ਵਿਕਾਸ ਕਾਰਪੋਰੇਸ਼ਨ ਦੇ ਨਵਨਿਯੁਕਤ ਚੇਅਰਮੈਨ ਵਿਜੇ ਸਾਂਪਲਾ ਦਾ ਸਵਾਗਤ ਸਮਾਰੋਹ ਆਯੋਜਿਤ ਕੀਤਾ ਗਿਆ। ਇਸ ਮੌਕੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸ਼੍ਰੀ ਸਾਂਪਲਾ ਨੇ ਕਿਹਾ ਹਾਈ ਕਮਾਨ ਵੱਲੋਂ ਦਿੱਤੀ ਗਈ ਨਵੀਂ ਜਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਂਣਗੇ। ਉਨ੍ਹਾਂ ਇਸ ਨਿਯੁਕਤੀ ਲਈ ਭਾਜਪਾ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਅਤੇ ਸ. ਪਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਸ੍ਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਿਚ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿਚ ਲੋਕ ਕੇਂਦਰ ਵਿਚ ਭਾਜਪਾ ਸਰਕਾਰ ਬਣਾਉਣ ਲਈ ਉਤਾਵਲੇ ਹਨ ਕਿਉਂਕਿ ਕੇਂਦਰ ਵਿਚ ਸੱਤਾ ਦੇ ਕਾਬਜ ਕਾਂਗਰਸ ਤੇ ਭਾਈਵਾਲ ਪਾਰਟੀਆਂ ਨੇ ਭ੍ਰਿਸ਼ਟਾਚਾਰ ਦੇ ਸਾਰੇ ਹੱਦਾਂ ਬੰਨੇ ਪਾਰ ਕਰਕੇ ਲੋਕਾਂ ਨੂੰ ਮਹਿੰਗਾਈ ਦੇ ਬੋਝ ਥੱਲੇ ਦੱਬ ਦਿੱਤਾ ਹੈ। ਇਸ ਮੌਕੇ ਸ੍ਰੀ ਅਸ਼ੋਕ ਸੱਭਰਵਾਲ ਨੇ ਕਿਹਾ ਕਿ ਸ਼੍ਰੀ ਸਾਂਪਲਾ ਦੇ ਚੇਅਰਮੈਨ ਬਣਨ ਨਾਲ ਪੂਰੇ ਇਲਾਕੇ ਵਿਚ ਨਵਾਂ ਜੋਸ਼ ਵੇਖਣ ਨੂੰ ਮਿਲ ਰਿਹਾ ਹੈ ਅਤੇ ਉਨ੍ਹਾਂ ਦੀ ਨਿਯੁਕਤੀ ਨਾਲ ਪਾਰਟੀ ਵਰਕਰ ਹੋਰ ਮਜਬੂਤ ਹੋਏ ਹਨ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਅਮਨਦੀਪ ਹੈਪੀ ਐਮ. ਸੀ. ਨਗਰ ਪੰਚਾਇਤ ਤਲਵਾੜਾ, ਨਰੇਸ਼ ਠਾਕੁਰ ਐਮ. ਸੀ., ਧਰੁਬ ਸਿੰਘ ਪ੍ਰਧਾਨ ਨਗਰ ਕੌਂਸਲ, ਦੀਪਕ ਰਾਣਾ, ਰੇਖਾ ਠਾਕੁਰ, ਮੰਜੂ ਬਾਲਾ, ਮਧੂ ਬਾਲਾ, ਵੀਨਸ ਕਮਲ, ਆਸ਼ੂ ਅਰੋੜਾ, ਵਿਵੇਕ ਕੁਮਾਰ ਮਿੱਠੂ, ਪ੍ਰਵੀਨ ਮਲਹੋਤਰਾ, ਦਵਿੰਦਰਪਾਲ ਸਿੰਘ ਸੇਠੀ ਸ਼ਹਿਰੀ ਪ੍ਰਧਾਨ, ਰਵਿੰਦਰ ਸਿੰਘ, ਰਾਮ ਜੀਤ ਸੰਧੂ ਮੈਂਬਰ ਜਿਲ੍ਹਾ ਪਰਿਸ਼ਦ, ਰਾਮਪਾਲ, ਸ਼ਿਵਮ ਸ਼ਰਮਾ ਆਦਿ ਸਮੇਤ ਕਈ ਹੋਰ ਸਰਗਰਮ ਵਰਕਰ ਹਾਜਰ ਸਨ।

ਲੋਕ ਸੇਵਾ ਲਈ ਹਮੇਸ਼ਾ ਤਤਪਰ ਰਹਾਂਗਾ: ਰਘੂਨਾਥ ਰਾਣਾ

ਪਿੰਡ ਭਵਨੌਰ ਵਿਚ ਹੋਇਆ ਸਨਮਾਨ ਸਮਾਗਮ
ਤਲਵਾੜਾ, 7 ਦਸੰਬਰ:  ਪੰਜਾਬ ਮੀਡੀਅਮ ਸਕੇਲ ਇੰਡਸਟ੍ਰੀਜ਼ ਦੇ ਨਵਨਿਯੁਕਤ ਚੇਅਰਮੈਨ ਅਤੇ ਉੱਘੇ ਉਦਯੋਗਪਤੀ ਰਘੂਨਾਥ ਸਿੰਘ ਰਾਣਾ ਦਾ ਪਿੰਡ ਪਹੁੰਚਣ ਤੇ ਭਵਨੌਰ, ਸੰਧਾਣੀ, ਭਟੋਲੀ, ਖਡਿਆਲਾ,

ਝਰੇੜਾ, ਕਰਟੋਲੀ ਆਦਿ ਪਿੰਡਾਂ ਤੋਂ ਇਲਾਕੇ ਦੇ ਲੋਕਾਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸ਼੍ਰੀ ਰਾਣਾ ਨੇ ਕਿ ਉਹ ਹਮੇਸ਼ਾ ਇਲਾਕੇ ਦੇ ਬਹੁਪੱਖੀ ਵਿਕਾਸ ਅਤੇ ਲੋਕ ਸੇਵਾ ਲਈ ਤਤਪਰ ਰਹਿਣਗੇ ਅਤੇ ਸਰਕਾਰ ਵੱਲੋਂ ਸੌਂਪੀ ਗਈ ਜਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣ ਲਈ ਯਤਨਸ਼ੀਲ ਰਹਿਣਗੇ। ਉਨ੍ਹਾਂ ਕਿਹਾ ਕਿ ਸ. ਪਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਦੀ ਯੋਗ ਅਗਵਾਈ ਹੇਠ ਸੂਬੇ ਵਿਚ ਵੱਡੇ ਪੱਧਰ ਤੇ ਵਿਕਾਸ ਕੀਤਾ ਜਾ ਰਿਹਾ ਹੈ ਅਤੇ ਪਿੰਡਾਂ ਨੂੰ ਸ਼ਹਿਰਾਂ ਵਰਗੀਆਂ ਸਹੂਲਤਾਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਸ. ਬਾਦਲ ਦੀਆਂ ਲੋਕ ਪੱਖੀ ਨੀਤੀਆਂ ਅਤੇ ਭਾਜਪਾ ਹਾਈ ਕਮਾਨ ਵੱਲੋਂ ਨਰਿੰਦਰ ਮੋਦੀ ਦੀ ਹਰਮਨਪਿਆਰਤਾ ਸਦਕਾ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿਚ ਕੇਂਦਰ ਵਿਚੋਂ ਕਾਂਗਰਸ ਦੀ ਅਗਵਾਈ ਵਾਲੀ ਸਰਕਾਰ ਨੂੰ ਚਲਦਾ ਕਰ ਦਿੱਤਾ ਜਾਵੇਗਾ।  ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਰਛਪਾਲ ਸਿੰਘ ਸਰਪੰਚ ਸੰਧਾਣੀ, ਰੀਨਾ ਕੁਮਾਰੀ ਸਰਪੰਚ ਭਟੋਲੀ, ਅਸ਼ਵਨੀ ਕੁਮਾਰ ਸਰਪੰਚ ਝਰੇੜਾ, ਸੁਰਿੰਦਰ ਸਿੰਘ ਸਰਪੰਚ ਖਮਤਾ ਪੱਤੀ, ਅਨਿਲ ਰਾਣਾ, ਕੈਪਟਲ ਬਲੀ ਰਾਮ, ਦਰਸ਼ਨ, ਡਾ. ਸਤੀਸ਼, ਰਣਜੀਤ ਸਿੰਘ ਰਾਮਗੜ੍ਹ, ਹਰਬੰਸ ਲਾਲ, ਦਵਿੰਦਰਵਾਲ ਕਰਟੋਲੀ, ਕੈਪਟਨ ਰੋਸ਼ਨ ਲਾਲ, ਦੌਲਤ ਰਾਮ, ਸੁਖਦੇਵ ਸਿੰਘ, ਜੀਤ ਸਿੰਘ, ਸਹਿਦੇਵ, ਉਂਕਾਰ ਸਿੰਘ, ਨਾਨਕ ਚੰਦ, ਜੋਗਿੰਦਰ ਸਿੰਘ ਸਾਬਕਾ ਸਰਪੰਚ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਪੰਚ ਸਰਪੰਚ ਤੇ ਪਤਵੰਤੇ ਹਾਜਰ ਸਨ।

ਸਾਂਪਲਾ ਦੀ ਨਿਯੁਕਤੀ ਤੇ ਖ਼ੁਸ਼ੀ ਦਾ ਪ੍ਰਗਟਾਵਾ

ਤਲਵਾੜਾ, 6 ਦਸੰਬਰ:

ਸੀਨੀਅਰ ਭਾਜਪਾ ਆਗੂ ਸ਼੍ਰੀ ਵਿਜੇ ਸਾਂਪਲਾ ਨੂੰ ਪੰਜਾਬ ਰਾਜ ਜੰਗਲਾਤ ਵਿਕਾਸ ਕਾਰਪੋਰੇਸ਼ਨ ਦਾ ਚੇਅਰਮੈਨ ਬਣਾਉਣ ਨਾਲ ਕੰਢੀ ਖੇਤਰ ਵਿਚ ਬੇਹੱਦ ਖੁਸ਼ੀ ਦਾ ਮਾਹੌਲ ਹੈ ਅਤੇ ਵਿਸ਼ੇਸ਼ ਤੌਰ ਤੇ ਨੌਜਵਾਨ ਵਰਗ ਬੇਹੱਦ ਉਤਸ਼ਾਹਿਤ ਹੈ। ਇਹ ਪ੍ਰਗਟਾਵਾ ਇੱਥੇ ਭਾਜਪਾ ਆਗੂ ਅਮਨਦੀਪ ਹੈਪੀ ਐਮ. ਸੀ. ਨਗਰ ਪੰਚਾਇਤ ਤਲਵਾੜਾ ਨੇ ਕਰਦਿਆਂ ਕਿਹਾ ਕਿ ਸ਼੍ਰੀ ਸਾਂਪਲਾ ਹਮੇਸ਼ਾ ਹੀ ਸਮਾਜ ਸੇਵਾ ਅਤੇ ਸੂਬੇ ਦੇ ਵਿਕਾਸ ਲਈ ਹਮੇਸ਼ਾ ਹੀ ਤਤਪਰ ਰਹੇ ਹਨ ਅਤੇ ਉਨ੍ਹਾਂ ਨਿਯੁਕਤੀ ਨਾਲ ਲੋਕਾਂ ਵਿਚ ਵਿਕਾਸ ਦੇ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਲਈ ਆਸ ਜਾਗੀ ਹੈ। ਇੱਕ ਹੋਰ ਬਿਆਨ ਵਿਚ ਭਾਜਪਾ ਮੰਡਲ ਪ੍ਰਧਾਨ ਅਸ਼ੋਕ ਸੱਭਰਵਾਲ, ਡਾ. ਧਰੁਬ ਸਿੰਘ, ਨਰੇਸ਼ ਠਾਕੁਰ ਐਮ. ਸੀ. ਤਲਵਾੜਾ ਨੇ ਵੀ ਸ਼੍ਰੀ ਸਾਂਪਲਾ ਦੀ ਨਿਯੁਕਤੀ ਦਾ ਸਵਾਗਤ ਕਰਦਿਆਂ ਕਿ ਕਿਹਾ ਇਸ ਨਾਲ ਭਾਜਪਾ ਕਾਡਰ ਹੋਰ ਮਜਬੂਤ ਹੋਵੇਗਾ ਅਤੇ ਆਉਂਦੀਆਂ ਚੋਣਾਂ ਵਿਚ ਇਸ ਦੇ ਦੂਰਅੰਦੇਸ਼ ਸਿੱਟੇ ਨਿਕਲਣਗੇ।

ਕਿਸਾਨਾਂ ਲਈ ਵਰਦਾਨ ਨਹਿਰ ਕਿਸੇ ਵੇਲੇ ਵੀ ਬਣ ਸਕਦੀ ਹੈ ਸਰਾਪ

ਕੰਢੀ ਨਹਿਰ ਵਿਚ ਲੀਕੇਜ਼ ਸ਼ੁਰੂ

ਤਲਵਾੜਾ, 4 ਦਸੰਬਰ : ਕੰਢੀ ਖੇਤਰ ਦੇ ਕਿਸਾਨਾਂ ਲਈ ਵਰਦਾਨ ਸਾਬਿਤ ਹੋਣ ਵਾਲੀ ਕੰਢੀ ਨਹਿਰ ਵਿਚ ਲੀਕੇਜ਼ ਨੇ ਕਿਸਾਨਾਂ ਦੀ ਨੀਂਦ ਉਡਾ ਦਿੱਤੀ ਹੈ। ਇਕੱਤਰ ਜਾਣਕਾਰੀ ਅਨੁਸਾਰ ਪਿਛਲੇ ਦੋ ਮਹੀਨੇ ਤੋਂ ਇਸ ਨਹਿਰ ਨੂੰ ਜਰੂਰੀ ਮੁਰੰਮਤ ਦੇ ਨਾਮ ਤੇ ਬੰਦ ਰੱਖਿਆ ਗਿਆ ਸੀ ਜਿਸ ਨਾਲ ਕਿਸਾਨਾਂ ਨੂੰ ਸਿੰਚਾਈ ਤੋਂ ਵਾਂਝੇ ਰਹਿਣਾ ਪਿਆ ਅਤੇ ਹੁਣ ਜਦੋਂ ਇਸ ਵਿਚ ਕਥਿਤ ਮੁਰੰਮਤ ਤੋਂ ਬਾਦ ਆਖਿਰਕਾਰ ਪਾਣੀ ਛੱਡਿਆ ਗਿਆ ਹੈ ਤਾਂ ਹੋਲੀ ਵਾਲੇ ਗੁਬਾਰੇ ਵਾਂਗ ਇਸ ਵਿਚ ਥਾਂ ਥਾਂ ਤੋਂ ਲੀਕੇਜ਼ ਸ਼ੁਰੂ ਹੋ ਗਈ ਜਿਸ ਨੇ ਇਸ ਨਹਿਰ ਤੇ ਨਿਰਭਰ ਲੋਕਾਂ ਵਿਚ ਕਿਸੇ ਵੱਡੇ ਪਾੜ ਦੇ ਖਤਰੇ ਦਾ ਡਰ ਪੈਦਾ ਕਰ ਦਿੱਤਾ ਹੈ। ਜਿਕਰਯੋਗ ਹੈ ਕਿ ਸਾਫ਼ ਸਫ਼ਾਈ ਅਤੇ ਮੁਰੰਮਤ ਦੇ ਬਾਵਜੂਦ ਨਹਿਰ ਵਿਚ ਵਿਆਪਕ ਪੱਧਰ ਤੇ ਝਾੜੀਆਂ ਪਹਿਲਾਂ ਵਾਂਗ ਹੀ ਬਰਕਰਾਰ ਵੇਖੀਆਂ ਜਾ ਸਕਦੀਆਂ ਹਨ ਉੱਥੇ ਆਰ. ਡੀ. ਨੰਬਰ 2 ਨਜਦੀਕ ਪੈਂਦੇ ਸਾਈਫ਼ਨ ਵਿਚ ਨਹਿਰ ਦੀ ਦੀਵਾਰ ਵਿਚੋਂ ਪਾਣੀ ਆਪ ਮੁਹਾਰੇ ਲੀਕ ਹੋ ਰਿਹਾ ਹੈ ਅਤੇ ਕਿਸੇ ਚੰਗੇ ਟਿਊਬਵੈ¤ਲ ਦਾ ਭੁਲੇਖਾ ਪਾਉਂਦਾ ਹੈ। ਲੋਕਾਂ ਵੱਲੋਂ ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਜੇਕਰ ਵਿਭਾਗ ਵੱਲੋਂ ਸਮੇਂ ਸਿਰ ਇਸ ਵੱਲ ਧਿਆਨ ਨਾ ਦਿੱਤਾ ਗਿਆ ਤਾਂ ਕਿਸੇ ਵੇਲੇ ਵੀ ਇਹ ਲੀਕੇਜ਼ ਵੱਡੀ ਤਬਾਹੀ ਦਾ ਕਾਰਨ ਬਣ ਸਕਦੀ ਹੈ। ਸਬੰਧਤ ਵਿਭਾਗ ਦੇ ਅਧਿਕਾਰੀਆਂ ਨਾਲ ਇਸ ਮਸਲੇ ਸਬੰਧੀ ਵਾਰ ਵਾਰ ਕੋਸ਼ਿਸ਼ਾਂ ਦੇ ਬਾਵਜੂਦ ਸੰਪਰਕ ਕਾਇਮ ਨਹੀਂ ਹੋ ਸਕਿਆ। ਲੋਕਾਂ ਦੀ ਡਿਪਟੀ ਕਮਿਸ਼ਨਰ ਹੁਸ਼ਿਆਰਪੁਰ ਤੋਂ ਪੁਰਜੋਰ ਮੰਗ ਹੈ ਕਿ ਨਹਿਰ ਦੀ ਕੀਤੀ ਗਈ ਕਥਿਤ ਮੁਰੰਮਤ ਦੀ ਉੱਚ ਪੱਧਰੀ ਜਾਂਚ ਕਰਵਾਈ ਜਾਣੀ ਚਾਹੀਦੀ ਹੈ ਅਤੇ ਨਹਿਰ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਢੁਕਵੀਂ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।

ਰਘੂਨਾਥ ਸਿੰਘ ਰਾਣਾ ਦੇ ਚੇਅਰਮੈਨ ਬਣਨ ਦੇ ਖੁਸ਼ੀ ਦਾ ਪ੍ਰਗਟਾਵਾ

ਮੀਡੀਅਮ ਸਕੇਲ ਇੰਡਸਟ੍ਰੀਜ਼ ਪੰਜਾਬ ਦੇ ਬਣੇ ਚੇਅਰਮੈਨ
ਤਲਵਾੜਾ, 4 ਦਸੰਬਰ: ਰਾਜਪੂਤ ਮਹਾਂਸਭਾ ਪੰਜਾਬ ਦੇ ਸੂਬਾਈ ਆਗੂ ਅਤੇ ਪ੍ਰਸਿੱਧ ਉਦਯੋਗਪਤੀ ਠਾਕੁਰ ਰਘੁਨਾਥ ਸਿੰਘ ਰਾਣਾ ਨੂੰ ਪੰਜਾਬ ਸਰਕਾਰ ਵੱਲੋਂ ਕੈਬਨਿਟ ਰੈਂਕ ਵਿੱਚ ਮੀਡੀਅਮ ਸਕੇਲ ਇੰਡਸਟ੍ਰੀਜ਼ ਦਾ ਚੇਅਰਮੈਨ ਬਣਾਉਣ ਤੇ ਇਲਾਕੇ ਵਿਚ ਖੁਸ਼ੀ ਦੀ ਲਹਿਰ ਦੌੜ ਗਈ। ਸ਼੍ਰੀ ਰਾਣਾ ਪਹਿਲਾਂ ਵੀ ਇਸੇ ਵਿਭਾਗ ਚੇਅਰਮੈਨ ਰਹੇ ਹਨ। ਉਨ੍ਹਾਂ ਇਸ ਸਬੰਧੀ ਅਜੀਤ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹ ਇਸ ਨਵੀਂ ਜਿੰਮੇਵਾਰੀ ਲਈ ਸ. ਪਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਦੇ ਬੇਹੱਦ ਧੰਨਵਾਦੀ ਹਨ ਅਤੇ ਉਹ ਹਮੇਸ਼ਾ ਵਾਂਗ ਪੂਰੀ ਤਨਦੇਹੀ ਨਾਲ ਇਲਾਕੇ ਦੇ ਲੋਕਾਂ ਦੀ ਸੇਵਾ ਲਈ ਤਤਪਰ ਰਹਿਣਗੇ। ਉਨ੍ਹਾਂ ਕਿਹਾ ਕਿ ਮੱਧਮ ਦਰਜੇ ਦੇ ਉਦਯੋਗਾਂ ਨੂੰ ਰਾਜ ਵਿਚ ਸਰਕਾਰ ਦੀਆਂ ਨੀਤੀਆਂ ਤਹਿਤ ਪ੍ਰਫੁੱਲਿਤ ਕੀਤਾ ਜਾਵੇਗਾ। ਇਸ ਮੌਕੇ ਅਕਾਲੀ ਆਗੂ ਐਡਵੋਕੇਟ ਰਾਜਗੁਲਜਿੰਦਰ ਸਿੰਘ ਸਿੱਧੂ, ਜੋਗਿੰਦਰ ਸਿੰਘ ਮਿਨਹਾਸ ਸਰਕਲ ਪ੍ਰਧਾਨ, ਅਸ਼ੋਕ ਸੱਭਰਵਾਲ ਮੰਡਲ ਪ੍ਰਧਾਨ ਭਾਜਪਾ, ਰਵਿੰਦਰ ਰਵੀ ਦਸੂਹਾ, ਬਲਰਾਮ ਠਾਕੁਰ, ਐਨ. ਜੀ. ਓ. ਤਲਵਾੜਾ ਦੇ ਸ. ਸੁਰਿੰਦਰ ਸਿੰਘ, ਸੁਸ਼ੀਲ ਕੁਮਾਰ, ਅਨਿਲ ਰਾਣਾ, ਅਮਨਦੀਪ ਹੈਪੀ ਐਮ. ਸੀ., ਨਰੇਸ਼ ਠਾਕੁਰ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਆਗੂਆਂ ਨੇ ਸ਼੍ਰੀ ਰਾਣਾ ਦੀ ਨਿਯੁਕਤੀ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਇਸ ਨਾਲ ਸੂਬੇ ਦੇ ਨਾਲ ਕੰਢੀ ਖੇਤਰ ਵਿਚ ਉਦਯੋਗਿਕ ਵਿਕਾਸ ਨੂੰ ਨਵਾਂ ਹੁਲਾਰਾ ਮਿਲੇਗਾ।

ਸੁਭਾਸ਼ ਚੰਦ ਪ੍ਰਧਾਨ ਬਣੇ

ਅਧਿਆਪਕ ਦਲ ਪੰਜਾਬ ਬਲਾਕ ਤਲਵਾੜਾ ਦੀ ਚੋਣ
ਤਲਵਾੜਾ, 4 ਦਸੰਬਰ: ਅੱਜ ਇੱਥੇ ਅਧਿਆਪਕ ਦਲ ਪੰਜਾਬ ਦੇ ਬਲਾਕ ਤਲਵਾੜਾ ਯੂਨਿਟ ਦੀ ਚੋਣ ਸੂਬਾ ਜਨਰਲ ਸਕੱਤਰ ਈਸ਼ਰ ਸਿੰਘ ਮੰਝਪੁਰ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿਚ ਸੁਭਾਸ਼ ਚੰਦ ਲੈਕਚਰਾਰ ਕਮਰਸ ਨੂੰ ਸਰਬਸੰਮਤੀ ਨਾਲ ਜਥੇਬੰਦੀ ਦਾ ਪ੍ਰਧਾਨ ਅਤੇ ਗੁਰਦੀਪ ਸਿੰਘ ਲੈਕਚਰਾਰ ਫਿਜੀਕਸ ਨੂੰ ਜਨਰਲ ਸਕੱਤਰ ਚੁਣਿਆ ਗਿਆ। ਇਸ ਮੌਕੇ ਅਧਿਆਪਕ ਆਗੂਆਂ ਵੱਲੋਂ ਭਖਦੇ ਮਸਲਿਆਂ ਤੇ ਵਿਚਾਰ ਚਰਚਾ ਕੀਤੀ ਗਈ ਅਤੇ ਸਾਰੇ ਵਰਗਾਂ ਦੀਆਂ ਤਰੱਕੀਆਂ, ਡੀ. ਏ. ਦੀ ਜੁਲਾਈ 13 ਦੀ ਕਿਸ਼ਤ ਜਾਰੀ ਕਰਨ ਤੇ ਏ. ਸੀ. ਪੀ. ਕੇਸ ਤੁਰੰਤ ਹੱਲ ਕਰਨ ਲਈ ਸਰਕਾਰ ਨੂੰ ਅਪੀਲ ਕੀਤੀ ਗਈ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਭਗਵਾਨ ਦਾਸ, ਪਿ੍ਰੰ. ਸਮਸ਼ੇਰ ਸਿੰਘ, ਕਰਤਾਰ ਸਿੰਘ, ਹਰਮੇਸ਼ ਸਿੰਘ, ਅਮਨ ਕੁਮਾਰ ਬਟਵਾੜਾ, ਸਤੀਸ਼ ਕੁਮਾਰ ਭੰਬੋਤਾੜ, ਰਾਜੀਵ ਕੌਲ, ਰੂਪ ਚੰਦ, ਰਾਜੀਵ ਕੁਮਾਰ ਖਿਜਰਪੁਰ, ਸਤੀਸ਼ ਕੁਮਾਰ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਅਧਿਆਪਕ ਆਗੂ ਤੇ ਕਾਰਕੰੁਨ ਹਾਜਰ ਸਨ।

ਔਰਤਾਂ ਦੇ ਸਹਿਯੋਗ ਨਾਲ ਖੇਤੀਬਾੜੀ ਅਤੇ ਪਸ਼ੂ ਪਾਲਣ ਵਿੱਚ ਪਾਈਆਂ ਜਾ ਸਕਦੀਆਂ ਹਨ ਨਵੀਂਆਂ ਪੈੜਾਂ-ਡਾ.ਤਨੇਜਾ

ਮਹਿਲਾ ਖੇਤੀਬਾੜੀ ਦਿਵਸ ਮਨਾਇਆ
ਤਲਵਾੜਾ, 4 ਦਸੰਬਰ :
ਔਰਤਾਂ ਦੇ ਮਰਦਾਂ ਦੇ ਮੁਕਾਬਲੇ ਖੇਤੀ ਵਿੱਚ ਯੋਗਦਾਨ ਨੂੰ ਵਧਾਉਣਾ ਚਾਹੀਦਾ ਹੈ।ਇਸ ਨਾਲ ਔਰਤਾਂ ਕੋਲ ਮਾਇਕ ਸਾਧਨ ਵਧਣਗੇ ਜਿਸ ਨਾਲ ਉਹ ਬੱਚਿਆਂ ਦੀ ਸਿਹਤ, ਘਰ ਗ੍ਰਹਿਸਤੀ ਅਤੇ ਪਰਿਵਾਰ ਦੀ ਸਿੱਖਿਆ ਵਿੱਚ ਹੋਰ ਯੋਗਦਾਨ ਪਾ ਸਕੇਗੀ।ਡਾ. ਤਨੇਜਾ ਨੇ ਕਿਹਾ ਕਿ ਵੈਟਨਰੀ ਯੂਨੀਵਰਸਿਟੀ ਇਸ ਵਾਸਤੇ ਔਰਤਾਂ ਨੂੰ ਹਰ ਕਿਸਮ ਦੀ ਸਿਖਲਾਈ ਮੁਫ਼ਤ ਦੇ ਰਹੀ ਹੈ ਜਿਸ ਵਿੱਚ ਪਸ਼ੂ ਪਾਲਣ ਕਿੱਤਿਆਂ ਦੇ ਨਾਲ ਗੁਣਵੱਤਾ ਭਰਪੂਰ ਉਤਪਾਦ ਬਨਾਉਣੇ ਵੀ ਸ਼ਾਮਿਲ ਹਨ।ਸਾਡਾ ਉਦੇਸ਼ ਹੈ ਕਿ ਔਰਤਾਂ ਸਵੈ-ਨਿਰਭਰ ਢੰਗ ਨਾਲ ਆਪਣੇ ਉਧਮ ਸਥਾਪਿਤ ਕਰ ਸਕਣ।
ਯੂਨੀਵਰਸਿਟੀ ਦੇ ਨਿਰਦੇਸ਼ਕ ਪਸਾਰ ਸਿੱਖਿਆ ਡਾ. ਰਣਜੋਧਨ ਸਿੰਘ ਸਹੋਤਾ ਨੇ ਦੱਸਿਆ ਕਿ ਯੂਨੀਵਰਸਿਟੀ ਦੇ ਵੱਖ-ਵੱਖ ਵਿਭਾਗਾਂ ਨੇ ਆਪਣੀਆਂ ਖੋਜਾਂ, ਤਕਨੀਕਾਂ ਅਤੇ ਗਿਆਨ ਆਏ ਹੋਏ ਕਿਸਾਨ ਅਤੇ  ਬੀਬੀਆਂ ਨਾਲ ਸਾਂਝਾ ਕੀਤਾ ਅਤੇ ਉਨ੍ਹਾਂ ਦੇ ਸੁਆਲਾਂ ਦੇ ਜਵਾਬ ਵੀ ਦਿੱਤੇ।ਯੂਨੀਵਰਸਿਟੀ ਵੱਲੋਂ ਤਿਆਰ ਕੀਤਾ ਧਾਤਾਂ ਦਾ ਚੂਰਾ ਅਤੇ ਪਸ਼ੂ ਚਾਟ ਵੀ ਉਨ੍ਹਾਂ ਨੂੰ ਮੁਹੱਈਆ ਕਰਵਾਏ ਗਏ।ਮਾਹਿਰਾਂ ਨੇ ਔਰਤਾਂ ਰਾਹੀਂ ਸੁਚੱਜੇ ਢੰਗ ਨਾਲ ਚਲਾਏ ਜਾ ਸਕਣ ਵਾਲੇ ਕਿੱਤਿਆਂ ਤੇ ਰੋਸ਼ਨੀ ਪਾਈ।ਦੁੱਧ ਤੋਂ ਵਸਤਾਂ ਤਿਆਰ ਕਰਨ ਸਬੰਧੀ ਵੀ ਦੱਸਿਆ ਗਿਆ। ਪਸ਼ੂਆਂ ਦੇ ਦੁੱਧ, ਖੂਨ, ਗੋਹੇ ਅਤੇ ਚਾਰਿਆਂ ਦੀ ਜਾਂਚ ਲਈ ਵੀ ਮਾਹਿਰਾਂ ਨੇ ਸਹਿਯੋਗ ਦਿੱਤਾ।
ਕੰਢੀ ਖੇਤਰ ਵਿੱਚ ਕੰਮ ਕਰਦੇ ਯੂਨੀਵਰਸਿਟੀ ਦੇ ਖੇਤਰੀ ਖੋਜ ਅਤੇ ਸਿਖਲਾਈ ਕੇਂਦਰ ਦੇ ਨਿਰਦੇਸ਼ਕ ਡਾ. ਅੰਮ੍ਰਿਤ ਸੈਣੀ ਨੇ ਜਾਣਕਾਰੀ ਦਿੱਤੀ ਕਿ ਵੱਡੀ ਗਿਣਤੀ ਵਿੱਚ ਔਰਤਾਂ ਅਤੇ ਕਿਸਾਨਾਂ ਨੇ ਮੇਲੇ ਵਿੱਚ ਪਹੁੰਚ ਕੀਤੀ।ਜਿੱਥੇ ਔਰਤਾਂ ਵੱਲੋਂ ਚਲਾਏ ਜਾ ਰਹੇ ਸਵੈ-ਸਹਾਇਤਾ ਸਮੂਹਾਂ ਨੇ ਆਪਣੀ ਸਫਲਤਾ ਦੀ ਜਾਣਕਾਰੀ ਦਿੱਤੀ ਉ¤ਥੇ ਬੱਕਰੀ ਅਤੇਡ ਸੂਰ ਪਾਲਣ ਵਾਲੀਆਂ ਬੀਬੀਆਂ ਨੇ ਵੀ ਆਪਣੇ ਬਾਰੇ ਦੱਸਿਆ।ਔਰਤਾਂ ਵੱਲੋਂ ਸੁਖਾਲੇ ਢੰਗ ਨਾਲ ਮੁਰਗੀ ਪਾਲਣ ਲਈ ਇਸ ਇਲਾਕੇ ਵਾਸਤੇ ਬਹੁਤ ਸਹਾਇਕ ਬਾਂਸ ਦਾ ਮੁਰਗੀਖਾਨਾ ਵੀ ਪ੍ਰਦਰਸ਼ਿਤ ਕੀਤਾ ਗਿਆ।ਪਸ਼ੂਆਂ ਦੇ ਇਲਾਜ ਦਾ ਕੈਂਪ ਵੀ ਲਗਾਇਆ ਗਿਆ ਜਿੱਥੇ ਪਸ਼ੂ ਪਾਲਕਾਂ ਨੂੰ ਵਿਗਿਆਨਕ ਲੀਹਾਂ ਤੇ ਪਸ਼ੂ ਪਾਲਣ ਵਾਸਤੇ ਜਾਗਰੂਕ ਕੀਤਾ ਗਿਆ।ਡਾ. ਸੈਣੀ ਨੇ ਦੱਸਿਆ ਕਿ ਪੈਰਾਂ ਨਾਲ ਚੱਲਣ ਵਾਲੀ ਰੱਸੀਆਂ ਬਨਾਉਣ ਵਾਲੀ ਮਸ਼ੀਨ ਨਾਲ ਕੰਮ ਦੀ ਰਫ਼ਤਾਰ ਦੁਗਣੀ ਹੋ ਗਈ ਹੈ ਜਿਸ ਨਾਲ ਔਰਤਾਂ 210 ਤੋਂ 240 ਰੁਪਏ ਰੋਜ਼ਾਨਾ ਕਮਾ ਲੈਂਦੀਆਂ ਹਨ।ਔਰਤਾਂ ਦੇ ਸਮੂਹ ਨੂੰ ਸ਼ਹਿਦ ਦੀ ਮੱਖੀ ਪਾਲਣ ਦੀ ਸਿਖਲਾਈ ਦੇ ਕੇ ਪ੍ਰਾਜੈਕਟ ਦੇ ਫੰਡ ਵਿੱਚੋਂ ਮੁਫ਼ਤ ਮੱਖੀਆਂ ਦੇ ਬਕਸੇ ਵੀ ਦਿੱਤੇ ਗਏ ਹਨ।ਇਸ ਤੋਂ ਇਲਾਵਾ ਔਰਤਾਂ ਨੂੰ ਕੁਦਰਤੀ ਸਿਰਕਾ ਅਤੇ ਪੀਣ ਵਾਲੇ ਪਦਾਰਥ ਬਨਾਉਣ ਲਈ ਵੀ ਸਿੱਖਿਅਤ ਕੀਤਾ ਗਿਆ ਹੈ।ਭੂੰਗਾ ਬਲਾਕ ਦੀਆਂ ਔਰਤਾਂ ਦੇ ਸਮੂਹ ਨੂੰ ਸਿਲਾਈ ਅਤੇ ਕਢਾਈ ਦੇ ਕੰਮਾਂ ਦੀ ਸਿਖਲਾਈ ਦਿੱਤੀ ਗਈ ਹੈ ਜਿਸ ਨਾਲ ਉਨ੍ਹਾਂ ਦੀ ਆਮਦਨੀ ਵਧੀ ਹੈ।ਔਰਤਾਂ ਦੇ ਇਕ ਹੋਰ ਸਮੂਹ ਨੁੰ ਫਲ ਅਤੇ ਸਬਜੀਆਂ ਦੇ ਉਤਪਾਦ ਤਿਆਰ ਕਰਨ ਸਬੰਧੀ ਗਿਆਨ ਦਿੱਤਾ ਗਿਆ ਹੈ ਜੋ ਉਨ੍ਹਾਂ ਦੇ ਆਰਥਿਕਤਾ ਵਿੱਚ ਬਹੁਤ ਸਹਾਈ ਹੋ ਰਿਹਾ ਹੈ।ਮੱਕੀ ਦੇ ਦਾਣੇ ਉਘੇੜਨ ਵਾਲੇ ਯੰਤਰ ਨਾਲ ਇਕ ਤਿਹਾਈ ਵਕਤ ਵਿੱਚ ਕੰਮ ਨਿਪਟ ਰਿਹਾ ਹੈ।ਡਾ, ਸੈਣੀ ਨੇ ਦੱਸਿਆ ਕਿ ਸਾਡਾ ਉਦੇਸ਼ ਇਹੋ ਹੈ ਕਿ ਔਰਤਾਂ ਦਾ ਸ਼ਕਤੀਕਰਨ ਕੀਤਾ ਜਾਏ।
ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਹੁਸ਼ਿਆਰਪੁਰ ਵਾਲੇ ਕ੍ਰਿਸ਼ੀ ਵਿਗਿਆਨ ਕੇਂਦਰ, ਡੇਅਰੀ ਵਿਕਾਸ ਵਿਭਾਗ ਪੰਜਾਬ, ਮੱਛੀ ਪਾਲਣ ਵਿਭਾਗ ਪੰਜਾਬ ਅਤੇ ਉਨਤੀ ਕੋਆਪਰੇਟਿਵ ਸੋਸਾਇਟੀ ਨੇ ਵੀ ਆਪਣੇ ਸਟਾਲ ਲਗਾਏ।
ਡਾ. ਸ਼ਸ਼ੀ ਸਹਿਜਪਾਲ, ਡਾ. ਵੀਰਪਾਲ, ਡਾ. ਇੰਦਰਪ੍ਰੀਤ ਕੌਰ, ਡਾ. ਆਸ਼ਾ ਧਵਨ ਤੇ ਡਾ.ਮਮਤਾ ਪਾਠਕ ਨੇ ਵੱਖੋ ਵੱਖ ਔਰਤਾਂ ਦੇ ਕਿੱਤਿਆਂ ਬਾਰੇ ਚਾਨਣਾ ਪਾਇਆ। ਡਾ. ਕੁਲਬੀਰ ਸਿੰਘ ਸੈਣੀ ਨੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਰਾਸ਼ਟਰੀ ਖੇਤੀ ਨਵੀਨਕਾਰੀ ਪ੍ਰਾਜੈਕਟ ਵਿੱਚ ਯੂਨੀਵਰਸਿਟੀ ਦੇ ਯੋਗਦਾਨ ਅਤੇ ਗਤੀਵਿਧੀਆਂ ਬਾਰੇ ਦੱਸਿਆ ਅਤੇ ਬੀ. ਬੀ. ਐਮ. ਬੀ. ਹਸਪਤਾਲ ਤਲਵਾੜਾ ਵੱਲੋਂ ਡਾ. ਰਾਜ ਕੁਮਾਰ ਅਤੇ ਰਵਿੰਦਰ ਰਵੀ ਦੀ ਟੀਮ ਵੱਲੋਂ ਚੈ¤ਕ ਕੈਂਪ ਲਗਾਇਆ ਗਿਆ।
ਸਮਾਰੋਹ ਵਿੱਚ ਡਾ. ਸਰਨਰਿੰਦਰ ਸਿੰਘ ਰੰਧਾਵਾ, ਉਨਤੀ ਕੋਆਪਰੇਟਿਵ ਦੇ ਜਯੋਤੀ ਸਰੂਪ, ਸਵਾਮੀ ਕਮਲ ਨੇਤਰ ਅਤੇ ਡਾ. ਦਿਨੇਸ਼ ਮਿੱਤਲ, ਡਾ. ਰਾਜ ਕੁਮਾਰ, ਸਰਪੰਚ ਕਾਮਰੇਡ ਬਲਦੇਵ ਸਿੰਘ ਭਵਨੌਰ, ਗੁਰਬਚਨ ਸਿੰਘ ਭੋਲ ਕਲੋਤਾ, ਗੁਰਮੀਤ ਸਿੰਘ ਡਡਿਆਲ, ਕੁਲਦੀਪ ਕੌਰ, ਐਸ.ਐਸ.ਐਮ. ਸਵੈ-ਸਹਾਇਤਾ ਗਰੁੱਪ ਦੇ ਸ਼੍ਰੀਮਤੀ ਵੀਨਾ ਸ਼ਰਮਾ ਵੀ ਉਚੇਚੇ ਤੌਰ ਤੇ ਪਧਾਰੇ। ਕਿਸਾਨਾਂ ਨੇ ਯੂਨੀਵਰਸਿਟੀ ਦੇ ਸਾਹਿਤ ਵਿੱਚ ਵੀ ਕਾਫੀ ਰੂਚੀ ਵਿਖਾਈ।

ਔਰਤਾਂ ਸਾਡੇ ਸਮਾਜ ਦਾ ਬਹੁਤ ਮਹੱਤਵਪੂਰਨ ਹਿੱਸਾ ਹਨ।ਉਨ੍ਹਾਂ ਦੇ ਹਾਂ-ਪੱਖੀ ਸਹਿਯੋਗ ਨਾਲ ਸਮਾਜ ਨਵੀਂ ਦਿਸ਼ਾ ਗ੍ਰਹਿਣ ਕਰਦਾ ਹੈ।ਇਹ ਵਿਚਾਰ ਡਾ. ਵੀ.ਕੇ. ਤਨੇਜਾ ਉਪ-ਕੁਲਪਤੀ, ਗੁਰੂ ਅੰਗਦ ਦੇਵ ਵੈਟਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ ਨੇ ਤਲਵਾੜਾ ਦੇ ਪਿੰਡ ਰਾਮਗੜ੍ਹ ਸੀਕਰੀ ਵਿਖੇ ‘ਖੇਤੀ ਵਿੱਚ ਔਰਤਾਂ ਦਾ ਦਿਵਸ’ ਮਨਾਉਂਦਿਆਂ ਸਾਂਝੇ ਕੀਤੇ।ਉਨ੍ਹਾਂ ਕਿਹਾ ਕਿ ਖੇਤੀ ਬਾੜੀ ਅਤੇ ਪਸ਼ੂ ਕਿੱਤਿਆਂ ਵਿੱਚ ਔਰਤਾਂ ਬੜਾ ਜ਼ਿਕਰਯੋਗ ਸਹਿਯੋਗ ਦੇ ਰਹੀਆਂ ਹਨ ਪਰ ਇਸ ਵਿੱਚ ਅਜੇ ਸਹੀ ਵਿਉਂਤ ਦੀ ਘਾਟ ਹੈ। ਉਨ੍ਹਾਂ ਦਾ ਵਿਉਂਤਬੱਧ ਯੋਗਦਾਨ ਉਤਪਾਦਨ ਅਤੇ ਆਰਥਿਕਤਾ ਵਿੱਚ ਵੱਡੀ ਤਬਦੀਲੀ ਲਿਆ ਸਕਦਾ ਹੈ।

ਸਰਵਹਿੱਤਕਾਰੀ ਸਕੂਲ ਵਿਚ ਮਨਾਇਆ ਏਡਜ਼ ਦਿਵਸ

ਤਲਵਾੜਾ, 4 ਦਸੰਬਰ: ਇੱਥੇ ਐੱਸ. ਡੀ. ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਤਲਵਾੜਾ ਵਿਖੇ ਰੈੱਡ ਰਿਬਨ ਕਲੱਬ ਵੱਲੋਂ ਏਡਜ਼ ਦਿਵਸ ਮਨਾਇਆ ਗਿਆ ਜਿਸ ਵਿਚ ਸ. ਅਜੀਤ ਸਿੰਘ, ਡਾ. ਜੇ. ਕੇ. ਸ਼ਰਮਾ, ਪਿ੍ਰੰ. ਦੇਸ ਰਾਜ ਸ਼ਰਮਾ ਨੇ ਵਿਦਿਆਰਥੀਆਂ ਨੂੰ ਇਸ ਨਾਮੁਰਾਦ ਬਿਮਾਰੀ ਬਾਰੇ ਜਾਣਕਾਰੀ ਦਿੰਦਿਆਂ ਜਾਗਰੂਕ ਹੋ ਕੇ ਦੇਸ਼ ਵਿਚੋਂ ਇਸ ਦਾ ਸਫ਼ਾਇਆ ਕਰਨ ਲਈ ਲਾਮਬੰਦ ਹੋਣ ਲਈ ਪ੍ਰੇਰਿਤ ਕੀਤਾ। ਲੋਕਾਂ ਨੂੰ ਇਸ ਬਿਮਾਰੀ ਤੋਂ ਜਾਗਰੂਕ ਕਰਨ ਦੇ ਮੰਤਵ ਨਾਲ ਸਕੂਲ ਦੇ ਵਿਦਿਆਰਥਆਂ ਵੱਲੋਂ ਇਸ ਮੌਕੇ ਚੇਤਨਾ ਰੈਲੀ ਕੱਖੀ ਗਈ। ਇਸ ਮੌਕੇ ਅੰਜੂ ਸ਼ਰਮਾ, ਅਰਵਿੰਦ ਕੁਮਾਰ, ਸੰਜੀਵ ਕੁਮਾਰ, ਅਮਰਨਾਥ, ਰੈੱਡ ਕਰਾਸ ਯੂਨਿਟ ਵੱਲੋਂ ਸੌਰਵ, ਅਭਿਨਵ, ਸਾਹਿਲ, ਏਕਤਾ, ਭਾਰਤੀ ਪਾਠਕ ਆਦਿ ਸਮੇਤ ਕਈ ਹੋਰ ਪਤਵੰਤੇ ਹਾਜਰ ਸਨ।

ਸਰਕਾਰੀ ਕੰਨਿਆ ਸਕੂਲ ਵੱਲੋਂ ਏਡਜ ਦਿਵਸ ਮਨਾਇਆ

ਤਲਵਾੜਾ, 4 ਦਸੰਬਰ: ਜਿਲ੍ਹਾ ਸਿਖਿਆ ਅਫਸਰ ਸੈਕੰਡਰੀ ਸ਼੍ਰੀਮਤੀ ਸੁਖਵਿੰਦਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਇਥੇ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਪ੍ਰਿੰਸੀਪਲ ਸੁਰੇਸ਼ ਕੁਮਾਰੀ ਦੀ ਅਗਵਾਈ ਵਿਚ ਏਡਜ ਚੇਤਨਾ ਦਿਵਸ ਮਨਾਇਆ ਗਿਆ। ਜਿਸ ਵਿੱਚ ਬੱਚਿਆਂ ਨੂੰ ਪ੍ਰਿੰਸੀਪਲ ਸੁਰੇਸ਼ ਕੁਮਾਰੀ ਨੇ ਏਡਜ ਵਰਗੇ ਵਿਸ਼ੇ ਤੇ ਚਾਨਣਾ ਪਾਇਆ ਅਤੇ ਕਿਹਾ ਕਿ ਸਮਾਜ ਵਿਚ ਵਧ ਰਹੀਆਂ ਘਟਨਾਵਾਂ ਇਕ ਚਿੰਤਾ ਦਾ ਵਿਸ਼ਾ ਬਣਦਾ ਜਾ ਰਿਹਾ ਹੈ। ਇਸ ਪ੍ਰਤੀ ਸੁਚੇਤ ਹੋਣ ਦੀ ਜ਼ਰੂਰਤ ਹੈ। ਇਸ ਮੌਕੇ ਵਿਦਿਆਰਥੀਆਂ ਦੇ ਪੇਂਟਿੰਗ, ਭਾਸ਼ਣ ਅਤੇ ਕੁਇਜ਼ ਮੁਕਾਬਲੇ ਵੀ ਕਰਵਾਏ ਗਏ ਅਤੇ ਲੋਕਾਂ ਨੂੰ ਏਡਜ਼ ਵਰਗੀ ਨਾਮੁਰਾਦ ਬਿਮਾਰੀ ਤੋ ਬਚਣ ਲਈ ਚੇਤਨਾ ਰੈਡੀ ਕੱਢੀ ਗਈ। ਇਸ ਮੌਕੇ ਸਤਪਾਲ, ਅਨਿਲ ਕੁਮਾਰ, ਰਮਿੰਦਰ ਕੌਰ, ਨੀਲਮ ਸਹਿਗਲ, ਨਿਧੀ ਸ਼ਰਮਾ ਅਤੇ ਸਪਨਾ ਆਦਿ ਹਾਜਰ ਸਨ।

ਫ਼ਤਿਹਪੁਰ ਵਿਚ ਏਡਜ਼ ਦਿਵਸ ਮਨਾਇਆ

ਤਲਵਾੜਾ, 4 ਦਸੰਬਰ: ਇੱਥੇ ਜਿਲ੍ਹਾ ਸਿੱਖਿਆ ਅਧਿਕਾਰੀ ਸ਼੍ਰੀਮਤੀ ਸੁਖਵਿੰਦਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ

ਤਹਿਤ ਸਰਕਾਰੀ ਹਾਈ ਸਕੂਲ ਫ਼ਤਿਹਪੁਰ ਵਿਖੇ ਏਡਜ਼ ਚੇਤਨਾ ਦਿਵਸ ਮਨਾਇਆ ਗਿਆ। ਇਸ ਮੌਕੇ ਸਕੂਲ ਮੁਖੀ ਅਨੂਪ ਕੁਮਾਰ ਦੀ ਅਗਵਾਈ ਹੇਠ ਵਿਦਿਆਰਥੀਆਂ ਦੇ ਚਾਰਟ ਮੇਕਿੰਗ, ਸਲੋਗਨ ਅਤੇ ਪੋਸਟਰ ਮੇਕਿੰਗ ਮੁਕਾਬਲੇ ਕਰਵਾਏ ਗਏ ਅਤੇ ਸਾਇੰਸ ਮਾਸਟਰ ਸ਼ਮਿੰਦਰ ਸਿੰਘ ਵੱਲੋਂ ਏਡਜ਼ ਦੇ ਲੱਛਣ ਅਤੇ ਬਚਾਓ ਸਬੰਧੀ ਜਾਣਕਾਰੀ ਪ੍ਰਦਾਨ ਕੀਤੀ ਗਈ। ਸਕੂਲ ਦੇ ਅੱਠਵੀਂ, ਨੌਵੀਂ ਅਤੇ ਦਸਵੀਂ ਜਮਾਤ ਵਿਦਿਆਰਥੀਆਂ ਵੱਲੋਂ ਏਡਜ਼ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨ ਦੇ ਮੰਤਵ ਨਾਲ ਚੇਤਨਾ ਰੈਲੀ ਵੀ ਕੀਤੀ ਗਈ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਧਿਆਨ ਸਿੰਘ ਚੰਦਨ, ਮਨੋਜ ਕੁਮਾਰ, ਸੁਖਵਿੰਦਰ ਕੌਰ, ਸਵਿਤਾ ਰਾਣੀ, ਜੀਵਨ ਆਸ਼ਾ, ਹਰਮਨਜੀਤ ਸਿੰਘ, ਰੇਖਾ, ਭੁਪਿੰਦਰ ਕੌਰ, ਜਸਵੀਰ ਸਿੰਘ, ਮੋਨਿਕਾ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਅਧਿਆਪਕ, ਪਤਵੰਤੇ ਹਾਜਰ ਸਨ।

ਨਵੀਂ ਦਿੱਲੀ ਚੋਣਾਂ ਵਿਚ ਅਕਾਲੀ ਦਲ ਨਵਾਂ ਇਤਿਹਾਸ ਸਿਰਜੇਗਾ: ਗੁਰਪ੍ਰੀਤ ਚੀਮਾ

ਤਲਵਾੜਾ, 3 ਦਸੰਬਰ: ਨਵੀਂ ਦਿੱਲੀ ਚੋਣਾਂ ਵਿਚ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਸ਼ਾਨਦਾਰ ਜਿੱਤ ਹਾਸਿਲ ਕਰਕੇ ਨਵਾਂ ਇਤਿਹਾਸ ਸਿਰਜਿਆ ਜਾਵੇਗਾ। ਇਹ ਪ੍ਰਗਟਾਵਾ ਇੱਥੇ ਗੁਰਪ੍ਰੀਤ ਸਿੰਘ ਚੀਮਾ ਸੀਨੀਅਰ ਮੀਤ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਯੂਥ ਵਿੰਗ ਪੰਜਾਬ ਨੇ ਕਰਦਿਆਂ ਕਿਹਾ ਕਿ ਸ. ਪਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਅਤੇ ਸ. ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਹੇਠ ਯੂਥ ਵਿੰਗ ਵੱਲੋਂ ਦਿੱਲੀ ਸੂਬੇ ਵਿਚ ਪੂਰੀ ਤਨਦੇਹੀ ਨਾਲ ਚੋਣ ਮੁਹਿੰਮ ਵਿਚ ਸ਼ਿਰਕਤ ਕੀਤੀ ਗਈ ਹੈ ਅਤੇ ਕਾਂਗਰਸ ਤੇ ਭਾਈਵਾਲ ਪਾਰਟੀਆਂ ਦੀ ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਤੋਂ ਲੋਕ ਬੇਹੱਦ ਰੋਹ ਵਿਚ ਹਨ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਸਤਪਾਲ ਸਿੰਘ ਤੂਰ ਮੀਤ ਪ੍ਰਧਾਨ ਸਮੇਤ ਕਈ ਹੋਰ ਯੂਥ ਆਗੂ ਮੌਜੂਦ ਸਨ।

ਏਡਜ਼ ਤੋਂ ਬਚਾਓ ਲਈ ਜਾਗਰੂਕਤਾ ਜਰੂਰੀ: ਸ਼ਰਮਾ

ਏਡਜ਼ ਦਿਵਸ ਮਨਾਇਆ
 ਤਲਵਾੜਾ, 29 ਨਵੰਬਰ: ਇੱਥੇ ਜਿਲ੍ਹਾ ਸਿੱਖਿਆ ਅਧਿਕਾਰੀ ਸ਼੍ਰੀਮਤੀ ਸੁਖਵਿੰਦਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਸਰਕਾਰੀ ਮਾਡਲ ਹਾਈ ਸਕੂਲ ਵਿਖੇ ਏਡਜ਼ ਚੇਤਨਾ ਦਿਵਸ ਮਨਾਇਆ ਗਿਆ ਜਿਸ ਵਿਚ ਸਕੂਲ ਮੁਖੀ ਰਜਿੰਦਰ ਪ੍ਰਸ਼ਾਦ ਸ਼ਰਮਾ ਨੇ ਕਿਹਾ ਕਿ ਏਡਜ਼ ਵਰਗੀ ਨਾਮੁਰਾਦ ਬਿਮਾਰੀ ਤੋਂ ਬਚਾਓ ਲਈ ਲੁੜੀਂਦੀ ਜਾਗਰੂਕਤਾ ਬੇਹੱਦ ਜਰੂਰੀ ਹੈ ਅਤੇ ਚੰਗੇ ਚਰਿੱਤਰ ਨਾਲ ਦੇਸ਼ ਨੂੰ ਇਸ ਬਿਮਾਰੀ ਤੋਂ ਮੁਕਤ ਕੀਤਾ ਜਾ ਸਕਦਾ ਹੈ। ਸਮਾਗਮ ਨੂੰ ਸਾਇੰਸ ਅਧਿਆਪਕ ਰਾਜ ਕੁਮਾਰ, ਹਰਮੀਤ ਕੌਰ, ਕੁਲਵੰਤ ਸਿੰਘ, ਸਮਰਜੀਤ ਸਿੰਘ ਤੋਂ ਇਲਾਵਾ ਸ਼ਿਵਾਨੀ, ਸ਼ੈਲੀ, ਰੋਮੀ ਆਦਿ ਨੇ ਵੀ ਸੰਬੋਧਨ ਕੀਤਾ। ਇਸ ਮੌਕੇ ਵਿਦਿਆਰਥੀਆਂ ਵੱਲੋਂ ਏਡਜ਼ ਤੋਂ ਜਾਗਰੂਕ ਕਰਦੇ ਪੋਸਟਰ, ਚਾਰਟ ਆਦਿ ਦੀ ਪ੍ਰਦਰਸ਼ਨੀ ਵੀ ਲਗਾਈ ਗਈ ਅਤੇ ਨੌਂਵੀ ਅਤੇ ਦਸਵੀਂ ਦੇ ਵਿਦਿਆਰਥੀਆਂ ਨੇ ਕਾਫ਼ਲੇ ਦੇ ਰੂਪ ਵਿਚ ਸ਼ਹਿਰ ਵਿਚ ਚੇਤਨਾ ਰੈਲੀ ਕੱਢ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਰਵੀ ਸ਼ਾਰਦਾ, ਰਾਜ ਕੁਮਾਰ, ਹਰਮੀਤ ਕੌਰ, ਸੁਸ਼ਮਾ, ਨਵਕਿਰਨ, ਸੰਦੀਪ ਕਪਿਲ, ਬਿਆਸ ਦੇਵ, ਭੁਪਿੰਦਰ ਸਿੰਘ ਘੋਗਰਾ, ਬਲਵਿੰਦਰ ਸਿੰਘ, ਮੋਨਿਕਾ ਚੌਧਰੀ ਆਦਿ ਸਮੇਤ ਸਕੂਲ ਦੇ ਸਮੂਹ ਅਧਿਆਪਕ, ਪਤਵੰਤੇ ਅਤੇ ਵਿਦਿਆਰਥੀ ਹਾਜਰ ਸਨ।

ਪਾਣੀ ਦੀ ਸੰਭਾਲ ਸਮੇਂ ਦੀ ਲੋੜ: ਅਵਿਨਾਸ਼ ਰਾਏ ਖੰਨਾ

ਤਲਵਾੜਾ, 9 ਅਕਤੂਬਰ: ਜਲ ਹੀ ਜੀਵਨ ਹੈ ਦਾ ਸੰਦੇਸ਼ ਹਰ

ਘਰ ਤੱਕ ਪਹੁੰਚਣਾ ਬੇਹੱਦ ਜਰੂਰੀ ਹੈ ਕਿਉਂਕਿ ਤੇਜ਼ ਰਫ਼ਤਾਰ ਤਰੱਕੀ ਦੇ ਰਾਹ ਤੇ ਚਲਦਿਆਂ ਅਸੀਂ ਆਪਣੇ ਕੁਦਰਤੀ ਸੋਮਿਆਂ ਨੂੰ ਬਰਬਾਦੀ ਦੇ ਕਗਾਰ ਤੇ ਖੜ੍ਹਾ ਕਰ ਦਿੱਤਾ ਹੈ। ਇਹ ਪ੍ਰਗਟਾਵਾ ਸ਼੍ਰੀ ਅਵਿਨਾਸ਼ ਰਾਏ ਖੰਨਾ ਮੈਂਬਰ ਪਾਰਲੀਮੈਂਟ ਨੇ ਇੱਥੇ ਐੱਸ. ਡੀ. ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਤਲਵਾੜਾ ਵਿਖੇ ਸਮਾਜ ਸੇਵੀ ਸੰਸਥਾ ਪ੍ਰਕਾਸ਼ ਰਾਏ ਕੌਸ਼ੱਲਿਆ ਦੇਵੀ ਖੰਨਾ ਟਰੱਸਟ ਵੱਲੋਂ ਪੰਜਾਬ ਪੱਧਰੀ ਲੇਖ ਮੁਕਾਬਲੇ ਵਿਚ ਜੇਤੂ ਰਹੇ ਬੱਚਿਆਂ ਨੂੰ ਸਨਮਾਨਿਤ ਕਰਨ ਮੌਕੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕੀਤਾ। ਉਨ੍ਹਾਂ ਇਸ ਮੌਕੇ ਮੁਕਾਬਲੇ ਵਿਚ ਜੇਤੂ ਦਸਵੀਂ ਜਮਾਤ ਦੀ ਕੀਰਤੀ ਅਤੇ ਅੱਠਵੀਂ ਜਮਾਤ ਦੀ ਸੋਨਾ ਨੂੰ ਇੱਕ ਹਜਾਰ ਰੁਪਏ ਨਗਦ ਅਤੇ ਪ੍ਰਮਾਣਪੱਤਰ ਦੇ ਕੇ ਸਨਮਾਨਿਤ ਕੀਤਾ। ਜਿਕਰਯੋਗ ਹੈ ਜਲ ਹੀ ਜੀਵਨ ਹੈ ਵਿਸ਼ੇ ਤੇ ਕਰਵਾਏ ਇਸ ਮੁਕਾਬਲੇ ਵਿਚ ਪੂਰੇ ਪੰਜਾਬ ਤੋਂ ਵੱਡੀ ਗਿਣਤੀ ਵਿਚ ਵਿਦਿਆਰਥੀਆਂ ਨੇ ਭਾਗ ਲਿਆ। ਇਸ ਮੌਕੇ ਹਲਕਾ ਵਿਧਾਇਕ ਬੀਬੀ ਸੁਖਜੀਤ ਕੌਰ ਸਾਹੀ ਨੇ ਅਜਿਹੇ ਉਪਰਾਲੇ ਕਰਨ ਲਈ ਪ੍ਰਬੰਧਕਾਂ ਦੀ ਭਰਪੂਰ ਸ਼ਲਾਘਾ ਕਰਦਿਆਂ ਕਿਹਾ ਕਿ ਜਲ ਸੰਭਾਲ ਪ੍ਰਤੀ ਜਾਗਰੂਕ ਹੋਣ ਦੇ ਨਾਲ ਵਾਤਾਰਵਰਨ ਸ਼ੁੱਧ ਹੋਵੇਗਾ ਅਤੇ ਇਨਸਾਨ ਨੂੰ ਦਰਪੇਸ਼ ਮੁਸ਼ਕਿਲਾਂ ਵਿਚ ਕਮੀ ਆਵੇਗੀ। ਸਕੂਲ ਮੁਖੀ ਪਿ੍ਰੰਸੀਪਲ ਦੇਸ ਰਾਜ ਸ਼ਰਮਾ ਨੇ ਕਿਹਾ ਕਿ ਪੀਣ ਵਾਲੇ ਪਾਣੀ ਦੀ ਸਮੱਸਿਆ ਬੇਹੱਦ ਗੰਭੀਰ ਹੈ ਅਤੇ ਇਸ ਮੰਤਵ ਲਈ ਹਰ ਪੱਧਰ ਤੇ ਭਰਪੂਰ ਯਤਨਾਂ ਦੀ ਲੋੜ ਹੈ। ਸਮਾਗਮ ਦੌਰਾਨ ਸਕੂਲ ਦੀਆਂ ਵਿਦਿਆਰਥਣਾਂ ਨੇ ‘ਸਾਨੂੰ ਹੈ ਅਭਿਮਾਨ ਦੇਸ਼ ਦਾ’ ਸਮੂਹ ਗੀਤ ਅਤੇ ਸੱਤਵੀਂ ਦੀ ਵਿਦਿਆਰਥਣ ਜੋਤਿਕਾ ਨੇ ਵਿਸ਼ੇ ਤੇ ਅਧਾਰਿਤ ਕਵਿਤਾ ਪੇਸ਼ ਕੀਤੀ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਐੱਚ. ਸੀ. ਕੰਵਰ, ਅਸ਼ੋਕ ਸੱਭਰਵਾਲ, ਪਿ੍ਰੰ. ਜੇ. ਆਰ. ਸੋਨੀ, ਵੇਦ ਪ੍ਰਕਾਸ਼, ਮਹੇਸ਼ ਚੋਪੜਾ, ਅਸ਼ੋਕ ਕਾਲੀਆ, ਐੱਸ. ਪੀ. ਰਲਹਨ ਆਦਿ ਸਮੇਤ ਕਈ ਹੋਰ ਪਤਵੰਤੇ ਹਾਜਰ ਸਨ।

ਰਮਾਇਣ ਦਾ ਪਵਿੱਤਰ ਸੰਦੇਸ਼ ਦਿੰਦੀ ਹੈ ਰਾਮਲੀਲਾ: ਐਡਵੋਕੇਟ ਸਿੱਧੂ

ਤਲਵਾੜਾ, 9 ਅਕਤੂਬਰ: ਭਗਵਾਨ ਸ਼੍ਰੀ ਰਾਮ ਚੰਦਰ ਜੀ ਦੇ ਜੀਵਨ ਦਰਸ਼ਨ ਰਾਹੀਂ ਰਾਮਲੀਲਾ ਰਮਾਇਣ ਦਾ ਪਵਿੱਤਰ ਸੰਦੇਸ਼ ਦਿੰਦੀ ਹੈ ਅਤੇ ਲੋਕਾਂ ਨੂੰ ਜੀਵਨ ਵਿੱਚ ਸਦਾਚਾਰਕ ਗੁਣਾਂ ਨੂੰ ਅਪਨਾਉਣ ਅਤੇ ਬੁਰਾਈ ਤੋਂ ਦੂਰ ਰਹਿਣ ਲਈ ਪ੍ਰੇਰਿਤ ਕਰਦੀ ਹੈ। ਇਹ ਪ੍ਰਗਟਾਵਾ ਐਡਵੋਕੇਟ ਰਾਜਗੁਲਜਿੰਦਰ ਸਿੰਘ ਸਿੱਧੂ ਜਿਲ੍ਹਾ ਪ੍ਰਧਾਨ ਸ਼ੋ੍ਰਮਣੀ ਅਕਾ

ਲੀ ਦਲ ਲੀਗਲ ਸੈੱਲ ਹੁਸ਼ਿਆਰਪੁਰ ਨੇ ਇੱਥੇ ਨਵਯੁਵਕ ਰਾਮ ਲੀਲਾ ਕਮੇਟੀ ਪੁਰਾਣਾ ਤਲਵਾੜਾ ਵੱਲੋਂ ਸ਼੍ਰੀ ਰਾਮ ਚੰਦਰ ਜੀ ਦੇ ਵਿਆਹ ਦਿ੍ਰਸ਼ਾਂ ਦੇ ਮੰਚਨ ਦਾ ਉਦਘਾਟਨ ਕਰਨ ਮੌਕੇ ਇਕੱਤਰ ਇਕੱਠ ਨੂੰ ਸੰੋਬੋਧਨ ਕਰਦਿਆਂ ਕੀਤਾ। ਉਨ੍ਹਾਂ ਕਿਹਾ ਕਿ ਅਸਲ ਵਿਚ ਅਜੋਕੇ ਸਮਾਜ ਵਿਚ ਦਿਨੋ ਦਿਨ ਵਧ ਰਹੀ ਬੁਰਾਈ ਦਾ ਕਾਰਨ ਲੋਕਾਂ ਦਾ ਆਪਣੇ ਮੂਲ ਨਾਲੋਂ ਟੁੱਟਣਾ ਹੈ ਅਤੇ ਅਜਿਹੇ ਹਾਲਾਤ ਵਿਚ ਆਪਣੇ ਮਹਾਨ ਵਿਰਸੇ ਨਾਲ ਜੁੜਨਾ ਸਮੇਂ ਦੀ ਲੋੜ ਹੈ ਤਾਂ ਹੀ ਬਦੀ ਉੱਤੇ ਨੇਕੀ ਦੀ ਜਿੱਤ ਦਾ ਸੁਪਨਾ ਸਾਕਾਰ ਹੋ ਸਕਦਾ ਹੈ। ਇਸ ਮੌਕੇ ਆਰਤੀ ਉਪਰੰਤ ਸ. ਸਿੱਧੂ ਨੂੰ ਪ੍ਰਬੰਧਕ ਕਮੇਟੀ ਵੱਲੋਂ ਸਮਾਜ ਸੇਵਾ ਵਿਚ ਪਾਏ ਜਾ ਰਹੇ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਕਮੇਟੀ ਦੇ ਪ੍ਰਧਾਨ ਰਮੇਸ਼ਵਰ ਦਾਸ, ਰਾਜ ਕੁਮਾਰ ਬਿੱਟੂ ਸਰਕਲ ਪ੍ਰਧਾਨ ਯੂਥ ਵਿੰਗ, ਲਵਇੰਦਰ ਸਿੰਘ, ਵਿਵੇਕ ਰਤਨ ਭੂਪੀ, ਸੰਜੀਵ ਪ੍ਰਧਾਨ, ਸੁਮੇਰ ਪ੍ਰਤਾਪ ਸਿੰਘ, ਰਾਜੀਵ ਸ਼ਰਮਾ, ਪੀ. ਕੇ. ਪੀਨੂੰ, ਗੁਰਸਾਹਿਬ ਸਿੰਘ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਪਤਵੰਤੇ ਹਾਜਰ ਸਨ।

ਖੇਡਾਂ ਸ਼ਖਸ਼ੀਅਤ ਵਿਕਾਸ ਲਈ ਬੇਹੱਦ ਜਰੂਰੀ: ਭੁਪੇਸ਼ ਕੁਮਾਰੀ

ਤਲਵਾੜਾ, 5 ਅਕਤੂਬਰ: ਖੇਡਾਂ ਦਾ ਵਿਦਿਆਰਥੀ ਜੀਵਨ ਵਿਚ ਬੇਹੱਦ ਅਹਿਮ ਯੋਗਦਾਨ ਹੈ ਅਤੇ ਬਹੁਪੱਖੀ ਸ਼ਖਸ਼ੀਅਤ ਦੇ ਵਿਕਾਸ ਲਈ ਬੱਚਿਆਂ ਦਾ ਖੇਡਾਂ ਵਿਚ ਭਾਗ ਲੈਣਾ ਲਾਜ਼ਮੀ ਹੈ। ਇਹ ਪ੍ਰਗਟਾਵਾ ਬਲਾਕ ਸਿੱਖਿਆ ਅਧਿਕਾਰੀ ਸ਼੍ਰੀਮਤੀ ਭੁਪੇਸ਼ ਕੁਮਾਰੀ ਸ਼ਰਮਾ ਨੇ ਪ੍ਰਾਇਮਰੀ ਸਕੂਲ ਖੇਡਾਂ ਦੇ ਇਨਾਮ ਵੰਡ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਨਰੋਏ ਦਿਮਾਗ ਲਈ ਨਰੋਏ ਸਰੀਰ ਦਾ ਹੋਣਾ ਸਿਹਤਮੰਦ ਸਮਾਜ ਦੀ ਉਸਾਰੀ ਯਕੀਨੀ ਬਣਾਉਂਦਾ ਹੈ। ਇਨਾਂ

ਖੇਡਾਂ ਵਿਚ ਬਲਾਕ ਤਲਵਾੜਾ ਦੇ 9 ਬਲਾਕਾਂ ਤੋਂ ਵਿਦਿਆਰਥੀਆਂ ਨੇ ਅਥਲੈਟਿਕਸ, ਕਬੱਡੀ, ਖੋ ਖੋ ਆਦਿ ਖੇਡਾਂ ਵਿਚ ਭਾਗ ਲਿਆ। ਅਥਲੈਟਿਕਸ ਲੜਕੇ ਗਰੁੱਪ ਵਿਚ 100 ਮੀਟਰ ਦੌੜ ਸਾਹਿਲ ਚੌਧਰੀ ਭੰਬੋਤਾੜ ਹਾਰ ਨੇ ਪਹਿਲਾ ਸਥਾਨ ਅਤੇ ਕੁਲਦੀਪ ਸਿੰਘ ਪੁਰਾਣਾ ਤਲਵਾੜਾ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। 100 ਮੀਟਰ ਲੜਕੀਆਂ ਵਿਚ ਅੰਜਲੀ ਧਾਰ ਨੇ ਪਹਿਲਾ ਅਤੇ ਤਮੰਨਾ ਸੈਕਟਰ 3 ਤਲਵਾੜਾ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ¦ਬੀ ਛਾਲ ਲੜਕੇ ਵਿਚ ਰਾਮ ਪ੍ਰਸ਼ਾਦ ਤਲਵਾੜਾ ਪਹਿਲੇ ਅਤੇ ਅੰਕਿਤ ਪੁਰਾਣਾ ਤਲਵਾੜਾ ਦੂਜੇ ਸਥਾਨ ਤੇ ਰਹੇ ਜਦਕਿ ਲੜਕੀਆਂ ਦੀ ¦ਬੀ ਛਾਲ ਮੁਕਾਬਲੇ ਵਿਚ ਚਰਨਜੀਤ ਕੌਰ ਧਾਰ ਨੇ ਪਹਿਲਾ ਸਥਾਨ ਅਤੇ ਅੰਜਲੀ ਧਾਰ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਲੜਕਿਆਂ ਦੀ 200 ਮੀਟਰ ਦੌੜ ਵਿਚ ਕੁਲਦੀਪ ਸਿੰਘ ਤਲਵਾੜਾ ਪਹਿਲੇ ਅਤੇ ਜਤਿੰਦਰ ਚੰਗੜਵਾਂ ਦੂਜੇ ਸਥਾਨ ਤੇ ਰਹੇ। 400 ਮੀਟਰ ਰਿਲੇਅ ਲੜਕੀਆਂ ਦੀ ਦੌੜ ਵਿਚ ਅੰਜਲੀ, ਪ੍ਰਿਅੰਕਾ, ਚਰਨਜੀਤ ਕੌਰ ਨੇ ਪਹਿਲਾ ਸਥਾਨ ਅਤੇ ਕੰਚਨ, ਸ਼ਿਵਾਨੀ ਹਲੇੜ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। 30 ਕਿਲੋ ਵਰਗ ਕੁਸ਼ਤੀ ਮੁਕਾਬਲੇ ਵਿਚ ਪ੍ਰਥਮ ਹਲੇੜ ਪਹਿਲੇ ਅਤੇ ਸੰਨੀ ਹਲੇੜ ਦੂਜੇ ਸਥਾਨ ਤੇ ਰਹੇ। ਕਬੱਡੀ ਲੜਕੇ ਵਿਚ ਸੈਕਟਰ 1 ਸਕੂਲ ਨੇ ਪਹਿਲਾ ਅਤੇ ਰਜਵਾਲ ਸੈਂਟਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਕਬੱਡੀ ਕੁੜੀਆਂ ਵਿਚ ਪਹਿਲਾ ਸਥਾਨ ਪੁਰਾਣਾ ਤਲਵਾੜਾ ਅਤੇ ਦੂਜਾ ਸਥਾਨ ਰਜਵਾਲ ਸੈਂਟਰ ਦੀ ਟੀਮ ਨੇ ਹਾਸਿਲ ਕੀਤਾ। ਖੋ ਖੋ ਲੜਕੇ ਵਿਚ ਭੰਬੋਤਾੜ ਹਾਰ ਪਹਿਲੇ ਸਥਾਨ ਅਤੇ ਸੈਕਟਰ 3 ਦੂਜੇ ਸਥਾਨ ਤੇ ਰਹੇ। ਖੋ ਖੋ ਕੁੜੀਆਂ ਦਾ ਮੁਕਾਬਲੇ  ਸੈਕਟਰ 3 ਪਹਿਲੇ ਅਤੇ ਭੰਬੋਤਾੜ ਦੂਜੇ ਸਥਾਨ ਤੇ ਰਹੇ। ਇਨਾਮ ਵੰਡ ਸਮਾਗਮ ਵਿਚ ਮਾਯਅਰ ਧਰਮ ਚੰਦ ਨੇ ਮੰਚ ਸੰਚਾਲਨ ਬਾਖੂਬੀ ਕੀਤਾ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਜਸਵੀਰ ਤਲਵਾੜਾ, ਮਹਾਂਵੀਰ, ਖੁਸ਼ਹਾਲ ਸਿੰਘ, ਅਨੀਤਾ, ਸ਼ਸ਼ੀ ਕਾਂਤ, ਬਲਵੀਰ ਸਿੰਘ, ਰੂਪ ਲਾਲ, ਪ੍ਰਕਾਸ਼ ਚੰਦ, ਨਿਰਮਲ ਸਿੰਘ, ਜਸਵਿੰਦਰ ਸਿੰਗਲਾ, ਨਰੇਸ਼ ਮਿੱਢਾ, ਸੁਰਿੰਦਰ ਬਰਿੰਗਲੀ, ਅਮਿਤ, ਰਾਮ ਦਿਆਲ, ਰਾਮ ਕ੍ਰਿਸ਼ਨ, ਵਰਿੰਦਰ ਵਿੱਕੀ, ਆਸ਼ੂ ਵਰਮਾ, ਉਮਾ, ਸ਼ਰਨਜੀਤ ਕੌਰ ਆਦਿ ਸਮੇਤ ਕਈ ਹੋਰ ਅਧਿਆਪਕ ਅਤੇ ਪਤਵੰਤੇ ਹਾਜਰ ਸਨ।

ਦੇਸ਼ ਭਗਤਾਂ ਦੇ ਸੁਪਨੇ ਸਕਾਰ ਕਰਨ ਲਈ ਜਾਗਰੂਕਤਾ ਜਰੂਰੀ: ਮੰਗਤ ਰਾਮ ਪਾਂਸਲਾ

ਗਦਰ ਪਾਰਟੀ ਵਰ੍ਹੇਗੰਢ ਅਤੇ ਭਗਤ ਸਿੰਘ ਜਨਮ ਦਿਨ ਤੇ ਨਾਟਕ ਮੇਲਾ
ਤਲਵਾੜਾ, 28 ਸਤੰਬਰ: ਪੰਡਤ ਕਿਸ਼ੋਰੀ ਲਾਲ ਯਾਦਗਾਰੀ ਕਮੇਟੀ ਤਲਵਾੜਾ ਵੱਲੋਂ ਇੱਥੇ ਗਦਰ ਪਾਰਟੀ ਸ਼ਤਾਬਦੀ ਵਰ੍ਹੇਗੰਢ ਅਤੇ ਸ਼ਹੀਦੇ ਆਜ਼ਮ ਸ. ਭਗਤ ਸਿੰਘ ਦੇ ਜਨਮ ਦਿਨ ਨੁੰ ਸਮਰਪਿਤ 'ਨਾਟਕਾ ਦੀ ਰਾਤ' ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਹਾਜਰ ਇਕੱਠ ਨੂੰ ਸੰਬੋਧਨ ਕਰਦਿਆਂ ਸੀ. ਪੀ. ਆਈ. ਦੇ ਆਗੂ ਕਾਮਰੇਡ ਮੰਗਤ ਰਾਮ ਪਾਸਲਾ ਨੇ ਕਿਹਾ ਕਿ ਦੇਸ਼ ਭਗਤਾਂ ਦੇ ਸੁਪਨਿਆਂ ਨੂੰ ਸਾਕਾਰ ਕਰਨ ਲਈ ਲੋਕਾਂ ਵਿਚ ਆਪਣੇ ਹੱਕਾਂ ਅਤੇ ਫ਼ਰਜਾਂ ਪ੍ਰਤੀ ਲੁੜੀਂਦੀ ਜਾਗਰੂਕਤਾ ਸਮੇਂ ਦੀ ਲੋੜ ਹੈ। ਉਨ੍ਹਾਂ ਗਦਰੀ ਬਾਬਿਆਂ ਦੇ ਇਤਿਹਾਸ, ਸ਼ਹੀਦ ਭਗਤ ਸਿੰਘ ਦੇ ਫ਼ਲਸਫ਼ੇ ਅਤੇ ਪੰਡਤ ਕਿਸ਼ੋਰੀ ਲਾਲ ਦੇ ਜੀਵਨ ਪ੍ਰਸੰਗਾਂ ਦੇ ਹਵਾਲੇ ਦਿੰਦਿਆਂ ਕਿਹਾ ਕਿ ਸਮਾਜਿਕ ਤੇ ਆਰਥਿਕ ਬਰਾਬਰੀ ਦੇ ਸੁਪਨੇ ਨੂੰ ਹਕੀਕਤ

ਵਿਚ ਬਦਲਣ ਨਾਲ ਵਰਤਮਾਨ ਲੁੱਟ ਖਸੁੱਟ, ਬੇਇਨਸਾਫੀ, ਭ੍ਰਿਸ਼ਟਾਚਾਰ ਵਰਗੀਆਂ ਅਲਾਮਤਾਂ ਤੋਂ ਮੁਲਕ ਨੂੰ ਬਚਾ ਕੇ ਤਰੱਕੀ ਤੇ ਰਾਹ ਤੇ ਤੋਰਿਆ ਜਾ ਸਕਦਾ ਹੈ। ਇਸ ਮੌਕੇ ਉਨ੍ਹਾਂ ਦੇਸ਼ ਭਗਤ ਯਾਦਗਾਰ ਕਮੇਟੀ ਜਲੰਧਰ ਵੱਲੋਂ ਗਦਰੀ ਕਵਿਤਾ ਤੇ ਅਧਾਰਿਤ ਆਡੀਓ ਸੀ. ਡੀ. 'ਗਦਰੀ ਗੂੰਜਾਂ' ਵੀ ਜਾਰੀ ਕਰਦਿਆਂ ਲੋਕਾਂ ਨੂੰ ਵਿਚਾਰਕ ਆਜਾਦੀ ਤੇ ਪਹਿਰਾ ਦੇਣ ਦੀ ਅਪੀਲ ਕੀਤੀ। ਇਸ ਮੌਕੇ ਲੋਕ ਕਲਾ ਮੰਚ ਮੁੱਲਾਂਪੁਰ ਦੀ ਟੀਮ ਵੱਲੋਂ ਨਾਟਕ 'ਇਨ੍ਹਾਂ ਜਖ਼ਮਾਂ ਦਾ ਕੀ ਕਰੀਏ' ਦੇ ਪ੍ਰਭਾਵਸ਼ਾਲੀ ਮੰਚਨ ਨਾਲ ਪੰਜਾਬ ਵਿਚ ਨਸ਼ਿਆਂ ਦੇ ਕਲੰਕਿਤ ਦਰਿਆ ਦੀ ਬਾਤ ਛੋਹੀ ਅਤੇ ਇਸ ਅਲਾਮਤ ਦੇ ਸ਼ਿਕਾਰ ਪਰਿਵਾਰ ਦੇ ਮਾਧਿਅਮ ਨਾਲ ਨਸ਼ਾਮੁਕਤ ਸਮਾਜ ਸਿਰਜਣ ਦਾ ਸੁਨੇਹਾ ਦਿੱਤਾ। ਇਸੇ ਟੀਮ ਵੱਲੋਂ ਪੇਸ਼ ਵਿਅੰਗ ਭਰਪੂਰ ਨਾਟਕ 'ਭੰਡ ਮਟਕਾ ਚੌਂਕ ਦੇ' ਰਾਹੀਂ ਰਾਜਨੀਤਿਕ ਪਾਰਟੀਆ ਦੀ ਕਾਰਜਸ਼ੈਲੀ ਤੇ ਤਿੱਖੀਆਂ ਟਕੋਰਾਂ ਕੀਤੀਆਂ ਗਈਆਂ। ਮੰਚ ਸੰਚਾਲਨ ਜਸਵੀਰ ਸਿੰਘ ਤਲਵਾੜਾ ਨੇ ਬਾਖ਼ੂਬੀ ਕੀਤਾ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਦੇਸ਼ ਭਗਤ ਯਾਦਗਾਰ ਜਲੰਧਰ ਤੇ ਆਗੂਆਂ ਤੋਂ ਇਲਾਵਾ ਪ੍ਰਬੰਧਕ ਦੀਪਕ ਠਾਕੁਰ, ਸ਼ਿਵ ਕੁਮਾਰ ਸ਼ਰਮਾ, ਗਿਆਨ ਚੰਦ ਗੁਪਤਾ, ਵਰਿੰਦਰ ਵਿੱਕੀ, ਸ਼ਸ਼ੀਕਾਂਤ, ਅਮਨਦੀਪ ਸ਼ਰਮਾ, ਜਸਵੀਰ ਸਿੰਘ, ਵਿਸ਼ਾਲ ਡੋਗਰਾ, ਕੁਲਵੰਤ ਸਿੰਘ, ਸੱਤ ਪ੍ਰਕਾਸ਼ ਆਦਿ ਸਮੇਤ ਕਈ ਹੋਰ ਆਗੂ ਤੇ ਪਤਵੰਤੇ ਹਾਜਰ ਸਨ।

ਬਲਾਕ ਪੱਧਰੀ ਖੇਡਾਂ ਵਿਚ ਦਾਤਾਰਪੁਰ ਸਕੂਲ ਦੀ ਝੰਡੀ

ਤਲਵਾੜਾ, 28 ਸਤੰਬਰ: : ਬਲਾਕ ਪੱਧਰ ਅਧੀਨ ਹੋਏ ਜੋਨਲ ਪੱਧਰ ਸਕੂਲ ਖੇਡਾਂ ਵਿੱਚ ਸ.ਸ.ਸ.ਸਕੂਲ ਦਾਤਾਰਪੁਰ ਨੇ ਅਥਲੈਟਿਕ ਇਵੈਂਟ ਵਿੱਚ ਮੈਡਲ ਅਤੇ ਵੱਖ ਵੱਖ ਖੇਡਾਂ ਵਿੱਚ ਟਰਾਫੀਆਂ, ਜਿਨਾਂ ਵਿੱਚ ਕ੍ਰਿਕੇਟ ਅੰਡਰ-17 ਪਹਿਲਾ ਸਥਾਨ, ਬਾਲੀਵਾਲ ਅੰਡਰ-19 ਦੂਜਾ ਸਥਾਨ, ਖੋ-ਖੋ ਅੰਡਰ-14 (ਮੁੰਡੇ) ਦੂਜਾ ਸਥਾਨ, ਕੱਬਡੀ ਅੰਡਰ-17 (ਲੜਕੀਆਂ) ਦੂਜਾ ਸਥਾਨ ਪ੍ਰਾਪਤ ਕੀਤਾ। ਜਿਲ੍ਹਾ ਪੱਧਰ ਤੇ ਹੋਏ ਕੁਸ਼ਤੀਆਂ ਦੇ ਮੁਕਾਬਲਿਆਂ ਵਿੱਚ ਅੰਡਰ-14 35 ਕਿਲੋ ਸਤਨਾਮ ਸਿੰਘ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਅੱਤੇ ਗੋਲਡ ਮੈਡਲ ਜਿਤਿੱਆ। 32 ਕਿਲੋ ਦੇ ਮੁਕਾਬਲੇ ਵਿੱਚ ਦੂਜਾ ਸਥਾਨ ਕੁਮਾਰ ਪਟਿਆਲ ਨੇ ਪ੍ਰਾਪਤ ਕੀਤਾ, 50 ਕਿਲੋ ਦੇ ਵਰਗ ਦੇ ਮੁਕਾਬਲਿਆਂ ਵਿੱਚ ਅਕਾਸ਼ ਡਡਵਾਲ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਇਹ ਸਾਰੀਆਂ ਪ੍ਰਾਪਤੀਆਂ ਦਾ ਸਿਹਰਾ ਸਕੂਲ ਮੁੱਖੀ ਪ੍ਰਿੰਸੀਪਲ ਸ. ਹਰਬਿੰਦਰ ਸਿੰਘ ਪੀ.ਟੀ.ਆਈ. ਤਰਨਜੀਤ ਕੋਰ, ਤੇ ਵਿਸ਼ੇਸ਼ ਯੋਗਦਾਨ ਸ. ਜਸਮਾਨ ਸਿੰਘ ਲੈਕਚਰਾਰ ਪੰਜਾਬੀ, ਠਾਕੁਰ ਪਰਮੋਦ ਸਿੰਘ ਅਤੇ ਹੋਰ ਸਟਾਫ਼ ਮੈਂਬਰਾਂ ਦਾ ਰਿਹਾ।

ਨਜਾਇਜ਼ ਕਬਜ਼ੇ ਤੁਰੰਤ ਹਟਾਏ ਜਾਣ : ਤਨੂ ਕਸ਼ਅਪ

ਹੁਸ਼ਿਆਰਪੁਰ, 28 ਸਤੰਬਰ:  ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਮੀਟਿੰਗ ਹਾਲ ਵਿਖੇ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਤਨੂ ਕਸ਼ਅਪ ਦੀ ਪ੍ਰਧਾਨਗੀ ਹੇਠ ਆਯੋਜਿਤ ਨਜਾਇਜ਼ ਕਬਜਿਆਂ ਸਬੰਧੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਨੇ ਸਬੰਧਤ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਜ਼ਿਲ੍ਹੇ ਦੇ ਰਾਸ਼ਟਰੀ ਰਾਜ ਮਾਰਗਾਂ, ਮੁੱਖ ਸੜਕਾਂ, ਲਿੰਕ ਸੜਕਾਂ, ਏ ਸੀ ਪੁੱਡਾ, ਨਗਰ ਕੌਸਲਾਂ ਅਤੇ ਵੱਖ-ਵੱਖ ਵਿਭਾਗਾਂ ਦੀਆਂ ਥਾਵਾਂ ਤੇ ਕੀਤੇ ਗਏ ਨਜਾਇਜ਼ ਕਬਜਿਆਂ ਨੂੰ ਤੁਰੰਤ ਹਟਾਉਣ ਦੇ ਉਪਰਾਲੇ ਕੀਤੇ ਜਾਣ। ਉਨ੍ਹਾਂ ਕਿਹਾ ਕਿ ਨਜਾਇਜ਼ ਕਬਜਿਆਂ ਸਬੰਧੀ ਚਲ ਰਹੇ ਮੁਕੱਦਮਿਆਂ ਦੀ ਪੂਰੀ ਪੈਰਵਾਈ ਕੀਤੀ ਜਾਵੇ ਅਤੇ ਨਜਾਇਜ਼ ਕਬਜੇ ਹਟਾਉਣ ਉਪਰੰਤ ਰਿਪੋਰਟ ਵੀ ਭੇਜੀ ਜਾਵੇ।
 ਡਿਪਟੀ ਕਮਿਸ਼ਨਰ ਨੇ ਮੀਟਿੰਗ ਦੌਰਾਨ ਲੈਂਡ ਰਿਕਾਰਡ ਸੁਸਾਇਟੀ ਵੱਲੋਂ ਵਰਕ ਸਟੇਸ਼ਨਾਂ ਦੀ ਉਸਾਰੀ ਦਾ ਕੰਮ ਅਤੇ ਡਾਟਾ ਐਂਟਰੀ ਦੇ ਕੰਮ ਸਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਹਾਸਲ ਕੀਤੀ। ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹੇ ਹੁਸ਼ਿਆਰਪੁਰ ਦੇ 1449 ਪਿੰਡਾਂ ਵਿੱਚੋਂ 1433 ਪਿੰਡਾਂ ਦਾ ਰਿਕਾਰਡ ਕੰਪਿਊਟਰਾਈਜ਼ ਕੀਤਾ ਜਾ ਚੁੱਕਾ ਹੈ ਅਤੇ ਤਹਿਸੀਲ ਪੱਧਰ ਤੇ ਸਥਾਪਿਤ ਕੀਤੇ ਗਏ ਫਰਦ ਕੇਂਦਰਾਂ ਰਾਹੀਂ ਲੋਕਾਂ ਨੂੰ ਕੰਪਿਊਟਰਾਈਜ਼ ਫਰਦਾਂ ਦਿੱਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਸਬੰਧਤ ਅਧਿਕਾਰੀਆਂ ਨੂੰ ਕਿਹਾ ਕਿ ਬਾਕੀ ਰਹਿੰਦੇ 16 ਪਿੰਡਾਂ ਦੇ ਰਿਕਾਰਡ ਨੂੰ ਕੰਪਿਊਟਰਾਈਜ਼ ਕਰਨ ਦਾ ਕੰਮ ਵੀ ਜਲਦੀ ਕੀਤਾ ਜਾਵੇ।  ਉਨ੍ਹਾਂ ਦੱਸਿਆ ਕਿ ਅਗਸਤ ਮਹੀਨੇ ਦੌਰਾਨ ਜ਼ਿਲ੍ਹੇ ਦੇ ਵੱਖ-ਵੱਖ ਫਰਦ ਕੇਂਦਰਾਂ ਰਾਹੀਂ 15686 ਫਰਦ ਦੀਆਂ ਨਕਲਾਂ ਲੋਕਾਂ ਨੂੰ ਮੁਹੱਈਆਂ ਕਰਵਾਈਆਂ ਗਈਆਂ ਹਨ।
   ਮੀਟਿੰਗ ਦੌਰਾਨ ਡਿਪਟੀ ਕਮਿਸ਼ਨਰ ਨੇ ਮਾਲ ਅਧਿਕਾਰੀਆਂ ਨਾਲ ਸਰਕਾਰੀ ਰਿਕਵਰੀਆਂ ਸਬੰਧੀ ਵਿਸਥਾਰਪੂਰਵਕ ਵਿਚਾਰ-ਵਟਾਂਦਰਾ ਕੀਤਾ ਅਤੇ ਉਨ੍ਹਾਂ ਨੇ ਹਿਊਮਨ ਰਾਈਟ ਕਮਿਸ਼ਨ ਵੱਲੋਂ ਭੇਜੀਆਂ ਗਈਆਂ ਸ਼ਿਕਾਇਤਾਂ ਦੇ ਨਿਪਟਾਰੇ ਸਬੰਧੀ ਅਤੇ ਮਾਨਯੋਗ ਉਚ ਅਦਾਲਤਾਂ / ਸਿਵਲ ਅਦਾਲਤਾਂ ਵਿੱਚ ਲੰਬਿਤ ਕੇਸਾਂ ਦੀ ਤਾਜ਼ਾ ਸਥਿਤੀ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਹਾਸਲ ਕੀਤੀ। ਉਨ੍ਹਾਂ ਅਧਿਕਾਰੀਆਂ ਨੂੰ ਕਿਹਾ ਕਿ ਰਾਈਟ ਟੂ ਸਰਵਿਸ ਐਕਟ ਅਤੇ ਰਾਈਟ ਟੂ ਇਨਫਾਰਮੇਸ਼ਨ ਐਕਟ ਅਧੀਨ ਆਈਆਂ ਦਰਖਾਸਤਾਂ ਦਾ ਨਿਪਟਾਰਾ ਸਮੇਂ ਸਿਰ ਕੀਤਾ ਜਾਵੇ।
 ਵਧੀਕ ਡਿਪਟੀ ਕਮਿਸ਼ਨਰ (ਜ) ਜੋਰਮ ਬੇਦਾ, ਸਹਾਇਕ ਕਮਿਸ਼ਨਰ ਵਨੀਤ ਕੁਮਾਰ, ਜ਼ਿਲ੍ਹਾ ਮਾਲ ਅਫ਼ਸਰ ਆਤਮ ਸਿੰਘ, ਐਸ ਡੀ ਐਮ ਹੁਸ਼ਿਆਰਪੁਰ ਕੈਪਟਨ ਕਰਨੈਲ ਸਿੰਘ, ਐਸ ਡੀ ਐਮ ਗੜ੍ਹਸ਼ਕਰ ਰਣਜੀਤ ਕੌਰ, ਐਸ ਡੀ ਐਮ ਦਸੂਹਾ ਬਰਜਿੰਦਰ ਸਿੰਘ, ਐਸ ਡੀ ਐਮ ਮੁਕੇਰੀਆਂ ਰਾਹੁਲ ਚਾਬਾ, ਜ਼ਿਲ੍ਹਾ ਸਿਸਟਮ ਮੈਨੇਜਰ ਰਾਜੇਸ਼ ਸ਼ਰਮਾ ਅਤੇ ਸਬੰਧਤ ਅਧਿਕਾਰੀ ਇਸ ਮੀਟਿੰਗ ਵਿੱਚ ਹਾਜ਼ਰ ਸਨ।

ਦਸੂਹਾ ਸਬ ਜੇਲ੍ਹ ਵਿਚ ਕਾਨੂੰਨੀ ਸੇਵਾਵਾਂ ਕੈਂਪ ਲਗਾਇਆ

ਦਸੂਹਾ, 28 ਸਤੰਬਰ:  ਜੇਲ੍ਹਾਂ ਵਿੱਚ ਵੱਖ-ਵੱਖ ਮੁਕੱਦਮਿਆਂ ਸਬੰਧੀ ਵਿਚਾਰ ਅਧੀਨ ਅਤੇ ਸਜਾ ਜਾਬਤਾ ਕੈਦੀਆਂ ਨੂੰ ਆਪਣੇ ਅਧਿਕਾਰਾਂ ਅਤੇ ਕਰਤੱਵਾਂ ਪ੍ਰਤੀ ਜਾਣਕਾਰੀ ਦੇਣ ਦੇ ਮੰਤਵ ਨਾਲ ਜ਼ਿਲ੍ਹਾ ਕਾਨੁੰਨੀ ਸੇਵਾਵਾਂ ਅਥਾਰਟੀ ਹੁਸ਼ਿਆਰਪੁਰ ਵੱਲੋਂ ਸਬ ਜੇਲ੍ਹ ਦਸੂਹਾ ਵਿਖੇ ਕਾਨੂੰਨੀ ਸੇਵਾਵਾਂ ਜਾਗਰੂਕਤਾ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਇਸ ਕੈਂਪ ਦਾ ਆਯੋਜਨ ਮਾਨਯੋਗ ਜ਼ਿਲ੍ਹਾ ਤੇ ਸੈਸ਼ਨ ਜੱਜ-ਕਮ-ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਦੇ ਚੇਅਰਮੈਨ ਸ੍ਰੀ ਜੀ. ਕੇ. ਧੀਰ ਦੀ ਨਿਗਰਾਨੀ ਹੇਠ ਸਬਡਿਵੀਜ਼ਨਲ ਕਾਨੂੰਨੀ ਸੇਵਾਵਾਂ ਅਥਾਰਟੀ ਦਸੂਹਾ ਦੇ ਸਹਿਯੋਗ ਨਾਲ ਕੀਤਾ ਗਿਆ।
 ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਦੇ ਸਕੱਤਰ ਸ੍ਰੀਮਤੀ ਰਸ਼ਮੀ ਸ਼ਰਮਾ ਨੇ ਇਸ ਮੌਕੇ ਤੇ ਸਬ ਜੇਲ੍ਹ ਦਸੂਹਾ ਵਿਖੇ ਬੰਦ ਕੈਦੀਆਂ ਦੇ ਰਹਿਣ ਸਹਿਣ, ਖਾਣ, ਮਨੋਰੰਜਨ, ਸਰੀਰਕ ਤੇ ਮਾਨਸਿਕ ਵਿਕਾਸ ਲਈ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾ ਦਾ ਜਾਇਜ਼ਾ ਲਿਆ।  ਉਨ੍ਹਾਂ ਨੇ ਕੈਦੀਆਂ ਨੂੰ ਜਮਾਨਤੀ, ਗੈਰ ਜਮਾਨਤੀ ਕੇਸਾਂ, ਗ੍ਰਿਫਤਾਰੀ, ਰਿਮਾਂਡ, ਕੈਦੀਆਂ ਨੂੰ ਹੱਥਕੜੀਆਂ ਲਗਾਉਣ ਬਾਰੇ ਬਣਾਏ ਗਏ ਨਿਯਮ, ਚਲਾਨ ਪੇਸ਼ ਕਰਨ ਦੇ ਮਿਥੇ ਸਮੇਂ ਬਾਰੇ
 ਜੇਲ੍ਹ ਸੁਪਰਡੰਟ ਸ੍ਰੀ ਹਰਭਜਨ ਸਿੰਘ ਨੇ ਇਸ ਮੌਕੇ ਤੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਬ ਜੇਲ੍ਹ ਦਸੂਹਾ ਵਿਖੇ 27 ਵਿਚਾਰ ਅਧੀਨ ਕੈਦੀ ਬੰਦ ਹਨ ਜਿਨ੍ਹਾਂ ਦੇ ਕੇਸ ਗੜ੍ਹਸ਼ੰਕਰ, ਮੁਕੇਰੀਆਂ, ਦਸੂਹਾ ਅਤੇ ਹੁਸ਼ਿਆਰਪੁਰ ਦੀਆਂ ਅਦਾਲਤਾਂ ਵਿੱਚ ਚਲ ਰਹੇ ਹਨ। ਸਿਵਲ ਹਸਪਤਾਲ ਦਸੂਹਾ ਵੱਲੋਂ ਹਫ਼ਤਾਵਾਰ ਡਾਕਟਰੀ ਸੁਵਿਧਾ ਸਬ ਜੇਲ੍ਹ ਵਿਖੇ ਪ੍ਰਦਾਨ ਕੀਤੀ ਜਾ ਰਹੀ ਹੈ।
 ਪੈਰਾ ਲੀਗਲ ਵਲੰਟੀਅਰ ਨੇ ਇਸ ਮੌਕੇ ਤੇ ਕੈਦੀਆਂ ਨੂੰ ਮੁਫ਼ਤ ਕਾਨੂੰਨੀ ਸੇਵਾਵਾਂ ਅਤੇ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਵੱਲੋਂ ਚਲ ਰਹੀਆਂ ਵੱਖ-ਵੱਖ ਸਕੀਮਾਂ ਬਾਰੇ ਜਾਣਕਾਰੀ ਦਿੱਤੀ। ਸਬਡਵੀਜ਼ਨ ਕਾਨੂੰਨੀ ਸੇਵਾਵਾਂ ਅਥਾਰਟੀ ਦਸੂਹਾ ਦੇ ਚੇਅਰਮੈਨ ਅਤੇ ਲੀਗਲ ਰਿਟੇਨਰ ਨੇ ਵੀ ਇਸ ਕੈਂਪ ਵਿੱਚ ਭਾਗ ਲਿਆ।  ਕੈਦੀਆਂ ਨੂੰ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਵੱਲੋਂ ਪੈਰਾ ਲੀਗਲ ਵਲੰਟੀਅਰ ਬਣ ਕੇ ਜੇਲ੍ਹ ਵਿੱਚ ਚਲ ਰਹੇ ਲੀਗਲ ਏਡ ਕਲੀਨਿਕ ਵਿਖੇ ਆਪਣੀਆਂ ਸੇਵਾਵਾਂ ਦੇਣ ਅਤੇ ਇੱਕ ਸੁਚੱਜੇ ਅਤੇ ਜਿੰਮੇਵਾਰ ਨਾਗਰਕਿ ਬਣਨ ਲਈ ਜਾਗਰੂਕ ਕੀਤਾ ਗਿਆ ਤਾਂ ਜੋ ਜੇਲ੍ਹ ਤੋਂ ਬਾਹਰ ਆਉਣ ਉਪਰੰਤ ਉਹ ਇੱਕ ਚੰਗੇ ਸਮਾਜ ਦੀ ਬਣਤਰ ਵਿੱਚ ਆਪਣਾ ਯੋਗਦਾਨ ਦੇ ਸਕਣ।
ਜਾਣਕਾਰੀ ਦੇਣ ਤੋਂ ਇਲਾਵਾ ਜੇਲ੍ਹ ਸੁਧਾਰ ਕਮੇਟੀ ਦੀ ਰੈਗੂਲੇਸ਼ਨ, ਸੰਸ਼ੋਧਿਤ ਕਾਨੂੰਨ ਵਿੱਚ ਬਣਾਏ ਗਏ ਨਵੇਂ ਪ੍ਰਾਵਧਾਨ ਬਾਰੇ ਵੀ ਵਿਸਥਾਰਪੂਰਵਕ ਚਰਚਾ ਕੀਤੀ। ਇਸ ਮੌਕੇ ਤੇ ਉਨ੍ਹਾਂ ਨੇ ਸਬ ਜੇਲ੍ਹ ਦਸੂਹਾ ਵਿਖੇ ਚਲ ਰਹੇ ਲੀਗਲ ਏਡ ਕਲੀਨਿਕ ਦਾ ਨਿਰੀਖਣ ਕਰਨ ਉਪਰੰਤ ਦੱਸਿਆ ਕਿ ਇਸ ਲੀਗਲ ਏਡ ਕਲੀਨਿਕ ਵਿੱਚ ਸਬਡਿਵੀਜ਼ਨ ਦਸੂਹਾ ਦੇ ਲੀਗਲ ਰਿਟੇਨਰ ਵਕੀਲਾਂ ਦੀ ਡਿਊਟੀ ਲਗਾਈ ਗਈ ਹੈ।

ਗੁਰਮੀਤ ਸਿੰਘ ਧੁੱਗਾ ਨਾਲ ਹਮਦਰਦੀ ਦਾ ਪ੍ਰਗਟਾਵਾ

ਹੁਸ਼ਿਆਰਪੁਰ, 28 ਸਤੰਬਰ:  ਮੁੱਖ ਪਾਰਲੀਮਾਨੀ ਸਕੱਤਰ ਪਸ਼ੂ ਪਾਲਣ, ਮੱਛੀ ਪਾਲਣ ਅਤੇ ਡੇਅਰੀ ਵਿਕਾਸ ਵਿਭਾਗ ਸ੍ਰ: ਦੇਸ ਰਾਜ ਸਿੰਘ ਧੁੱਗਾ,  ਜ਼ਿਲ੍ਹਾ ਲੋਕ ਸੰਪਰਕ ਅਫ਼ਸਰ ਜਲੰਧਰ ਤੇ ਹੁਸ਼ਿਆਰਪੁਰ ਸ੍ਰ: ਗੁਰਮੀਤ ਸਿੰਘ ਧੁੱਗਾ ਦੇ ਪਿਤਾ ਅਨੰਤ ਰਾਮ (95) ਦੇ ਅਕਾਲ ਚਲਾਣੇ ਤੇ  ਦੁੱਖ ਸਾਂਝਾ ਕਰਨ ਲਈ ਵਿਸ਼ੇਸ਼ ਤੌਰ ਉਨ੍ਹਾਂ ਦੇ ਗ੍ਰਹਿ ਵਿਖੇ ਪਹੁੰਚੇ। ਇਸ ਮੌਕੇ ਤੇ ਉਨ੍ਹਾਂ ਨੇ ਪ੍ਰੀਵਾਕ ਮੈਂਬਰਾਂ ਨਾਲ ਦੁੱਖ ਸਾਂਝਾ ਕਰਦੇ ਹੋਏ ਕਿਹਾ ਕਿ ਉਹ ਬਹੁਤ ਚੰਗੀ ਸ਼ਖਸ਼ੀਅਤ ਦੇ ਮਾਲਕ ਅਤੇ ਮਿਲਣਸਾਰ ਇਨਸਾਨ ਸਨ।

                  ਇਸ ਮੌਕੇ ਤੇ ਸ੍ਰ: ਗੁਰਮੀਤ ਸਿੰਘ ਧੁੱਗਾ ਦੇ ਨਿਵਾਸ ਸਥਾਨ ਵਿਖੇ ਮੈਂਬਰ ਰਾਜ ਸਭਾ ਅਵਤਾਰ ਸਿੰਘ ਕਰੀਮਪੁਰੀ, ਵਿਧਾਇਕ ਹਲਕਾ ਟਾਂਡਾ ਸੰਗਤ ਸਿੰਘ ਗਿਲਜੀਆਂ, ਭਗਵਾਨ ਸਿੰਘ ਚੋਹਾਨ, ਸਰਪੰਚ ਸਤਪਾਲ ਸਿੰਘ ਬੇਰਸ਼ਾ, ਸਰਪੰਚ ਗੁਰਵਿੰਦਰ ਸਿੰਘ ਖੁੱਡਾ, ਮੈਂਬਰ ਜ਼ਿਲ੍ਹਾ ਪ੍ਰੀਸ਼ਦ ਸੁਖਵਿੰਦਰ ਸਿੰਘ ਮੂਨਕਾਂ, ਦਲਵਿੰਦਰ ਸਿੰਘ ਨੇ ਵੀ  ਅਨੰਤ ਰਾਮ ਦੇ ਅਕਾਲ ਚਲਾਣੇ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।  ਜ਼ਿਲ੍ਹਾ ਲੋਕ ਸੰਪਰਕ ਅਫ਼ਸਰ ਜਲੰਧਰ ਤੇ ਹੁਸ਼ਿਆਰਪੁਰ ਸ੍ਰ: ਗੁਰਮੀਤ ਸਿੰਘ ਧੁੱਗਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਅਨੰਤ ਰਾਮ ਦੀ ਅੰਤਿਮ ਅਰਦਾਸ ਪਿੰਡ ਧੁੱਗਾ ਵਿਖੇ 6 ਅਕਤੂਬਰ ਨੂੰ ਹੋਵੇਗੀ।

ਫੌਜ ਵਿੱਚ ਭਰਤੀ ਰੈਲੀ

ਹੁਸ਼ਿਆਰਪੁਰ, 27 ਸਤੰਬਰ:  ਜ਼ਿਲ੍ਹਾ ਰੱਖਿਆ ਸੇਵਾਵਾਂ ਭਲਾਈ ਅਫ਼ਸਰ ਮੇਜਰ (ਰਿਟਾ:) ਯਸ਼ਪਾਲ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਨਾਲ ਸਬੰਧਤ ਨੌਜਵਾਨਾਂ ਲਈ ਫੌਜ ਵਿੱਚ ਭਰਤੀ ਰੈਲੀ ਕੀਤੀ ਜਾ ਰਹੀ ਹੈ। ਇਹ ਭਰਤੀ ਰੈਲੀ 4 ਅਕਤੂਬਰ 2013 ਤੋਂ 10 ਅਕਤੂਬਰ 2013 ਤੱਕ ਕਪੂਰਥਲਾ ਵਿਖੇ ਕੀਤੀ ਜਾਵੇਗੀ। ਜਨਰਲ ਸੋਲਜ਼ਰ ਲਈ ਉਮੀਦਵਾਰ ਦੀ ਉਮਰ ਹੱਦ ਸਾਢੇ 17 ਸਾਲ ਤੋਂ 21 ਸਾਲ ਤੱਕ ਜਦ ਕਿ ਸੋਲਜ਼ਰ ਟੈਕਨੀਕਲ ਲਈ ਉਮਰ ਹੱਦ ਸਾਢੇ 17 ਸਾਲ ਤੋਂ 23 ਸਾਲ ਤੱਕ ਰੱਖੀ ਗਈ ਹੈ। ਭਰਤੀ ਲਈ ਉਮੀਦਵਾਰ ਦਾ ਕੱਦ 170 ਸੈਂਟੀਮੀਟਰ (ਕੰਢੀ ਏਰੀਆ ਦੇ ਉਮੀਦਵਾਰ ਲਈ 166 ਸੈਂਟੀਮੀਟਰ) ਹੋਣਾ ਜ਼ਰੂਰੀ ਹੈ। ਵਿੱਦਿਅਕ ਯੋਗਤਾ ਸੋਲਜਰ ਜੀ.ਡੀ. ਲਈ 10ਵੀਂ ਵਿੱਚੋਂ ਘੱਟੋ-ਘੱਟ 45 ਪ੍ਰਤੀਸ਼ਤ ਨੰਬਰ ਹੋਣੇ ਚਾਹੀਦੇ ਹਨ, ਜਦ ਕਿ ਟੈਕਨੀਕਲ ਸੋਲਜਰ ਦੇ ਉਮੀਦਵਾਰ ਦੀ ਯੋਗਤਾ 12ਵੀਂ ਹਿਸਾਬ, ਫਿਜਿਕਸ ਅਤੇ ਕਮਿਸਟਰੀ ਦੇ ਵਿਸ਼ਿਆਂ ਨਾਲ ਪਾਸ ਕੀਤੀ ਹੋਵੇ। ਉਮੀਦਵਾਰ ਭਰਤੀ ਵਾਸਤੇ ਤਾਜਾ ਪਾਸਪੋਰਟ ਸਾਈਜ਼ ਦੀ 12 ਫੋਟੋਗ੍ਰਾਫ ਜਿਨ੍ਹਾਂ ਦੀ ਬੈਕਰਾਉਂਡ ਨੀਲੇ ਰੰਗ ਦੀ ਹੋਵੇ ਜਦ ਕਿ ਸਿੱਖ ਉਮੀਦਵਾਰ 12 ਫੋਟੋਗ੍ਰਾਫ ਪੱਗੜੀ ਸਮੇਤ ਜਿਸ ਦੀ ਬੈਕ ਰਾਉਂਡ ਨੀਲੇ ਰੰਗ ਦੀ ਹੋਵੇ ਨਾਲ ਲੈ ਕੇ ਜਾਣਾ ਜ਼ਰੂਰੀ ਹੈ। ਉਮੀਦਵਾਰ ਵੱਲੋਂ ਭਰਤੀ ਸਮੇਂ ਵਿੱਦਿਅਕ ਯੋਗਤਾ ਸਰਟੀਫਿਕੇਟ, ਰਿਹਾਇਸ਼ੀ ਸਰਟੀਫਿਕੇਟ, ਜਾਤੀ ਸਰਟੀਫਿਕੇਟ, ਧਰਮ ਸਬੰਧੀ ਸਰਟੀਫਿਕੇਟ, ਚਾਲ ਚਲੱਣ ਸਰਟੀਫਿਕੇਟ, (ਸਕੂਲ, ਕਾਲਜ ਜਾਂ ਪਿੰਡ ਤੇ ਸਰਪੰਚ / ਐਮ ਸੀ / ਪੁਲਿਸ ਦੁਆਰਾ ਜਾਰੀ ਕੀਤਾ ਹੋਇਆ), ਪਿੰਡ ਦੇ ਸਰਪੰਚ ਵੱਲੋਂ ਜਾਰੀ ਅਣ-ਵਿਆਹੁਤਾ ਸਰਟੀਫਿਕੇਟ, ਸਾਬਕਾ ਸੈਨਿਕਾਂ ਦੇ ਆਸ਼ਰਿਤਾਂ ਦੇ ਕੇਸ ਵਿੱਚ ਸਬੰਧਤ ਰਿਕਾਰਡ ਦਫ਼ਤਰ ਵੱਲੋਂ ਜਾਰੀ ਰਿਲੇਸ਼ਨ ਸਰਟੀਫਿਕੇਟ ਅਤੇ ਕੰਢੀ ਏਰੀਆ ਸਰਟੀਫਿਕੇਟ ਨਾਲ ਲੈ ਕੇ ਜਾਣਾ ਜ਼ਰੂਰੀ ਹੈ। ਸਰੀਰ ਤੇ ਟੈਟੂ ਖਦਵਾਏ ਗਏ ਉਮੀਦਵਾਰ ਨੂੰ ਭਰਤੀ ਲਈ ਵਿਚਾਰਿਆ ਨਹੀਂ ਜਾਵੇਗਾ।

ਰੋਸ ਰੈਲੀ ਲਈ ਪੈਂਨਸ਼ਨਰ ਜਥਾ ਰਵਾਨਾ

ਤਲਵਾੜਾ, 27 ਸਤੰਬਰ:

ਪੰਜਾਬ ਪੈਨਸ਼ਨਰਜ਼ ਵੈੱਲਫੇਅਰ ਐਸੋਸੀਏਸ਼ਨ ਦਾ ਤਹਿਸੀਲ ਪੱਧਰੀ ਜੱਥਾ ਪੰਜਾਬ ਪੈਨਸ਼ਨਰ ਜੁਆਇੰਟ ਫਰੰਟ ਦੇ ਸੱਦੇ ਤੇ ਜਲੰਧਰ ਰੋਸ ਰੈਲੀ ਵਿਚ ਸ਼ਾਮਿਲ ਹੋਣ ਲਈ ਇੱਥੋਂ ਕਰਤਾਰ ਸਿੰਘ ਪਲਿਆਲ ਦੀ ਅਗਵਾਈ ਹੇਠ ਰਵਾਨਾ ਹੋਇਆ। ਜਥੇਬੰਦੀ ਵੱਲੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਪੰਜਾਬ ਸਰਕਾਰ ਵੱਲੋਂ ਮਹਿੰਗਾਈ ਭੱਤੇ ਦੀ ਜਨਵਰੀ ਅਤੇ ਫ਼ਿਰ ਜੁਲਾਈ ਤੋਂ ਕਿਸ਼ਤ ਤੁਰੰਤ ਜਾਰੀ ਕੀਤੀ ਜਾਣੀ ਚਾਹੀਦੀ ਹੈ ਅਤੇ ਮਹਿੰਗਾਈ ਭੱਤੇ ਦਾ ਪੰਜਾਹ ਫੀਸਦੀ ਪੈਨਸ਼ਨ ਵਿਚ ਸ਼ਾਮਿਲ ਕਰਕੇ ਬਣਦੇ ਭੱਤੇ ਦੇਣੇ ਚਾਹੀਦੇ ਹਨ। ਜੱਥੇ ਵਿਚ ਹੋਰਨਾਂ ਤੋਂ ਇਲਾਵਾ ਜੁਗਰਾਜ ਸਿੰਘ, ਮਾਸਟਰ ਮੇਲਾ ਸਿੰਘ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਆਗੂ ਸ਼ਾਮਿਲ ਸਨ।

ਜਿਲ੍ਹੇ ਵਿਚ ਅਣ-ਅਧਿਕਾਰਤ ਕਲੌਨੀਆਂ ਨੂੰ ਰੈਗੂਲਰ ਕੀਤਾ ਜਾਵੇਗਾ: ਤਨੂ ਕਸ਼ਿਅਪ

ਹੁਸ਼ਿਆਰਪੁਰ, 21 ਸਤੰਬਰ:  ਜ਼ਿਲ੍ਹਾ ਹੁਸ਼ਿਆਰਪੁਰ ਵਿੱਚ ਅਣ-ਅਧਿਕਾਰਤ ਕਲੋਨੀਆਂ ਨੂੰ ਰੈਗੂਲਰ ਕਰਨ ਸਬੰਧੀ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਮੀਟਿੰਗ ਹਾਲ ਵਿਖੇ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਤਨੂ ਕਸ਼ਯਪ ਦੀ ਪ੍ਰਧਾਨਗੀ ਹੇਠ ਇੱਕ ਮੀਟਿੰਗ ਹੋਈ। ਵਧੀਕ ਡਿਪਟੀ ਕਮਿਸ਼ਨਰ (ਜ) ਜੋਰਮ ਬੇਦਾ, ਐਸ ਡੀ ਐਮ ਹੁਸ਼ਿਆਰਪੁਰ ਕੈਪਟਨ ਕਰਨੈਲ ਸਿੰਘ, ਐਸ ਡੀ ਐਮ ਦਸੂਹਾ ਬਰਜਿੰਦਰ ਸਿੰਘ,  ਸਹਾਇਕ ਕਮਿਸ਼ਨਰ ਪਰਮਦੀਪ ਸਿੰਘ, ਵਨੀਤ ਕੁਮਾਰ ਆਈ ਏ ਐਸ (ਅੰਡਰ ਟਰੇਨਿੰਗ), ਤਹਿਸੀਲਦਾਰ, ਨਾਇਬ ਤਹਿਸੀਲਦਾਰ, ਨਗਰ ਕੌਂਸਲਾਂ ਦੇ ਕਾਰਜਸਾਧਕ ਅਫ਼ਸਰ ਅਤੇ ਸਬੰਧਤ ਅਧਿਕਾਰੀ ਹਾਜ਼ਰ ਸਨ।
 ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਡਿਪਟੀ ਕਮਿਸ਼ਨਰ ਨੇ ਹਾਜ਼ਰ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਨਗਰ ਕੌਂਸਲਾਂ ਦੀ ਹੱਦ ਅੰਦਰ ਅਤੇ ਹੱਦ ਤੋਂ ਬਾਹਰ ਬਣੀਆਂ ਅਣ-ਅਧਿਕਾਰਤ ਕਲੌਨੀਆਂ ਨੂੰ ਰੈਗੂਲਰ ਕਰਨ ਸਬੰਧੀ ਵਿਸ਼ੇਸ਼ ਉਪਰਾਲੇ ਕੀਤੇ ਜਾਣ ਅਤੇ 7 ਅਕਤੂਬਰ ਤੱਕ ਸਾਰੀਆਂ ਕਲੌਨੀਆਂ ਨੂੰ ਰੈਗੂਲਰ ਕਰਨ ਸਬੰਧੀ ਬਿਨੈ ਪੱਤਰ ਪ੍ਰਾਪਤ ਕਰਨੇ ਯਕੀਨੀ ਬਣਾਏ ਜਾਣ। ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਸਾਰੀਆਂ ਅਣ-ਅਧਿਕਾਰਤ ਕਲੌਨੀਆਂ ਵਿੱਚ ਵਿਸ਼ੇਸ਼ ਕੈਂਪ ਲਗਾ ਕੇ ਕਲੌਨੀਆਂ / ਪਲਾਟ  ਰੈਗੂਲਰ ਕਰਨ ਸਬੰਧੀ ਜਾਣਕਾਰੀ ਦਿੱਤੀ ਜਾਵੇ ਅਤੇ ਉਨ੍ਹਾਂ ਨੂੰ ਇਸ ਸਬੰਧੀ ਫਾਰਮ ਭਰ ਕੇ ਦੇਣ ਲਈ ਪ੍ਰੇਰਿਤ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਕੈਂਪ ਲਗਾਉਣ ਸਬੰਧੀ ਕਲੋਨੀਆਂ ਵਿੱਚ ਅਗੇਤੀ ਮੁਨਾਦੀ ਕਰਵਾਈ ਜਾਵੇ ਤਾਂ ਜੋ ਵੱਧ ਤੋਂ ਵੱਧ ਲੋਕ ਇਨ੍ਹਾਂ ਕੈਂਪਾਂ ਵਿੱਚ ਆ ਕੇ ਅਣ-ਅਧਿਕਾਰਤ ਕਲੌਨੀਆਂ / ਪਲਾਟਾਂ ਨੂੰ ਰੈਗੂਲਰ ਕਰਾਉਣ ਸਬੰਧੀ ਜਾਣਕਾਰੀ ਹਾਸਲ ਕਰ ਸਕਣ। ਉਨ੍ਹਾਂ ਕਿਹਾ ਕਿ ਅਣ-ਅਧਿਕਾਰਤ ਕਲੌਨੀਆਂ ਨੂੰ ਰੈਗੂਲਰ ਕਰਨ ਲਈ ਜਿਨ੍ਹਾਂ ਅਧਿਕਾਰੀਆਂ ਦੀਆਂ ਡਿਊਟੀਆਂ ਲਗਾਈਆਂ ਗਈਆਂ ਹਨ, ਉਹ ਖੁਦ ਕਲੌਨੀਆਂ ਵਿੱਚ ਜਾ ਕੇ ਲੋਕਾਂ ਨੂੰ ਇਸ ਸਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਦੇਣ।  ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਜੇ ਕਿਸੇ ਅਧਿਕਾਰੀ ਨੂੰ ਕੋਈ ਮੁਸ਼ਕਲ ਪੇਸ਼ ਆਵੇ ਤਾਂ ਉਹ ਸਬੰਧਤ ਐਸ ਡੀ ਐਮ ਨੂੰ ਮਿਲ ਸਕਦੇ ਹਨ।

ਤਨੂ ਕਸ਼ਯਪ ਨੇ ਬਤੌਰ ਡੀ. ਸੀ. ਹੁਸ਼ਿਆਰਪੁਰ ਅਹੁਦਾ ਸੰਭਾਲਿਆ

ਹੁਸ਼ਿਆਰਪੁਰ, 20 ਸਤੰਬਰ: ਸ੍ਰੀਮਤੀ ਤਨੂ ਕਸ਼ਯਪ, ਆਈ.ਏ.ਐਸ. ਨੇ ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਬਤੌਰ ਡਿਪਟੀ ਕਮਿਸ਼ਨਰ ਆਪਣਾ ਅਹੁੱਦਾ ਸੰਭਾਲ ਲਿਆ।  ਸ੍ਰੀਮਤੀ ਤਨੂ ਕਸ਼ਯਪ ਡਿਪਟੀ ਕਮਿਸ਼ਨਰ ਸ਼ਹੀਦ ਭਗਤ ਸਿੰਘ ਨਗਰ ਦੇ ਅਹੁੱਦੇ ਤੋਂ ਬਦਲ ਕੇ ਇਥੇ ਆਏ ਹਨ। ਇਸ ਤੋਂ ਪਹਿਲਾਂ ਉਹ ਬਤੌਰ ਐਸ.ਡੀ.ਐਮ. ਜਲੰਧਰ, ਐਸ.ਡੀ.ਐਮ. ਕਪੂਰਥਲਾ ਅਤੇ ਬਾਅਦ ਵਿੱਚ ਉਹ ਮਾਨਸਾ ਦੇ ਵਧੀਕ ਡਿਪਟੀ ਕਮਿਸ਼ਨਰ ਦੇ ਅਹੁੱਦੇ ਤੇ ਵੀ ਰਹਿ ਚੁੱਕੇ ਹਨ।
 ਬਤੌਰ ਡਿਪਟੀ ਕਮਿਸ਼ਨਰ ਹੁਸ਼ਿਆਰਪੁਰ ਦਾ ਆਹੁੱਦਾ ਸੰਭਾਲਣ ਉਪਰੰਤ  ਸ੍ਰੀਮਤੀ ਤਨੂ ਕਸ਼ਯਪ ਨੇ ਦੱਸਿਆ ਕਿ ਉਨ੍ਹਾਂ ਦਾ ਪਹਿਲਾਂ ਕੰਮ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਦਫ਼ਤਰਾਂ ਦੇ ਕੰਮ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣਾ ਅਤੇ ਵੱਖ-ਵੱਖ ਵਿਭਾਗਾਂ ਵੱਲੋਂ ਲੋਕਾਂ ਨੂੰ ਸਮੇਂ ਸਿਰ ਸਹੂਲਤਾਂ ਮੁਹੱਈਆ ਕਰਾਉਣਾ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦਾ ਵਿਸ਼ੇਸ਼ ਧਿਆਨ ਸਿੱਖਿਆ ਦੇ ਮਿਆਰ ਨੂੰ ਉਚਾ ਚੁੱਕਣਾ ਅਤੇ ਲੜਕੀਆਂ/ ਔਰਤਾਂ ਨੂੰ ਉਨ੍ਹਾਂ ਦੇ ਬਣਦੇ ਅਧਿਕਾਰ ਦੁਆਉਣਾ ਹੋਵੇਗਾ। ਉਨ੍ਹਾਂ ਆਸ ਪ੍ਰਗਟ ਕੀਤੀ ਕਿ ਹੁਸ਼ਿਆਰਪੁਰ ਦੇ ਲੋਕਾਂ ਵੱਲੋਂ ਉਨ੍ਹਾਂ ਨੂੰ ਪੂਰਾ ਸਹਿਯੋਗ ਮਿਲੇਗਾ।
 ਇਸ ਤੋਂ ਪਹਿਲਾਂ ਲੋਕ ਨਿਰਮਾਣ ਵਿਭਾਗ ਦੇ ਰੈਸਟ ਹਾਊਸ ਵਿਖੇ ਪਹੁੰਚਣ ਤੇ ਜ਼ਿਲ੍ਹਾ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਜੀ ਆਇਆਂ ਕਿਹਾ ਅਤੇ ਪੰਜਾਬ ਪੁਲਿਸ ਦੀ ਟੁਕੜੀ ਵੱਲੋਂ ਉਨ੍ਹਾਂ ਨੂੰ ਗਾਰਡ ਆਫ਼ ਆਨਰ ਦਿੱਤਾ ਗਿਆ। ਵਧੀਕ ਡਿਪਟੀ ਕਮਿਸ਼ਨਰ (ਜ) ਜੋਰਮ ਬੇਦਾ, ਐਸ ਡੀ ਐਮ ਹੁਸ਼ਿਆਰਪੁਰ ਕੈਪਟਨ ਕਰਨੈਲ ਸਿੰਘ, ਸਹਾਇਕ ਕਮਿਸ਼ਨਰ ਪਰਮਦੀਪ ਸਿੰਘ, ਵਨੀਤ ਕੁਮਾਰ ਆਈ ਏ ਐਸ (ਅੰਡਰ ਟਰੇਨਿੰਗ) ਅਤੇ ਹੋਰ ਜ਼ਿਲ੍ਹੇ ਦੇ ਅਧਿਕਾਰੀ ਹਾਜ਼ਰ ਸਨ।

ਧਾਰ ਸਕੂਲ ਦਾ ਮਸਲਾ ਹੱਲ: ਸ਼ਿਵ ਕੁਮਾਰ

ਤਲਵਾੜਾ, 12 ਸਤੰਬਰ: ਗੌਰਮਿੰਟ ਟੀਚਰਜ਼ ਯੂਨੀਅਨ ਪੰਜਾਬ ਦੇ ਸੂਬਾ ਜਨਰਲ ਸਕੱਤਰ ਸ਼ਿਵ ਕੁਮਾਰ, ਸੂਬਾਈ ਆਗੂ ਜਸਵੀਰ ਸਿੰਘ, ਬਲਾਕ ਪ੍ਰਧਾਨ ਬਿਆਸ ਦੇਵ, ਅਮਰਿੰਦਰ ਢਿੱਲੋਂ, ਸੀਨੀਅਰ ਮੀਤ ਪ੍ਰਧਾਨ ਨਰਦੇਵ ਸਿੰਘ ਤੇ ਸ਼ਸ਼ੀ ਕਾਂਤ, ਪੈਂਨਸ਼ਨਰ ਆਗੂ ਗਿਆਨ ਸਿੰਘ ਗੁਪਤਾ ਨੇ ਅੱਜ ਇੱਥੇ ਸਾਂਝੀ ਪ੍ਰੈੱਸ ਕਾਨਫਰੰਸ ਵਿਚ ਦੱਸਿਆ ਕਿ ਸਰਕਾਰੀ ਮਿਡਲ ਸਕੂਲ ਧਾਰ ਦਾ ਮਸਲਾ ਹੱਲ ਹੋ ਗਿਆ ਹੈ। ਜਿਕਰਯੋਗ ਹੈ ਕਿ ਸਕੂਲ ਮੁਖੀ ਰਜਿੰਦਰ ਪ੍ਰਸ਼ਾਦ ਵੱਲੋਂ ਪਿੰਡ ਦੇ ਸਰਪੰਚ
ਵੱਲੋਂ ਜਮਾਤ ਵਿਚ ਆ ਕੇ ਬਦਸਲੂਕੀ ਸਬੰਧੀ ਥਾਣਾ ਤਲਵਾੜਾ ਵਿਖੇ ਸ਼ਿਕਾਇਤ ਕੀਤੀ ਗਈ ਸੀ ਅਤੇ ਓਧਰ ਪਿੰਡ ਦੀ ਸਰਪੰਚ ਵੱਲੋਂ ਵੀ ਸਕੂਲ ਮੁਖੀ ਵਿਰੁੱਧ ਬਦਸਲੂਕੀ ਦੀ ਸ਼ਿਕਾਇਤ ਕੀਤੀ ਗਈ ਸੀ। ਇਸ ਸਬੰਧੀ ਗੌਰਮਿੰਟ ਟੀਚਰਜ਼ ਯੂਨੀਅਨ ਦੇ ਆਗੂਆਂ ਅਤੇ ਹੋਰ ਪਤਵੰਤੇ ਸੱਜਣਾਂ ਵੱਲੋਂ ਦੋਹਾਂ ਧਿਰਾਂ ਦਾ ਰਜੀਨਾਵਾਂ ਕਰਵਾ ਕੇ ਝਗੜਾ ਮੁਕਾਉਂਦੇ ਹੋਏ ਮਸਲਾ ਹੱਲ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਸਬੰਧੀ ਇੱਕ ਪੰਜਾਬੀ ਅਖ਼ਬਾਰ ਵਿਚ ਛਪੀ ਖ਼ਬਰ ਬਿਲਕੁਲ ਗਲਤ ਅਤੇ ਗੁਮਰਾਹਕੁੰਨ ਹੈ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਨਰੇਸ਼ ਮਿੱਢਾ, ਅਮਨਦੀਪ, ਯੁਗਰਾਜ ਸਿੰਘ, ਜਸਵਿੰਦਰ ਸਿੰਗਲਾ ਆਦਿ ਸਮੇਤ ਕਈ ਹੋਰ ਆਗੂ ਹਾਜਰ ਸਨ।

ਵੋਟਰ ਸੂਚੀਆਂ ਦੀ ਸੁਧਾਈ ਜਾਰੀ

ਹੁਸ਼ਿਆਰਪੁਰ, 11 ਸਤੰਬਰ:

ਵਧੀਕ ਜ਼ਿਲ੍ਹਾ ਚੋਣਕਾਰ ਅਫ਼ਸਰ-ਕਮ-ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰੀ ਜੋਰਮ ਬੇਦਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਭਾਰਤ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ 1 ਜਨਵਰੀ 2014 ਦੇ ਆਧਾਰ ਤੇ ਫੋਟੋ ਵੋਟਰ ਸੂਚੀਆਂ ਦੀ ਸਰਸਰੀ ਸੁਧਾਈ ਦਾ ਕੰਮ 4 ਅਕਤੂਬਰ 2013 ਤੱਕ ਕੀਤਾ ਜਾ ਰਿਹਾ ਹੈ ਜਿਸ ਅਧੀਨ ਵੋਟਰ ਸੂਚੀਆਂ ਵਿੱਚ ਸੁਧਾਈ ਲਈ ਵੋਟਰ ਆਪਣੇ ਦਾਅਵੇ ਅਤੇ ਇਤਰਾਜ ਸਬੰਧਤ ਬੂਥ ਲੈਵਲ ਅਫ਼ਸਰ ਜਾਂ ਸਬੰਧਤ ਚੋਣਕਾਰ ਰਜਿਸਟਰੇਸ਼ਨ ਅਫ਼ਸਰਾਂ ਕੋਲ ਦੇ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ 15, 22 ਅਤੇ 29 ਸਤੰਬਰ ਨੂੰ ਸਵੇਰੇ 9-00 ਵਜੇ ਤੋਂ ਸ਼ਾਮ 5-00 ਵਜੇ ਤੱਕ ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਵੱਲੋਂ ਨਿਯੁਕਤ ਕੀਤੇ ਬੂਥ ਲੈਵਲ ਏਜੰਟ ਅਤੇ ਬੀ ਐਲ ਓ ਆਪਣੇ-ਆਪਣੇ ਬੂਥਾਂ ਤੇ ਦਾਅਵੇ ਅਤੇ ਇਤਰਾਜ ਪ੍ਰਾਪਤ ਕਰਨਗੇ।  ਉਨ੍ਹਾਂ ਹੋਰ ਦੱਸਿਆ ਕਿ 8 ਨਵੰਬਰ 2013 ਨੂੰ ਵੋਟਰਾਂ ਵੱਲੋਂ ਦਿੱਤੇ ਗਏ ਦਾਅਵੇ ਅਤੇ ਇਤਰਾਜਾਂ ਦਾ ਨਿਪਟਾਰਾ ਕੀਤਾ ਜਾਵੇਗਾ ਅਤੇ ਫੋਟੋ ਵੋਟਰ ਸੂਚੀ ਦੀ ਅੰਤਿਮ ਪ੍ਰਕਾਸ਼ਨਾਂ 6 ਜਨਵਰੀ 2014 ਨੂੰ ਕੀਤੀ ਜਾਵੇਗੀ।

ਅਣ-ਅਧਿਕਾਰਤ ਕਲੋਨੀਆਂ ਨੂੰ ਰੈਗੂਲਰ ਕਰਨ ਸਬੰਧੀ ਅਧਿਕਾਰੀ ਨਿਯੁਕਤ

ਹੁਸ਼ਿਆਰਪੁਰ, 10 ਸਤੰਬਰ: ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰੀ ਜੋਰਮ ਬੇਦਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਦੀਆਂ ਅਣ-ਅਧਿਕਾਰਤ ਕਲੋਨੀਆਂ ਨੂੰ ਰੈਗੂਲਰ ਕਰਨ ਸਬੰਧੀ ਅਧਿਕਾਰੀ ਨਿਯੁਕਤ ਕੀਤੇ ਗਏ ਹਨ ਜਿਨ੍ਹਾਂ ਵਿੱਚ ਨਗਰ ਕੌਂਸਲ ਹੁਸ਼ਿਆਰਪੁਰ ਲਈ ਮਿਉਂਸਪਲ ਇੰਜੀਨੀਅਰ ਪਵਨ ਸ਼ਰਮ

ਨੂੰ ਨਿਯੁਕਤ ਕੀਤਾ ਗਿਆ ਹੈ ਜਿਨ੍ਹਾਂ ਦਾ ਹੈਲਪ ਲਾਈਨ ਨੰਬਰ 94170-20869 ਅਤੇ 01882-220322 ਹੈ। ਇਸੇ ਤਰ੍ਹਾਂ ਮਾਹਿਲਪੁਰ ਨਗਰ ਕੌਂਸਲ ਲਈ ਐਸ ਓ ਰਵਿੰਦਰ ਕੁਮਾਰ ਅਤੇ ਸ਼ਰਤ ਚੰਦਰ ਕਲਰਕ ਨੂੰ ਨਿਯੁਕਤ ਕੀਤਾ ਗਿਆ ਹੈ ਜਿਨ੍ਹਾਂ ਦਾ ਹੈਲਪ ਲਾਈਨ ਨੰਬਰ 94177-02002, 96461-02424 ਅਤੇ 01884-245280 ਹੈ। ਨਗਰ ਕੌਂਸਲ ਮੁਕੇਰੀਆਂ ਲਈ ਜੂਨੀਅਰ ਸਹਾਇਕ ਨਾਨਕ ਚੰਦ ਹੈਲਪਲਾਈਨ ਨੰਬਰ 81465-60854, ਨਗਰ ਕੌਂਸਲ ਗੜ੍ਹਸ਼ੰਕਰ ਲਈ ਬਿਲਡਿੰਗ ਕਲਰਕ ਰਵਿੰਦਰ ਕੁਮਾਰ ਹੈਲਪ ਲਾਈਨ ਨੰਬਰ 94178-24530 ਅਤੇ 01884-282028, ਨਗਰ ਕੌਂਸਲ ਤਲਵਾੜਾ ਲਈ ਐਸ ਓ ਹਰੀਸ਼ ਕੁਮਾਰ, ਕਲਰਕ ਰਮੇਸ਼ ਪਾਲ ਹੈਲਪ ਲਾਈਨ ਨੰਬਰ 78370-73700 ਅਤੇ 98767-17822, ਨਗਰ ਕੌਂਸਲ ਦਸੂਹਾ ਲਈ ਐਸ ਓ ਨਰੇਸ਼ ਕੁਮਾਰ ਹੈਲਪ ਲਾਈਨ ਨੰਬਰ 98156-95165, ਨਗਰ ਕੌਂਸਲ ਉੜਮੁੜ ਟਾਂਡਾ ਲਈ ਐਸ ਓ ਹਰਜਿੰਦਰ ਸਿੰਘ ਸੇਠੀ ਹੈਲਪ ਲਾਈਨ ਨੰਬਰ 96460-24810, ਨਗਰ ਕੌਂਸਲ ਹਰਿਆਣਾ ਲਈ ਕਲਰਕ ਵਿਸ਼ਾਲ ਮਰਵਾਹਾ ਨੰਬਰ 99143-95073, ਨਗਰ ਕੌਂਸਲ ਗੜ੍ਹਦੀਵਾਲਾ ਲਈ ਸਹਾਇਕ ਮਿਉਂਸਪਲ ਇੰਜੀਨੀਅਰ ਰਮੇਸ਼ ਸੂਦ ਨੰਬਰ 98039-13601 ਅਤੇ ਨਗਰ ਕੌਂਸਲ ਸ਼ਾਮਚੁਰਾਸੀ ਲਈ ਕਲਰਕ ਰਮੇਸ਼ ਜਿਸ ਦਾ ਹੈਲਪ ਲਾਈਨ ਨੰਬਰ 95017-70125 ਹੈ, ਤੇ ਅਣ-ਅਧਿਕਾਰਤ ਕਲੋਨੀਆਂ ਰੈਗੂਲਰ ਕਰਾਉਣ ਸਬੰਧੀ ਸੰਪਰਕ ਕੀਤਾ ਜਾ ਸਕਦਾ ਹੈ।

ਤਲਵਾੜਾ ਸ਼ਹਿਰ ਦੀ ਸਮੁੱਚੀ ਨੁਹਾਰ ਬਦਲੇਗੀ : ਡਾ. ਧਰੁਬ ਸਿੰਘ

ਵਿਕਾਸ ਲਈ 1.33 ਕਰੋੜ ਰੁਪਏ ਦੀ ਦੂਜੀ ਕਿਸ਼ਤ ਜਾਰੀਤਲਵਾੜਾ, 8 ਸਤੰਬਰ:  ਨਗਰ ਪੰਚਾਇਤ ਤਲਵਾੜਾ ਵੱਲੋਂ ਸ਼ਹਿਰ ਵਿਚ ਬੁਨਿਆਦੀ ਸਹੂਲਤਾਂ ਦਾ ਢਾਂਚਾ ਮਜਬੂਤ ਕਰਨ ਲਈ ਪੰਜਾਬ ਸਰਕਾਰ ਵੱਲੋਂ 1.33 ਕਰੋੜ ਰੁਪਏ ਦੀ ਦੂਜੀ ਕਿਸ਼ਤ ਜਾਰੀ ਕਰ ਦਿੱਤੀ ਗਈ ਹੈ ਅਤੇ ਇਸ ਨਾਲ ਇੱਥੇ ਚਲ ਰਹੀਆਂ ਵੱਖ ਵੱਖ ਵਿਕਾਸ ਸਕੀਮਾਂ ਨੂੰ ਮੁਕੰਮਲ ਕਰਨ ਵਿਚ ਤੇਜ਼ੀ ਆ ਜਾਵੇਗੀ। ਇਹ ਪ੍ਰਗਟਾਵਾ ਡਾ. ਧਰੁੱਬ ਸਿੰਘ ਪ੍ਰਧਾਨ ਨਗਰ ਪੰਚਾਇਤ ਤਲਵਾੜਾ ਨੇ ਪੱਤਰਕਾਰਾਂ ਨਾਲ ਵਿਸ਼ੇਸ਼ ਮੁਲਾਕਾਤ ਦੌਰਾਨ ਕਰਦਿਆਂ ਕਿਹਾ ਕਿ ਸਵ. ਅਮਰਜੀਤ ਸਿੰਘ ਸਾਹੀ ਦੇ ਇਲਾਕੇ ਦੀ ਭਲਾਈ ਲਈ ਕੀਤੇ ਸੁਹਿਰਦ ਯਤਨਾਂ ਸਦਕਾ ਹੋਂਦ ਵਿਚ ਆਈ ਨਗਰ ਪੰਚਾਇਤ ਤਲਵਾੜਾ ਨੂੰ 2.67 ਕਰੋੜ ਰੁਪਏ ਦੀ ਰਕਮ ਸਰਕਾਰ ਵੱਲੋਂ ਮਨਜੂਰ ਕੀਤੀ ਗਈ ਸੀ ਜਿਸ ਦੀ ਪਹਿਲੀ ਕਿਸ਼ਤ 1.34 ਕਰੋੜ ਰੁਪਏ ਸਵ. ਸਾਹੀ ਦੇ ਹੁੰਦਿਆਂ ਹੀ ਜਾਰੀ ਕਰ ਦਿੱਤੇ ਗਏ ਸਨ। ਉਨ੍ਹਾਂ ਦੱਸਿਆ ਕਿ ਤਲਵਾੜਾ ਵਿਚ 8.40 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿੰਨ ਡੂੰਘੇ ਬੋਰ ਕਰਵਾਏ ਜਾ ਰਹੇ ਜਾ ਰਹੇ ਹਨ ਅਤੇ ਇੱਕ ਵੱਡਾ ਜਲ ਟੈਂਕ ਨਗਰ ਵਿਖੇ ਉਸਾਰਿਆ ਜਾਵੇਗਾ ਤਾਕਿ ਸਾਰੇ ਸ਼ਹਿਰ ਵਾਸੀਆਂ ਨੂੰ ਰੋਜ਼ਾਨਾ ਪੀਣ ਵਾਲਾ ਸਾਫ਼ ਸੁਥਰਾ ਪਾਣੀ ਨਿਯਮਿਤ ਢੰਗ ਨਾਲ ਮੁਹੱਈਆ ਕਰਵਾਇਆ ਜਾ ਸਕੇ। ਸ਼ਹਿਰ ਵਿਚ ਜਿੱਥੇ ਗਲੀਆਂ ਤੇ ਸੜਕਾਂ ਨੂੰ ਪੱਕਾ ਕੀਤਾ ਜਾ ਰਿਹਾ ਹੈ ਉੱਥੇ ਬਾਜਾਰ ਤੇ ਹੋਰ ਗਲੀ ਮੁਹੱਲਿਆਂ ਤੋਂ ਇਲਾਵਾ ਸਬਜ਼ੀ ਮੰਡੀ ਚੌਂਕ ਅਤੇ ਦੌਲਤਪੁਰ ਚੌਂਕ ਵਿਚ ਵਿਸ਼ੇਸ਼ ਹਾਈ ਪਾਵਰ ਸਟ੍ਰੀਟ ਲਾਈਟਾਂ ਲਗਾਈਆਂ ਗਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਨੂੰ ਹੜ੍ਹ ਵਰਗੀਆਂ ਸੰਭਾਵੀ ਕੁਦਰਤੀ ਆਫ਼ਤਾਂ ਨੂੰ ਮਹਿਫ਼ੂਜ਼ ਰੱਖਣ ਲਈ ਸੀਵਰੇਜ਼ ਦੇ ਪੁਖਤਾ ਪ੍ਰਬੰਧ ਕੀਤੇ ਜਾ ਰਹੇ ਹਨ ਅਤੇ ਪੰਜਾਬ ਸਰਕਾਰ ਵੱਲੋਂ ਹਲਕਾ ਵਿਧਾਇਕ ਬੀਬੀ ਸੁਖਜੀਤ ਕੌਰ ਸਾਹੀ ਦੇ ਯਤਨਾਂ ਸਦਕਾ ਤਲਵਾੜਾ ਲਈ ਵਿਸ਼ੇਸ਼ ਯੋਜਨਾਬੰਦੀ ਕੀਤੀ ਜਾ ਰਹੀ ਅਤੇ ਆਉਣ ਵਾਲੇ ਸਮੇਂ ਵਿਚ ਤਲਵਾੜਾ ਸ਼ਹਿਰ ਦੀ ਸਮੁੱਚੀ ਨੁਹਾਰ ਹੀ ਬਦਲ ਜਾਵੇਗੀ। ਬੀ. ਬੀ. ਐਮ. ਬੀ. ਅਤੇ ਹੋਰ ਵਿਭਾਗਾਂ ਨਾਲ ਬਿਹਤਰ ਤਾਲਮੇਲ ਲਈ ਵੀ ਕਮੇਟੀ ਵੱਲੋਂ ਹਰ ਸੰਭਵ ਉਪਰਾਲੇ ਕੀਤੇ ਜਾ ਰਹੇ ਹਨ ਜਿਸ ਨਾਲ ਕਲੌਨੀ ਵਿਚ ਬੀ. ਬੀ. ਐਮ. ਬੀ. ਅਤੇ ਗੈਰ-ਬੀ. ਬੀ. ਐਮ. ਬੀ. ਵਰਗਾਂ ਨੂੰ ਉਪਲਬਧ ਸਹੂਲਤਾਂ ਵਿਚ ਇਕਸਾਰਤਾ ਹੋਣ ਦੀ ਕਾਫ਼ੀ ਸੰ
ਭਾਵਨਾ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਯੂਥ ਭਾਜਪਾ ਆਗੂ ਰਵਿੰਦਰ ਸਿੰਘ, ਵਿਪਨ ਵਰਾਇਟੀ, ਯੂਥ ਅਕਾਲੀ ਆਗੂ ਦਵਿੰਦਰਪਾਲ ਸਿੰਘ ਸੇਠੀ ਤੋਂ ਇਲਾਵਾ ਰਾਮ ਪਾਲ ਸ਼ਰਮਾ, ਸੁਰੇਸ਼ ਕੁਮਾਰ ਆਦਿ ਹਾਜਰ ਸਨ।

ਟਰੈਫਿਕ ਨਿਯਮਾਂ ਨੂੰ ਸਖ਼ਤੀ ਨਾਲ ਲਾਗੂ ਕੀਤਾ ਜਾਵੇ : ਰੂਜ਼ਮ

ਹੁਸ਼ਿਆਰਪੁਰ, 9 ਜੁਲਾਈ: ਹੁਸ਼ਿਆਰਪੁਰ ਦੇ ਕਾਲਜਾਂ ਅਤੇ ਸਕੂਲਾਂ ਦੇ ਨਜਦੀਕ ਵਿਸ਼ੇਸ਼ ਨਾਕੇ ਲਗਾ ਕੇ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵੱਲੋਂ ਚਲਾਏ ਜਾ ਰਹੇ ਗੇਅਰ ਵਾਲੇ ਵਾਹਨਾਂ, ਪ੍ਰੈਸ਼ਰ ਹਾਰਨ ਅਤੇ ਵੱਡੇ ਸਲੰਸਰ ਦੀ ਵਰਤੋਂ ਕਰਨ ਵਾਲੇ ਵਾਹਨਾਂ ਦੇ ਸਖਤੀ ਨਾਲ ਚਲਾਨ ਕੱਟੇ ਜਾਣ।  ਇਹ ਹਦਾਇਤ ਡਿਪਟੀ ਕਮਿਸ਼ਨਰ ਸ੍ਰੀ ਵਰੁਣ ਰੂਜ਼ਮ ਨੇ ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਮੀਟਿੰਗ ਹਾਲ ਵਿਖੇ ਜ਼ਿਲ੍ਹਾ ਸੜਕ ਸੁਰੱਖਿਆ ਕਮੇਟੀ ਦੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਸਬੰਧਤ ਅਧਿਕਾਰੀਆਂ ਨੂੰ ਕੀਤੀ।

                  ਡਿਪਟੀ ਕਮਿਸ਼ਨਰ ਨੇ ਮੁੱਖ ਬਸ ਅੱਡਾ ਹੁਸ਼ਿਆਰਪੁਰ ਦੇ ਬਾਹਰ ਸੜਕ ਦੇ ਕਿਨਾਰੇ ਖੜੀਆਂ ਬੱਸਾਂ ਕਾਰਨ ਹੋ ਰਹੀ ਟਰੈਫਿਕ ਵਿੱਚ ਰੁਕਾਵਟ ਨੂੰ ਰੋਕਣ ਸਬੰਧੀ ਵਿਸ਼ੇਸ਼ ਉਪਰਾਲੇ ਕਰਨ ਲਈ ਕਿਹਾ। ਉਨ੍ਹਾਂ ਨੇ ਸ਼ਿਮਲਾ ਪਹਾੜੀ ਚੌਕ ਵਿੱਚ ਰੇਹੜੀਆਂ ਕਾਰਨ ਟਰੈਫਿਕ ਵਿੱਚ ਲੱਗਣ ਵਾਲੇ ਜਾਮ ਨੂੰ ਵੀ ਹੱਲ ਕਰਨ ਸਬੰਧੀ ਵੀ ਹਦਾਇਤ ਕੀਤੀ। ਉਨ੍ਹਾਂ ਕਿਹਾ ਕਿ ਸ਼ਹਿਰ ਅੰਦਰ ਚੌਕਾਂ ਵਿੱਚ ਲੱਗੀਆਂ ਟਰੈਫਿਕ ਲਾਈਟਾਂ ਨੂੰ ਚਾਲੂ ਹਾਲਤ ਵਿੱਚ ਕੀਤਾ ਜਾਵੇ ਅਤੇ ਲੋਕਾਂ ਵੱਲੋਂ ਟਰੈਫਿਕ ਲਾਈਟਾਂ ਦੀ ਉਲੰਘਣਾ ਕਰਨ ਵਾਲਿਆਂ ਦੇ ਚਲਾਨ ਕੱਟੇ ਜਾਣ।  ਉਨ੍ਹਾਂ ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੂੰ ਕਿਹਾ ਕਿ ਸ਼ਹਿਰ ਵਿੱਚ ਸੜਕਾਂ ਤੇ ਘੁੰਮ ਰਹੇ ਅਵਾਰਾ ਪਸ਼ੂਆਂ ਨੂੰ ਰੋਕਣ ਲਈ ਲੋੜੀਂਦੇ ਉਪਰਾਲੇ ਕੀਤੇ ਜਾਣ ਤਾਂ ਜੋ ਸੜਕੀ ਆਵਾਜਾਈ ਵਿੱਚ ਕੋਈ ਵਿਘਨ ਨਾ ਪਵੇ। ਉਨ੍ਹਾਂ ਇਹ ਵੀ ਕਿਹਾ ਕਿ ਸ਼ਹਿਰ ਵਿੱਚ ਬੱਸਾਂ ਦੇ ਖੜੇ ਹੋਣ ਵਾਲੇ ਸਥਾਨ ਨਿਸ਼ਚਿਤ ਕੀਤੇ ਜਾਣ ਅਤੇ ਬੱਸਾਂ ਨੂੰ ਨਿਰਧਾਰਤ ਕੀਤੀਆਂ ਥਾਵਾਂ ਤੇ ਰੋਕਣ ਦੀ ਹਦਾਇਤ ਕੀਤੀ ਜਾਵੇ। ਉਨ੍ਹਾਂ ਕਿਹਾ ਕਿ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਮੇਨ ਗੇਟ ਦੇ ਸਾਹਮਣੇ ਰੁਕਣ ਵਾਲੀਆਂ ਬੱਸਾਂ ਅਤੇ ਆਟੋਜ਼ ਨੂੰ  ਗੇਟ ਦੇ ਸਾਹਮਣੇ  ਖੜੇ ਹੋਣ ਤੋਂ ਰੋਕਿਆ ਜਾਵੇ।

                  ਜ਼ਿਲ੍ਹਾ ਟਰਾਂਸਪੋਰਟ ਅਫ਼ਸਰ ਪੀ.ਐਸ.ਗਿੱਲ ਨੇ ਵਿਸ਼ਵਾਸ਼ ਦੁਆਇਆ ਕਿ ਜ਼ਿਲ੍ਹੇ ਵਿੱਚ ਟਰੈਫਿਕ ਵਿਵਸਥਾ ਵਿੱਚ ਸੁਧਾਰ ਕਰਨ ਲਈ ਡਿਪਟੀ ਕਮਿਸ਼ਨਰ ਵੱਲੋਂ ਦਿੱਤੇ ਗਏ ਆਦੇਸ਼ਾਂ ਦੀ ਪਾਲਣਾ ਕੀਤੀ ਜਾਵੇਗੀ ਅਤੇ ਜ਼ਿਲ੍ਹਾ ਸੜਕ ਸੁਰੱਖਿਆ ਕਮੇਟੀ ਦੇ ਮੈਂਬਰਾਂ ਵੱਲੋਂ ਟਰੈਫਿਕ ਸਮੱਸਿਆ ਦੇ ਹੱਲ ਲਈ ਦਿੱਤੇ ਸੁਝਾਵਾਂ ਤੇ ਵੀ ਗੌਰ ਕੀਤਾ ਜਾਵੇਗਾ।  ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਤੇ ਐਸ ਡੀ ਐਮ ਹੁਸ਼ਿਆਰਪੁਰ ਕੈਪਟਨ ਕਰਨੈਲ ਸਿੰਘ, ਐਸ ਡੀ ਐਮ ਦਸੂਹਾ ਬਰਜਿੰਦਰ ਸਿੰਘ, ਇੰਸਪੈਕਟਰ ਟਰੈਫਿਕ ਪੁਲਿਸ ਗੁਰਜੀਤ ਪਾਲ ਸਿੰਘ, ਤਹਿਸੀਲਦਾਰ ਗੜ੍ਹਸ਼ੰਕਰ ਸਤਨਾਮ ਸਿੰਘ, ਡਾ. ਸੁਨੀਲ ਅਹੀਰ, ਕਾਰਜਕਾਰੀ ਇੰਜੀਨੀਅਰ ਲੋਕ ਨਿਰਮਾਣ ਕੰਵਲ ਨੈਨ, ਐਸ ਡੀ ਈ ਰਜਿੰਦਰ ਕੁਮਾਰ, ਜਨਰਲ ਮੈਨੈਜਰ ਰੋਡਵੇਜ਼ ਐਚ ਐਸ ਮਿਨਹਾਸ, ਡਿਪਟੀ ਡੀ ਈ ਓ ਸੈਕੰਡਰੀ ਦਰਸ਼ਨ ਸਿੰਘ,  ਕਾਰਜਸਾਧਕ ਅਫ਼ਸ਼ਰ ਪਰਮਜੀਤ ਸਿੰਘ,  ਮਿਉਂਸਪਲ ਇੰਜੀਨੀਅਰ ਪਵਨ ਸ਼ਰਮਾ, ਰਿਲਾਇੰਸ ਇੰਡਸਟਰੀ ਤੋਂ ਜੀ ਐਮ ਯੁਗੇਸ਼ ਜਲੋਟਾ, ਹੁਸ਼ਿਆਰਪੁਰ ਆਟੋ ਮੋਬਾਇਲ ਤੋਂ ਰਘਬੀਰ ਸਿੰਘ, ਜਗਤ ਰਾਮ ਪੌਲੀਟੈਕਨਿਕ ਕਾਲਜ ਤੋਂ ਪ੍ਰੋ: ਬਹਾਦਰ ਸਿੰਘ, ਐਸ ਡੀ ਕਾਲਜ ਹੁਸ਼ਿਆਰਪੁਰ ਹੇਮਾ ਸ਼ਰਮਾ, ਰਿਆਤ ਬਾਹਰ ਤੋਂ ਕਰਨਲ ਐਸ ਐਸ ਜਸਵਾਲ, ਰੋਹਿਤ ਚੌਧਰੀ, ਸਬੰਧਤ ਅਧਿਕਾਰੀ ਅਤੇ ਸੜਕ ਸੁਰੱਖਿਆ ਕਮੇਟੀ ਦੇ ਮੈਂਬਰ ਹਾਜ਼ਰ ਸਨ।

ਜਿਲ੍ਹੇ ਵਿਚ 203 ਸਰਪੰਚ ਬਿਨਾਂ ਮੁਕਾਬਲਾ ਜੇਤੂ ਰਹੇ : ਵਰੁਣ ਰੂਜ਼ਮ

ਹੁਸ਼ਿਆਰਪੁਰ, 4 ਜੁਲਾਈ: ਜ਼ਿਲ੍ਹਾ ਚੋਣਕਾਰ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਸ੍ਰੀ ਵਰੁਣ ਰੂਜ਼ਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਗਰਾਮ ਪੰਚਾਇਤ ਦੀਆਂ ਆਮ ਚੋਣਾਂ ਵਿੱਚ ਜ਼ਿਲ੍ਹਾ ਹੁਸ਼ਿਆਰਪੁਰ ਦੀਆਂ 1372 ਪੰਚਾਇਤਾਂ ਦੀਆਂ ਸਰਪੰਚਾਂ ਦੀ ਚੋਣ ਲਈ ਚੋਣ ਲੜ ਰਹੇ 3137 ਉਮੀਦਵਾਰਾਂ ਵਿੱਚੋਂ 203 ਸਰਪੰਚ ਬਿਨਾਂ ਮੁਕਾਬਲਾ ਜੇਤੂ ਰਹੇ ਹਨ ਅਤੇ 1167 ਸਰਪੰਚ ਵੋਟਾਂ ਦੀ ਗਿਣਤੀ ਉਪਰੰਤ ਜੇਤੂ ਰਹੇ ਹਨ। ਇਸੇ ਤਰ੍ਹਾਂ ਪੰਚਾਂ ਦੀ ਚੋਣਾਂ ਲਈ 1372 ਪਿੰਡਾਂ ਦੇ 7848 ਵਾਰਡਾਂ ਲਈ ਚੋਣ ਲੜੇ ਰਹੇ 9037 ਉਮੀਦਵਾਰਾਂ ਵਿੱਚੋਂ 3663 ਉਮੀਦਵਾਰ ਬਿਨਾਂ ਮੁਕਾਬਲਾ ਜੇਤੂ ਰਹੇ ਹਨ ਅਤੇ 4200 ਪੰਚ ਵੋਟਾਂ ਦੀ ਗਿਣਤੀ ਉਪਰੰਤ ਜੇਤੂ ਕਰਾਰ ਦਿੱਤੇ ਗਏ ਹਨ ਅਤੇ 3 ਪੰਚਾਂ ਦੀ ਚੋਣ ਲਈ ਵੋਟਾਂ ਦੁਬਾਰਾ ਪਾਈਆਂ ਜਾ ਰਹੀਆਂ ਹਨ।

                  ਉਨ੍ਹਾਂ ਹੋਰ ਦੱਸਿਆ ਕਿ ਹੁਸ਼ਿਆਰਪੁਰ ਬਲਾਕ-1 ਦੀਆਂ 186 ਗਰਾਮ ਪੰਚਾਇਤਾਂ ਲਈ ਸਰਪੰਚਾਂ ਦੀ ਚੋਣ ਲੜ ਰਹੇ 383 ਉਮੀਦਵਾਰਾਂ ਵਿੱਚੋਂ 35 ਬਿਨਾਂ ਮੁਕਾਬਲਾ ਅਤੇ 151 ਚੋਣ ਰਾਹੀਂ ਜੇਤੂ ਕਰਾਰ ਦਿੱਤੇ ਗਏ ਹਨ। ਇਸੇ ਤਰ੍ਹਾਂ ਹੁਸ਼ਿਆਰਪੁਰ ਬਲਾਕ-2 ਦੀਆਂ 118 ਪੰਚਾਇਤਾਂ ਲਈ ਚੋਣ ਲੜ ਰਹੇ 310 ਉਮੀਦਵਾਰਾਂ ਵਿੱਚੋਂ 13 ਬਿਨਾਂ ਮੁਕਾਬਲਾ ਅਤੇ 105 ਚੋਣਾਂ ਰਾਹੀਂ ਜੇਤੂ, ਬਲਾਕ ਭੂੰਗਾਂ ਦੀਆਂ 179 ਪੰਚਾਇਤਾਂ ਲਈ ਸਰਪੰਚਾਂ ਦੀ ਚੋਣ ਲੜ ਰਹੇ 432 ਉਮੀਦਵਾਰਾਂ ਵਿੱਚੋਂ 28 ਬਿਨਾਂ ਮੁਕਾਬਲਾ ਅਤੇ 151 ਵੋਟਾਂ ਰਾਹੀਂ ਜੇਤੂ, ਬਲਾਕ ਟਾਂਡਾ ਦੀਆਂ 118 ਪੰਚਾਇਤਾਂ ਲਈ 225 ਉਮੀਦਵਾਰਾਂ ਵਿੱਚੋਂ 24 ਬਿਨਾਂ ਮੁਕਾਬਲਾ ਅਤੇ 94 ਵੋਟਾਂ ਰਾਹੀਂ, ਦਸੂਹਾ ਬਲਾਕ ਦੀਆਂ 148 ਪੰਚਾਇਤਾਂ ਲਈ 339 ਉਮੀਦਵਾਰਾਂ ਵਿੱਚੋਂ 15 ਬਿਨਾਂ ਮੁਕਾਬਲਾ ਅਤੇ 132 ਵੋਟਾਂ ਰਾਹੀਂ, ਹਾਜੀਪੁਰ ਬਲਾਕ ਦੀਆਂ 96 ਪੰਚਾਇਤਾਂ ਲਈ 253 ਉਮੀਦਵਾਰਾਂ ਵਿੱਚ 10 ਬਿਨਾਂ ਮੁਕਾਬਲਾ ਅਤੇ 85 ਵੋਟਾਂ ਰਾਹੀਂ, ਮੁਕੇਰੀਆਂ ਬਲਾਕ ਦੀਆਂ 138 ਪੰਚਾਇਤਾਂ ਲਈ 282 ਉਮੀਦਵਾਰਾਂ ਵਿੱਚੋਂ 16 ਬਿਨਾਂ ਮੁਕਾਬਲਾ ਅਤੇ 122 ਵੋਟਾਂ ਰਾਹੀਂ, ਤਲਵਾੜਾ ਬਲਾਕ ਦੀਆਂ 97 ਪੰਚਾਇਤਾਂ ਲਈ 309 ਉਮੀਦਵਾਰਾਂ ਵਿੱਚੋਂ 4 ਬਿਨਾਂ ਮੁਕਾਬਲਾ ਅਤੇ 93 ਵੋਟਾਂ ਰਾਹੀਂ, ਮਾਹਿਲਪੁਰ ਬਲਾਕ ਦੀਆਂ 150 ਪੰਚਾਇਤਾਂ ਲਈ 312 ਉਮੀਦਵਾਰਾਂ ਵਿੱਚੋਂ 30 ਬਿਨਾਂ ਮੁਕਾਬਲਾ ਅਤੇ 120 ਵੋਟਾਂ ਰਾਹੀਂ ਅਤੇ ਗੜ੍ਹਸ਼ੰਕਰ ਬਲਾਕ ਦੀਆਂ 142 ਪੰਚਾਇਤਾਂ ਲਈ 292 ਉਮੀਦਵਾਰਾਂ ਵਿੱਚੋਂ 28 ਬਿਨਾਂ ਮੁਕਾਬਲਾ ਅਤੇ 114 ਵੋਟਾਂ ਰਾਹੀਂ ਸਰਪੰਚ ਜੇਤੂ ਕਰਾਰ ਦਿੱਤੇ ਗਏ ਹਨ।

                  ਜਿਲ੍ਹਾ ਚੋਣਕਾਰ ਅਫ਼ਸਰ ਨੇ ਹੋਰ ਦੱਸਿਆ ਕਿ ਪੰਚਾਂ ਦੀਆਂ ਚੋਣਾਂ ਲਈ ਹੁਸ਼ਿਆਰਪੁਰ ਬਲਾਕ-1 ਦੇ 1040 ਵਾਰਡਾਂ ਲਈ ਪੰਚਾਂ ਦੀ ਚੋਣ ਲੜ ਰਹੇ 1091 ਉਮੀਦਵਾਰਾਂ ਵਿੱਚੋਂ 523 ਬਿਨਾਂ ਮੁਕਾਬਲਾ ਅਤੇ 508 ਵੋਟਾਂ ਰਾਹੀਂ ਚੁਣੇ ਗਏ ਹਨ। ਹੁਸ਼ਿਆਰਪੁਰ ਬਲਾਕ-2 ਦੇ 750 ਵਾਰਡਾਂ ਲਈ ਪੰਚਾਂ ਦੀ ਚੋਣ ਲੜ ਰਹੇ 996 ਉਮੀਦਵਾਰਾਂ ਵਿੱਚੋਂ 283 ਬਿਨਾਂ ਮੁਕਾਬਲਾ ਅਤੇ 459 ਵੋਟਾਂ ਰਾਹੀਂ, ਬਲਾਕ ਭੂੰਗਾ ਦੇ 971 ਵਾਰਡਾਂ ਲਈ ਚੋਣ ਲੜ ਰਹੇ 957 ਉਮੀਦਵਾਰਾਂ ਵਿੱਚੋਂ 492 ਬਿਨਾਂ ਮੁਕਾਬਲਾ ਅਤੇ 461 ਵੋਟਾਂ ਰਾਹੀਂ, ਟਾਂਡਾ ਬਲਾਕ ਦੇ 700 ਵਾਰਡਾਂ ਲਈ ਚੋਣ ਲੜ ਰਹੇ 838 ਉਮੀਦਵਾਰਾਂ ਵਿੱਚੋਂ 291 ਬਿਨਾਂ ਮੁਕਾਬਲਾ ਅਤੇ 397 ਵੋਟਾਂ ਰਾਹੀਂ, ਦਸੂਹਾ ਬਲਾਕ ਦੇ  812 ਵਾਰਡਾਂ ਵਿੱਚ ਚੋਣ ਲੜ ਰਹੇ 924 ਉਮੀਦਵਾਰਾਂ ਵਿੱਚੋਂ 361 ਬਿਨਾਂ ਮੁਕਾਬਲਾ ਅਤੇ 542 ਵੋਟਾਂ ਰਾਹੀਂ, ਹਾਜੀਪੁਰ ਬਲਾਕ ਦੇ 532 ਵਾਰਡਾਂ ਲਈ ਚੋਣ ਲੜ ਰਹੇ 943 ਉਮੀਦਵਾਰਾਂ ਵਿੱਚੋਂ 267 ਬਿਨਾਂ ਮੁਕਾਬਲਾ ਅਤੇ 253 ਵੋਟਾਂ ਰਾਹੀਂ, ਬਲਾਕ ਮੁਕੇਰੀਆਂ ਦੇ 768 ਵਾਰਡਾਂ ਲਈ ਚੋਣ ਲੜ ਰਹੇ 833 ਉਮੀਦਵਾਰਾਂ ਵਿੱਚੋਂ 357 ਬਿਨਾਂ ਮੁਕਾਬਲਾ ਅਤੇ 409 ਵੋਟਾਂ ਰਾਹੀਂ, ਤਲਵਾੜਾ ਬਲਾਕ ਦੇ 529 ਵਾਰਡਾਂ ਲਈ ਚੋਣ ਲੜ ਰਹੇ 618 ਉਮੀਦਵਾਰਾਂ ਵਿੱਚੋਂ 238 ਬਿਨਾਂ ਮੁਕਾਬਲਾ ਅਤੇ 288 ਵੋਟਾਂ ਰਾਹੀਂ, ਮਾਹਿਲਪੁਰ ਬਲਾਕ ਦੇ 876 ਵਾਰਡਾਂ ਲਈ ਚੋਣ ਲੜ ਰਹੇ 1010 ਉਮੀਦਵਾਰਾਂ ਵਿੱਚੋਂ 385 ਬਿਨਾਂ ਮੁਕਾਬਲਾ ਅਤੇ 488 ਵੋਟਾਂ ਰਾਹੀਂ ਅਤੇ ਗੜ੍ਹਸ਼ੰਕਰ ਬਲਾਕ ਦੇ 870 ਵਾਰਡਾਂ ਲਈ ਚੋਣ ਲੜ ਰਹੇ 827 ਉਮੀਦਵਾਰਾਂ ਵਿੱਚੋਂ 466 ਬਿਨਾਂ ਮੁਕਾਬਲਾ ਅਤੇ 395 ਵੋਟਾਂ ਰਾਹੀਂ ਪੰਚ ਜੇਤੂ ਕਰਾਰ ਦਿੱਤੇ ਗਏ ਹਨ।

ਕੇਦਾਰਨਾਥ ਘਾਟੀ ਤੋਂ ਬਚਾਈ ਬੱਚੀ

ਰੂਪਨਗਰ,4 ਜੁਲਾਈ-ਉਤਰਾਖੰਡ ਵਿਚ ਬੱਦਲ ਫਟਣ ਨਾਲ ਆਏ ਹੜ੍ਹਾਂ ਤੋਂ ਪ੍ਰਭਾਵਿਤ ਕੇਦਾਰਨਾਥ ਵੈਲੀ ਤੋਂ ਇੱਕ ਬੱਚੀ

ਨੂੰ ਬਚਾਇਆ ਗਿਆ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਰੂਪਨਗਰ ਸ਼੍ਰੀ ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਦੱਸਿਆ ਕਿ ਇਹ ਬੱਚੀ ਦਾ ਦੂਨ ਹਸਪਤਾਲ ਦੇਹਰਾਦੂਨ ਵਿਖੇ ਇਲਾਜ ਚੱਲ ਰਿਹਾ ਹੈ ਅਤੇ ਇਸ ਲੜਕੀ ਸਬੰਧੀ ਨਾ ਤਾਂ ਇਸ ਬੱਚੀ ਦੇ ਮਾਪਿਆਂ ਨੇ ਅਤੇ ਨਾ ਹੀ ਕਿਸੇ ਹੋਰ ਰਿਸ਼ਤੇਦਾਰ ਨੇ ਵੀ ਅਜੇ ਤੱਕ ਦੇਹਰਾਦੂਨ ਪ੍ਰਸ਼ਾਸਨ ਨਾਲ ਸੰਪਰਕ ਕੀਤਾ ਹੈ। ਉਨ੍ਹਾਂ ਅਪੀਲ ਕੀਤੀ ਕਿ ਜੇਕਰ ਕੋਈ ਵਿਅਕਤੀ ਇਸ ਬੱਚੀ ਨੂੰ ਪਛਾਣਦਾ ਜਾਂ ਜਾਣਦਾ ਹੋਵੇ ਤਾਂ ਉਹ ਟੈਲੀਫੂਨ ਨੰਬਰ 0135-2726066, 22626064, 2626065 ਜਾਂ ਫਿਰ ਟੋਲ ਫਰੀ ਨੰਬਰ 1077 ਤੇ ਸੰਪਰਕ ਕਰ ਸਕਦਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਇਸ ਲੜਕੀ ਸਬੰਧੀ ਹੋਰ ਜਾਣਕਾਰੀ dm-deh-ua@nic.in ਤੋਂ ਜਾਂ ਫਿਰ ਜਿ਼ਲ੍ਹਾ ਮੈਜਿਸਟਰੇਟ ਦੇਹਰਾਦੂਨ ਨਾਲ ਸੰਪਰਕ ਕਰਕੇ ਲਈ ਜਾ ਸਕਦੀ ਹੈ।

ਸੰਤੋਸ਼ ਚੌਧਰੀ ਨੇ ਕੀਤਾ ਟੀ. ਬੀ. ਹਸਪਤਾਲ ਦਾ ਦੌਰਾ

ਹੁਸ਼ਿਆਰਪੁਰ, 4 ਜੁਲਾਈ: ਕੇਂਦਰੀ ਸਿਹਤ ਰਾਜ ਮੰਤਰੀ ਸ੍ਰੀਮਤੀ ਸੰਤੋਸ਼ ਚੌਧਰੀ ਨੇ ਅੱਜ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿੱਚ ਫਗਵਾੜਾ ਰੋਡ ਤੇ ਸਥਿਤੇ ਟੀ.ਬੀ. ਹਸਪਤਾਲ ਅਤੇ ਫਤਹਿਗੜ੍ਹ ਵਿਖੇ 18 ਬਿਸਤਰਿਆਂ ਵਾਲੇ ਪੁਰਾਣੇ ਟੀ.ਬੀ. ਹਸਪਤਾਲ ਦਾ ਵਿਸ਼ੇਸ਼ ਦੌਰਾ ਕੀਤਾ। ਵਧੀਕ ਡਿਪਟੀ ਕਮਿਸ਼ਨਰ (ਜ) ਕੈਪਟਨ ਕਰਨੈਲ ਸਿੰਘ, ਸਿਵਲ ਸਰਜਨ ਸੁਰਜੀਤ ਸਿੰਘ, ਨਾਇਬ ਤਹਿਸੀਲਦਾਰ ਅਰਵਿੰਦ ਸਲਵਾਨ ਅਤੇ ਸਾਬਕਾ ਵਿਧਾਇਕ ਹਲਕਾ ਸ਼ਾਮਚੁਰਾਸੀ ਚੌਧਰੀ ਰਾਮ ਲੁਭਾਇਆ ਵੀ ਇਸ ਮੌਕੇ ਤੇ ਉਨ੍ਹਾਂ ਦੇ ਨਾਲ ਸਨ।

                  ਸ੍ਰੀਮਤੀ ਸੰਤੋਸ਼ ਚੌਧਰੀ ਨੇ ਹਸਪਤਾਲ ਵਿਖੇ ਤਾਇਨਾਤ ਜ਼ਿਲ੍ਹਾ ਟੀ ਬੀ ਆਫਿਸਰ ਡਾ. ਨਰੇਸ਼ ਕੁਮਾਰ ਨਾਲ ਗੱਲਬਾਤ ਕਰਕੇ ਟੀ ਬੀ ਹਸਪਤਾਲ ਵਿੱਚ ਮਰੀਜਾਂ ਨੂੰ ਦਿੱਤੀਆਂ ਜਾ ਰਹੀਆਂ ਸੇਵਾਵਾਂ, ਦਵਾਈਆਂ ਅਤੇ ਹਸਪਤਾਲ ਵਿੱਚ ਮਰੀਜਾਂ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਸਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਹਾਸਲ ਕੀਤੀ। ਇਸ ਉਪਰੰਤ ਫਤਿਹਗੜ੍ਹ ਵਿਖੇ ਪੁਰਾਣੇ ਹਸਪਤਾਲ (ਇਨਡੋਰ ਹਸਪਤਾਲ) ਦਾ ਦੌਰਾ ਵੀ ਕੀਤਾ ਅਤੇ ਹਸਪਤਾਲ ਦੀ ਖਸਤਾ ਹਾਲਤ ਨੂੰ ਸੁਧਾਰਨ ਅਤੇ ਇਸ ਨੂੰ ਦੁਬਾਰਾ ਟੀ ਬੀ ਮਰੀਜਾਂ ਦੇ ਇਲਾਜ ਲਈ ਸ਼ੁਰੂ ਕਰਨ ਲਈ ਸਿਵਲ ਸਰਜਨ ਹੁਸ਼ਿਆਰਪੁਰ ਅਤੇ ਵਧੀਕ ਡਿਪਟੀ ਕਮਿਸ਼ਨਰ (ਜ) ਨਾਲ ਵਿਸਥਾਰਪੂਰਵਕ ਵਿਚਾਰ ਵਟਾਂਦਰਾ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਹਸਪਤਾਲ ਵਿੱਚ ਸੁਧਾਰ ਲਿਆਉਣ ਭਾਰਤ ਸਰਕਾਰ ਦੇ ਸਿਹਤ ਵਿਭਾਗ ਵੱਲੋਂ ਵਿਸੇਸ਼ ਉਪਰਾਲੇ ਕੀਤੇ ਜਾਣਗੇ।

                  ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਤੇ ਡਾ. ਜਮੀਲ ਬਾਲੀ, ਕੌਂਸਲਰ ਮਦਨ ਲਾਲ ਗਾਂਧੀ, ਕੌਂਸਲਰ ਕਰਮਵੀਰ ਬਾਲੀ,  ਸ੍ਰੀਮਤੀ ਤਰਨਜੀਤ ਕੌਰ ਸੇਠੀ, ਰਜਨੀਸ਼ ਟੰਡਨ, ਪੰਡਤ ਓਂਕਾਰ ਨਾਥ, ਮੁਕੇਸ਼ ਡਾਬਰ ਅਤੇ ਰਮਨ ਖੁੱਲਰ ਹਾਜ਼ਰ ਸਨ।

ਪੰਚਾਇਤ ਚੋਣਾਂ ਦਾ ਅਮਲ ਅਮਨ ਅਮਾਨ ਨਾਲ ਮੁਕੰਮਲ : ਰੂਜ਼ਮ

ਹੁਸ਼ਿਆਰਪੁਰ, 3 ਜੁਲਾਈ: ਜ਼ਿਲ੍ਹਾ ਚੋਣਕਾਰ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਸ੍ਰੀ ਵਰੁਣ ਰੂਜ਼ਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹੇ ਵਿੱਚ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ ਪਈਆਂ ਵੋਟਾਂ ਦਾ ਕੰਮ ਅਮਨ-ਅਮਾਨ ਅਤੇ ਸ਼ਾਂਤੀਪੂਰਵਕ ਢੰਗ ਨਾਲ ਨੇਪਰੇ ਚੜ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ  ਗਰਾਮ ਪੰਚਾਇਤਾਂ ਦੀਆਂ ਚੋਣਾਂ ਵਿੱਚ ਕੁਲ  75.93 ਪ੍ਰਤੀਸ਼ਤ ਵੋਟਰਾਂ ਨੇ ਵੋਟਾਂ ਪਾਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਅੱਜ ਸਵੇਰੇ 8-00 ਵਜੇ ਸਾਰੇ ਪੋਲਿੰਗ ਬੂਥਾਂ ਤੇ ਵੋਟਾਂ ਪਾਉਣ ਦਾ ਕੰਮ ਸ਼ੁਰੂ ਹੋਣ ਉਪਰੰਤ ਸਵੇਰੇ 9-00 ਵਜੇ ਤੱਕ ਕੁਲ 10.50 ਪ੍ਰਤੀਸ਼ਤ ਵੋਟਾਂ ਪਈਆਂ ਸਨ, 11-00 ਵਜੇ ਤੱਕ 22.80 ਪ੍ਰਤੀਸ਼ਤ, ਬਾਅਦ ਦੁਪਹਿਰ 1-00 ਵਜੇ ਤੱਕ 41.50 ਪ੍ਰਤੀਸ਼ਤ, 3-00 ਵਜੇ ਤੱਕ 63.40 ਪ੍ਰਤੀਸ਼ਤ ਅਤੇ 4-00 ਵਜੇ ਵੋਟਾਂ ਪੈਣ ਦੀ ਸਮਾਪਤੀ ਤੱਕ ਕੁਲ 75.93  ਪ੍ਰਤੀਸ਼ਤ ਵੋਟਰਾਂ ਨੇ ਵੋਟਾਂ ਪਾਈਆਂ ਹਨ।

                  ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਨੇ ਹੋਰ ਦੱਸਿਆ ਕਿ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ ਬਲਾਕ ਹੁਸ਼ਿਆਰਪੁਰ-1 ਵਿੱਚ 82 ਪ੍ਰਤੀਸ਼ਤ ਵੋਟਾਂ ਪੋਲ ਹੋਈਆਂ ਹਨ। ਇਸੇ ਤਰ੍ਹਾਂ ਬਲਾਕ ਹੁਸ਼ਿਆਰਪੁਰ-2 ਵਿੱਚ 75  ਪ੍ਰਤੀਸ਼ਤ, ਬਲਾਕ ਭੂੰਗਾ ਵਿੱਚ 83 ਪ੍ਰਤੀਸ਼ਤ, ਬਲਾਕ ਮੁਕੇਰੀਆਂ ਵਿੱਚ 70  ਪ੍ਰਤੀਸ਼ਤ, ਬਲਾਕ ਦਸੂਹਾ ਵਿੱਚ 82 ਪ੍ਰਤੀਸ਼ਤ, ਬਲਾਕ ਹਾਜੀਪੁਰ ਵਿੱਚ 70 ਪ੍ਰਤੀਸ਼ਤ, ਬਲਾਕ ਤਲਵਾੜਾ ਵਿੱਚ 70 ਪ੍ਰਤੀਸ਼ਤ, ਬਲਾਕ ਮਾਹਿਲਪੁਰ ਵਿੱਚ  74 ਪ੍ਰਤੀਸ਼ਤ, ਬਲਾਕ ਗੜ੍ਹਸ਼ੰਕਰ 74 ਪ੍ਰਤੀਸ਼ਤ ਅਤੇ ਬਲਾਕ ਟਾਂਡਾ ਵਿੱਚ 79.24 ਪ੍ਰਤੀਸ਼ਤ ਵੋਟਾਂ ਪੋਲ ਹੋਈਆਂ ਹਨ।

ਚੋਣ ਅਮਲੇ ਨੂੰ 4 ਨੂੰ ਛੁੱਟੀ

ਹੁਸ਼ਿਆਰਪੁਰ, 3 ਜੁਲਾਈ: ਜ਼ਿਲ੍ਹਾ ਚੋਣਕਾਰ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਸ੍ਰੀ ਵਰੁਣ ਰੂਜ਼ਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿੱਚ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਸਬੰਧੀ ਲਗਾਏ ਗਏ ਚੋਣ ਅਮਲੇ ਦੀ ਸੁਵਿਧਾ ਨੂੰ ਧਿਆਨ ਵਿੱਚ ਰੱਖਦਿਆਂ  ਹੋਇਆਂ ਚੋਣ ਅਮਲੇ ਨੂੰ ਮਿਤੀ 4 ਜੁਲਾਈ 2013 ਦੀ ਛੁੱਟੀ ਘੋਸ਼ਿਤ ਕੀਤੀ ਗਈ ਹੈ।

ਸ਼ਾਹ ਨਹਿਰ ਵਿੱਚ ਰੁੜ੍ਹੇ ਬੱਚਿਆਂ ਦੀਆਂ ਲਾਸ਼ਾਂ ਮਿਲੀਆਂ

ਤਲਵਾੜਾ, 3 ਜੁਲਾਈ: ਸ਼ਾਹ ਨਹਿਰ ਵਿਚ ਰੁੜ੍ਹੇ ਇੱਕੋ ਪਰਿਵਾਰ ਦੇ ਚਾਰ ਮੈਂਬਰਾਂ ਵਿਚੋਂ ਦੋ ਬੱਚੀਆਂ ਦੀਆਂ ਲਾਸ਼ਾਂ ਨੂੰ ਅੱਜ ਪਾਵਰ ਹਾਉਸ ਨੰਬਰ ਇੱਕ ਦੇ ਗੇਟਾਂ ਬਾਹਰ ਕੱਢਿਆ ਗਿਆ। ਜਿਕਰਯੋਗ ਹੈ ਇਨ੍ਹਾਂ ਬੱਚੀਆਂ ਨੂੰ ਬਚਾਉਣ ਲਈ ਨਹਿਰ ਵਿਚ ਕੁੱਦੇ ਇਨ੍ਹਾਂ ਦੇ ਪਿਤਾ ਕਿਸ਼ਨ ਅਤੇ ਭਰਾ ਵਕੀਲ ਦੀਆਂ ਲਾਸ਼ਾਂ ਅਜੇ ਤੱਕ ਨਹਿਰ ਵਿਚੋਂ ਨਹੀਂ ਮਿਲੀਆਂ ਅਤੇ ਉਨ੍ਹਾਂ ਦੀ ਪੂਰੀ ਸ਼ਿੱਦਤ ਨਾਲ ਭਾਲ ਕੀਤੀ ਜਾ ਰਹੀ ਹੈ।

ਸ਼ਾਹ ਨਹਿਰ ਵਿਚ ਇੱਕੋ ਪਰਿਵਾਰ ਦੇ ਸੱਤ ਜਣੇ ਰੁੜ੍ਹੇ, ਚਾਰ ਦੀ ਮੌਤ

ਤਲਵਾੜਾ, 2 ਜੁਲਾਈ :  ਅੱਜ ਇੱਥੇ ਸ਼ਾਹ ਨਹਿਰ ਦੇ ਕਿਨਾਰੇ ਉਸ ਵੇਲੇ ਹੌਲਨਾਕ ਸਥਿਤੀ ਬਣ ਗਈ ਇੱਕ ਪ੍ਰਮੁੱਖ ਹੋਟਲ ਦੇ ਪਿੱਛੇ  ਝੁੱਗੀਆਂ ਵਿਚ ਰਹਿੰਦੇ ਰਾਜਸਥਾਨੀ ਮੂਲ ਦੇ ਪ੍ਰਵਾਸੀ ਮਜਦੂਰ ਜੋ ਕਬਾੜ ਚੁਗਣ ਦਾ ਕੰਮ ਕਰਦੇ ਸਨ, ਵਿੱਚੋ਼ ਸੱਤ ਜਣੇ ਵੇਖਦੇ ਹੀ ਵੇਖਦੇ ਨਹਿਰ ਵਿਚ ਰੁੜ੍ਹ ਗਏ ਜਿਨ੍ਹਾਂ ਵਿਚੋਂ ਤਿੰਨ ਨੂੰ ਬੜੀ ਜੱਦੋਜਹਿਦ ਨਾਲ ਬਚਾਇਆ ਜਾ ਸਕਿਆ ਪਰੰਤੂ ਨਹਿਰ ਵਿਚ ਡੁੱਬੇ ਬਾਕੀ ਚਾਰਾਂ ਦੀਆਂ ਲਾਸ਼ਾਂ ਵੀ ਖ਼ਬਰ ਲਿਖੇ ਜਾਣ ਤੱਕ ਨਹੀਂ ਮਿਲੀਆਂ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ ਕਿਸ਼ਨ ਦੀ ਸੱਤ ਸਾਲਾ ਪੁੱਤਰੀ ਪਾਰਵਤੀ ਜੋ ਮਾਨਸਿਕ ਤੌਰ ਤੇ
ਬੀਮਾਰ ਦੱਸੀ ਜਾਂਦੀ ਹੈ ਨੇ ਅਚਾਨਕ ਨਹਿਰ ਵਿਚ ਡਿੱਗ ਪਈ ਜਿਸ ਨੂੰ ਬਚਾਉਣ ਲਈ ਚਾਰ ਹੋਰ ਭੈਣ ਭਰਾਵਾਂ ਨੇ ਤੋਂ ਇਲਾਵਾ ਉਸ ਦੇ ਭਰਾ ਵਕੀਲ ( 20 ) ਨੇ ਨਹਿਰ ਵਿਚ ਛਾਲ ਮਾਰੀ ਅਤੇ ਫ਼ਿਰ ਖ਼ੁਦ ਕਿਸ਼ਨ (50) ਵੀ ਨਹਿਰ ਵਿਚ ਕੁੱਦ ਗਿਆ। ਪਰ ਪਾਰਵਤੀ, ਵਕੀਲ, ਕਿਸ਼ਨ ਅਤੇ ਸੁਮਨ (12) ਨਹਿਰ ਵਿਚ ਡੁੱਬ ਗਏ ਜਦਕਿ ਕਿਸ਼ਨ ਦੇ ਬਾਕੀ ਤਿੰਨ ਬੱਚਿਆਂ ਪ੍ਰੇਮ (8), ਰਾਧਾ (9), ਸੇਵੀ (11) ਨੂੰ ਪੁਲਿਸ, ਫਾਇਰ ਬ੍ਰਿਗੇਡ ਅਤੇ ਲੋਕਾਂ ਦੀ ਮਦਦ ਨਾਲ ਬਚਾ ਲਿਆ ਗਿਆ।

ਪੰਚਾਇਤੀ ਚੋਣਾਂ ਲਈ ਜਿਲ੍ਹੇ ਵਿਚ ਬਣੇ 1615 ਬੂਥ : ਰੂਜ਼ਮ

ਹੁਸ਼ਿਆਰਪੁਰ,1 ਜੁਲਾਈ :

                  ਉਨ੍ਹਾਂ ਹੋਰ ਦੱਸਿਆ ਕਿ ਗਰਾਮ ਪੰਚਾਇਤ ਦੀਆਂ ਚੋਣਾਂ ਲਈ ਬਣਾਏ ਗਏ 1615 ਬੂਥਾਂ ਵਿੱਚੋਂ 304 ਬੂਥ ਨਾਜ਼ੁਕ, 29 ਅਤਿ ਨਾਜ਼ੁਕ ਅਤੇ 1282 ਬੂਥ ਸਧਾਰਨ ਘੋਸ਼ਿਤ ਕੀਤੇ ਗਏ ਹਨ ਜਿਨ੍ਹਾਂ ਲਈ ਪੁਲਿਸ ਪ੍ਰਸ਼ਾਸ਼ਨ ਵੱਲੋਂ ਸੁਰੱਖਿਆ ਦੇ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ ਅਤੇ ਇਨ੍ਹਾਂ ਦੀ ਸੁਰੱਖਿਆ ਲਈ ਕੁਲ 4474 ਪੁਲਿਸ ਵਿਭਾਗ ਦੇ ਅਧਿਕਾਰੀ ਤੇ ਕਰਮਚਾਰੀ ਲਗਾਏ ਗਏ ਹਨ। ਉਨ੍ਹਾਂ ਹੋਰ ਦੱਸਿਆ ਕਿ ਜ਼ਿਲ੍ਹੇ ਵਿੱਚ 67 ਮੋਬਾਇਲ ਪਾਰਟੀਆਂ ਸੁਰੱਖਿਆ ਸਬੰਧੀ ਲਗਾਈਆਂ ਗਈਆਂ ਹਨ ਅਤੇ ਚੋਣਾਂ ਵਾਲੇ ਦਿਨ 19 ਇੰਟਰ ਸਟੇਟ ਨਾਕੇ ਅਤੇ 18 ਇੰਟਰ ਡਿਸਟ੍ਰਿਕ ਨਾਕੇ ਲਗਾਏ ਜਾਣਗੇ।

                  ਉਨ੍ਹਾਂ ਦੱਸਿਆ ਕਿ ਚੋਣ ਡਿਊਟੀ ਤੇ ਲਗਾਈਆਂ ਗਈ ਪੋਲਿੰਗ ਪਾਰਟੀਆ ਨੂੰ 2 ਜੁਲਾਈ ਨੂੰ ਚੋਣ ਸਮੱਗਰੀ ਦੇ ਕੇ ਸਬੰਧਤ ਪੋਲਿੰਗ ਬੂਥਾਂ ਤੇ ਰਵਾਨਾ ਕੀਤਾ ਜਾਵੇਗਾ ਅਤੇ 3 ਜੁਲਾਈ ਨੂੰ ਸਵੇਰੇ 8-00 ਵਜੇ ਤੋਂ ਸ਼ਾਮ 4-00 ਵਜੇ ਤੱਕ ਵੋਟਾਂ ਪਾਈਆਂ ਜਾਣਗੀਆਂ। ਵੋਟਾਂ ਦੀ ਸਮਾਪਤੀ ਉਪਰੰਤ ਉਸੇ ਥਾਂ ਤੇ ਹੀ ਵੋਟਾਂ ਦੀ ਗਿਣਤੀ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਗਰਾਮ ਪੰਚਾਇਤਾਂ ਦੀਆਂ ਚੋਣਾਂ ਲਈ ਜ਼ਿਲ੍ਹਾ ਪ੍ਰਸ਼ਾਸ਼ਨ ਅਤੇ ਪੁਲਿਸ ਪ੍ਰਸ਼ਾਸ਼ਨ ਵੱਲੋਂ ਕੀਤੇ ਪੁਖਤਾ ਪ੍ਰਬੰਧਾਂ ਨਾਲ ਚੋਣ ਪ੍ਰਕ੍ਰਿਆ ਸ਼ਾਂਤੀਪੂਰਵਕ ਮੁਕੰਮਲ ਕਰਵਾਈ ਜਾਵੇਗੀ।

  3 ਜੁਲਾਈ ਨੂੰ ਹੋ ਰਹੀਆਂ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ 1615 ਬੂਥ ਬਣਾਏ ਗਏ ਹਨ ਅਤੇ ਚੋਣ ਪ੍ਰਕ੍ਰਿਆ ਨੂੰ ਸਫ਼ਲਤਾਪੂਰਵਕ ਨੇਪਰੇ ਚਾੜਨ ਲਈ 10538 ਕਰਮਚਾਰੀ ਚੋਣ ਡਿਊਟੀ ਤੇ ਲਗਾਏ ਗਏ ਹਨ। ਇਹ ਜਾਣਕਾਰੀ ਜ਼ਿਲ੍ਹਾ ਚੋਣਕਾਰ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਸ੍ਰੀ ਵਰੁਣ ਰੂਜ਼ਮ ਨੇ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹੇ ਦੀਆਂ 1372 ਪੰਚਾਇਤਾਂ ਵਿੱਚੋਂ 166 ਪੰਚਾਇਤਾਂ ਦੀ ਚੋਣ ਸਰਬਸੰਮਤੀ ਨਾਲ ਅਤੇ 37 ਪਿੰਡਾਂ ਦੇ ਸਰਪੰਚ ਸਰਬਸੰਮਤੀ ਨਾਲ ਚੁਣੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹੇ ਦੇ 10 ਬਲਾਕਾਂ ਦੇ ਜੋਨਾਂ ਵਿੱਚ ਲਗਾਏ ਗਏ ਰਿਟਰਨਿੰਗ ਅਤੇ ਸਹਾਇਕ ਰਿਟਰਨਿੰਗ ਅਫ਼ਸਰ ਸੁਪਰਵਾਈਜ਼ਰ ਦੀ ਡਿਊਟੀ ਵੀ ਨਿਭਾਉਣਗੇ।

ਹਥਿਆਰ ਲੈ ਕੇ ਚੱਲਣ ਤੇ ਪਾਬੰਦੀ

ਹੁਸ਼ਿਆਰਪੁਰ,1 ਜੁਲਾਈ  : ਜ਼ਿਲ੍ਹਾ ਮੈਜਿਸਟਰੇਟ ਸ੍ਰੀ ਵਰੁਣ ਰੂਜ਼ਮ ਨੇ ਗਰਾਮ ਪੰਚਾਇਤ ਦੀਆਂ ਚੋਣਾਂ ਨੂੰ ਮੁੱਖ ਰੱਖਦੇ ਹੋਏ ਜ਼ਿਲ੍ਹਾ ਹੁਸ਼ਿਆਰਪੁਰ ਅੰਦਰ ਗਰਾਮ ਪੰਚਾਇਤ ਦੀਆਂ ਚੋਣਾਂ ਨੂੰ ਸ਼ਾਂਤੀਪੂਰਵਕ ਕਰਾਉਣ ਅਤੇ ਕਾਨੂੰਨ ਦੀ ਵਿਵਸਥਾ ਕਾਇਮ ਰੱਖਣ ਲਈ ਜਾਬਤਾ ਫੌਜਦਾਰੀ 1973 ਦੀ ਧਾਰਾ 144 ਅਧੀਨ ਮਿਲੇ ਅਧਿਕਾਰਾਂ ਦੀ ਵਰਤੋਂ ਕਰਦੇ ਹੋਏ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿੱਚ ਕਿਸੇ ਵੀ ਕਿਸਮ ਦਾ ਅਸਲਾ, ਹਥਿਆਰ, ਵਿਸਫੋਟਕ ਸਮੱਗਰੀ, ਕਿਰਪਾਨ, ਕਿਰਚਾ, ਭਾਲੇ, ਟੋਕੇ, ਚਾਕੂ ਆਦਿ ਜਿਸ ਦੀ ਵਰਤੋਂ ਅਮਨ ਅਤੇ ਸ਼ਾਂਤੀ ਭੰਗ ਕਰਨ ਲਈ ਕੀਤੀ ਜਾ ਸਕਦੀ ਹੈ, ਨੂੰ ਮਿਤੀ 03 ਜੁਲਾਈ 2013 ਨੂੰ ਕੈਰੀ ਕਰਨ ਤੇ ਪੂਰਨ ਪਾਬੰਦੀ ਲਗਾ ਦਿੱਤੀ ਹੈ।

                  ਇਹ ਹੁਕਮ ਆਰਮੀ ਪਰਸੋਨਲ, ਪੈਰਾ ਮਿਲਟਰੀ ਫੋਰਸ, ਪੁਲਿਸ ਕਰਮਚਾਰੀਆਂ, ਬੈਂਕ ਸੁਰੱਖਿਆ ਗਾਰਡ ਉਤੇ ਲਾਗੂ ਨਹੀਂ ਹੋਣਗੇ।  ਇਹ ਹੁਕਮ 3 ਜੁਲਾਈ ਤੱਕ ਲਾਗੂ ਰਹਿਣਗੇ।

ਅੱਜ ਦਿੱਤੀ ਜਾਵੇਗੀ ਚੋਣ ਸਮੱਗਰੀ

ਹੁਸ਼ਿਆਰਪੁਰ, 1 ਜੁਲਾਈ: ਵਧੀਕ ਡਿਪਟੀ ਕਮਿਸ਼ਨਰ-ਕਮ-ਵਧੀਕ ਜ਼ਿਲ੍ਹਾ ਚੋਣਕਾਰ ਅਫਸਰ ਹਰਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਗਰਾਮ ਪੰਚਾਇਤਾਂ ਦੀਆਂ 3 ਜੁਲਾਈ ਨੂੰ ਹੋਣ ਵਾਲੀਆਂ ਆਮ ਚੋਣਾਂ ਲਈ ਚੋਣ ਡਿਊਟੀ ਤੇ ਲਗਾਏ ਗਏ ਸਟਾਫ਼ ਨੂੰ 2 ਜੁਲਾਈ 2013 ਨੂੰ ਸਵੇਰੇ 10-00  ਵਜੇ ਵੱਖ-ਵੱਖ ਬਲਾਕਾਂ ਵਿੱਚ ਚੋਣ ਸਮੱਗਰੀ ਦਿੱਤੀ ਜਾਵੇਗੀ ਅਤੇ 3 ਜੁਲਾਈ ਨੂੰ ਚੋਣ ਪ੍ਰਕ੍ਰਿਆ ਪੂਰੀ ਹੋਣ ਉਪਰੰਤ ਚੋਣ ਸਮੱਗਰੀ ਵਾਪਸ ਲਈ ਜਾਵੇਗੀ।  ਉਨ੍ਹਾਂ ਦੱਸਿਆ ਕਿ 2 ਜੁਲਾਈ ਨੂੰ ਬਲਾਕ ਹੁਸ਼ਿਆਰਪੁਰ-1 ਦੀ ਚੋਣ ਸਮੱਗਰੀ  ਪੰਡਤ ਜਗਤ ਰਾਮ ਪੌਲੀਟੈਕਨਿਕ ਕਾਲਜ ਹੁਸ਼ਿਆਰਪੁਰ ਵਿਖੇ  ਦਿੱਤੀ ਜਾਵੇਗੀ। ਹੁਸ਼ਿਆਰਪੁਰ ਬਲਾਕ-2 ਦੀ ਚੋਣ ਸਮੱਗਰੀ ਸਰਕਾਰੀ ਕਾਲਜ ਹੁਸ਼ਿਆਰਪੁਰ, ਬਲਾਕ ਭੂੰਗਾ ਦੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਭੂੰਗਾ, ਬਲਾਕ ਟਾਂਡਾ ਦੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੇ) ਟਾਂਡਾ ਵਿਖੇ, ਬਲਾਕ ਦਸੂਹਾ ਦੀ ਗੁਰੂ ਤੇਗ ਬਹਾਦਰ ਖਾਲਸਾ ਕਾਲਜ ਦਸੂਹਾ , ਬਲਾਕ ਮੁਕੇਰੀਆਂ ਐਸ ਪੀ ਐਨ ਕਾਲਜ ਮੁਕੇਰੀਆਂ, ਬਲਾਕ ਹਾਜੀਪੁਰ ਦੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਹਾਜੀਪੁਰ, ਬਲਾਕ ਤਲਵਾੜਾ ਦੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੇ ਸੈਕਟਰ-1 ਤਲਵਾੜਾ, ਬਲਾਕ ਮਾਹਿਲਪੁਰ ਦੀ ਸ੍ਰੀ ਗੁਰੂ ਗੋਬਿੰਦ ਸਿੰਘ ਖਾਲਸਾ ਕਾਲਜ ਮਾਹਿਲਪੁਰ ਵਿਖੇ ਅਤੇ ਬਲਾਕ ਗੜ੍ਹਸ਼ੰਕਰ ਦੀ ਬੀ ਏ ਐਮ ਖਾਲਸਾ ਕਾਲਜ ਗੜ੍ਹਸ਼ੰਕਰ ਵਿਖੇ ਚੋਣ ਸਮੱਗਰੀ ਦਿੱਤੀ  ਜਾਵੇਗੀ। 

ਚੋਣਾਂ ਵਾਲੇ ਦਿਨ ਬੰਦ ਰਹਿਣਗੇ ਠੇਕੇ

ਹੁਸ਼ਿਆਰਪੁਰ, 1 ਜੁਲਾਈ: ਜ਼ਿਲ੍ਹਾ ਮੈਜਿਸਟਰੇਟ ਸ੍ਰੀ ਵਰੁਣ ਰੂਜ਼ਮ ਨੇ ਗਰਾਮ ਪੰਚਾਇਤਾਂ ਦੀਆਂ ਚੋਣਾਂ ਨੂੰ ਮੁੱਖ ਰੱਖਦੇ ਹੋਏ ਪੰਜਾਬ ਐਕਸਾਈਜ ਐਕਟ 1914 ਦੀ ਧਾਰਾ 54 ਤਹਿਤ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡਾਂ ਦੇ ਪੋਲਿੰਗ ਏਰੀਏ ਵਿੱਚ,  ਗਰਾਮ ਪੰਚਾਇਤ ਦੀ ਰੈਵਨਿਊ ਹੱਦ ਅੰਦਰ ਅੰਗਰੇਜੀ ਅਤੇ ਦੇਸੀ ਸ਼ਰਾਬ ਦੇ ਠੇਕੇ 3 ਜੁਲਾਈ 2013 ਨੂੰ ਬੰਦ ਰੱਖਣ ਦੇ ਹੁਕਮ ਜਾਰੀ ਕੀਤੇ ਹਨ ਅਤੇ ਇਸ ਦਿਨ ਨੂੰ ਡਰਾਈ ਡੇ ਘੋਸ਼ਿਤ ਕੀਤਾ ਹੈ। ਇਸ ਸਮੇਂ ਦੌਰਾਨ ਰੈਸਟੋਰੈਂਟ, ਅਹਾਤਾ, ਹੋਟਲ, ਕਲੱਬ ਅਤੇ ਢਾਬਾ ਆਦਿ ਥਾਵਾਂ ਤੇ ਬਿਨਾਂ ਲਾਇਸੈਂਸ ਤੋ ਸ਼ਰਾਬ ਦਾ ਭੰਡਾਰ ਨਹੀਂ ਕਰੇਗਾ ਅਤੇ ਨਾ ਹੀ ਸ਼ਰਾਬ ਵੇਚੇਗਾ।

ਪੰਚਾਇਤ ਚੋਣਾਂ : 5197 ਵਿੱਚੋਂ 30 ਨਾਮਜਦਗੀ ਪੱਤਰ ਰੱਦ

ਹੁਸ਼ਿਆਰਪੁਰ, 25 ਜੂਨ:

ਡਿਪਟੀ ਕਮਿਸ਼ਨਰ-ਕਮ-ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਸ੍ਰੀ ਵਰੁਣ ਰੂਜ਼ਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ 3 ਜੁਲਾਈ ਨੂੰ ਹੋ ਰਹੀਆਂ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ 19 ਜੂਨ ਤੋਂ 22 ਜੂਨ ਤੱਕ ਸਰਪੰਚਾਂ ਲਈ ਪ੍ਰਾਪਤ ਹੋਏ ਕੁਲ 5197  ਨਾਮਜਦਗੀ ਪੱਤਰਾਂ ਦੀ ਪੜਤਾਲ ਉਪਰੰਤ 30 ਨਾਮਜਦਗੀ ਪੱਤਰ ਰੱਦ ਹੋਏ ਹਨ ਜਿਨ੍ਹਾਂ ਵਿੱਚ ਬਲਾਕ ਹੁਸਿਆਰਪੁਰ-1 ਵਿੱਚ 1, ਬਲਾਕ ਹੁਸ਼ਿਆਰਪੁਰ-2 ਵਿੱਚ 2, ਬਲਾਕ ਭੂੰਗਾ ਵਿੱਚ 5, ਬਲਾਕ ਦਸੂਹਾ ਵਿੱਚ 1, ਬਲਾਕ ਮੁਕੇਰੀਆਂ ਵਿੱਚ 5, ਬਲਾਕ ਹਾਜੀਪੁਰ ਵਿੱਚ 8, ਬਲਾਕ ਤਲਵਾੜਾ ਵਿੱਚ 5 ਅਤੇ ਬਲਾਕ ਮਾਹਿਲਪੁਰ ਵਿੱਚ 3 ਨਾਮਜਦਗੀ ਪੱਤਰ ਰੱਦ ਹੋਏ ਹਨ। ਇਸੇ ਤਰ੍ਹਾਂ ਪੰਚਾਂ ਦੀ ਚੋਣ ਲਈ ਪ੍ਰਾਪਤ ਹੋਈਆਂ ਕੁਲ 15527 ਨਾਮਜਦਗੀਆਂ ਵਿੱਚੋਂ 148 ਨਾਮਜਦਗੀ ਪੱਤਰ ਰੱਦ ਹੋਏ ਹਨ ਜਿਨ੍ਹਾਂ ਵਿੱਚ ਬਲਾਕ ਹੁਸ਼ਿਆਰਪੁਰ-1 ਵਿੱਚ 10, ਬਲਾਕ ਹੁਸ਼ਿਆਰਪੁਰ-2 ਵਿੱਚ 5, ਬਲਾਕ ਭੂੰਗਾ ਵਿੱਚ 5, ਬਲਾਕ ਟਾਂਡਾ ਵਿੱਚ 40, ਬਲਾਕ ਦਸੂਹਾ ਵਿੱਚ 17, ਬਲਾਕ ਮੁਕੇਰੀਆਂ ਵਿੱਚ 22, ਬਲਾਕ ਹਾਜੀਪੁਰ ਵਿੱਚ 20, ਬਲਾਕ ਤਲਵਾੜਾ ਵਿੱਚ 13, ਬਲਾਕ ਮਾਹਿਲਪੁਰ ਵਿੱਚ 12 ਅਤੇ ਬਲਾਕ ਗੜ੍ਹਸ਼ੰਕਰ ਵਿੱਚ 4 ਨਾਮਜਦਗੀ ਪੱਤਰ ਰੱਦ ਹੋਏ ਹਨ।

ਪੰਚਾਇਤੀ ਚੋਣਾਂ ਦੇ ਪ੍ਰਬੰਧ ਸਬੰਧੀ ਜਾਇਜ਼ਾ ਲਿਆ

ਹੁਸ਼ਿਆਰਪੁਰ, 25 ਜੂਨ: ਜ਼ਿਲ੍ਹੇ ਵਿੱਚ ਹੋਣ ਵਾਲੀਆਂ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਦੀ ਤਿਆਰੀ ਸਬੰਧੀ ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਮੀਟਿੰਗ ਹਾਲ ਵਿਖੇ ਇੱਕ ਵਿਸ਼ੇਸ਼ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ ਜਿਸ ਦੀ ਪ੍ਰਧਾਨਗੀ ਡਿਪਟੀ ਕਮਿਸ਼ਨਰ-ਕਮ-ਜਿਲ੍ਹਾ ਚੋਣਕਾਰੀ ਅਫ਼ਸਰ ਵਰੁਣ ਰੂਜ਼ਮ ਨੇ ਕੀਤੀ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਰਾਜ ਚੋਣ ਕਮਿਸ਼ਨ ਵੱਲੋਂ ਗਰਾਮ ਪੰਚਾਇਤਾਂ ਦੇ ਸਰਪੰਚਾਂ ਅਤੇ ਪੰਚਾਂ ਦੀਆਂ ਆਮ ਚੋਣਾਂ 3 ਜੁਲਾਈ 2013 ਨੂੰ ਕਰਵਾਈਆਂ ਜਾਣਗੀਆਂ।

                  ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਵਰੁਣ ਰੂਜ਼ਮ ਨੇ ਮੀਟਿੰਗ ਵਿੱਚ ਹਾਜਰ ਸਬੰਧਤ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਵੋਟਾਂ ਪਾਉਣ ਲਈ ਬਣਾਏ ਗਏ ਸਾਰੇ ਪੋਲਿੰਗ ਸਟੇਸ਼ਨਾਂ ਦੀ ਹਰ ਪੱਖੋਂ ਚੈਕਿੰਗ ਕਰ ਲਏ ਜਾਵੇ ਅਤੇ ਨਾਜ਼ੁਕ ਤੇ ਅਤਿ ਨਾਜ਼ੁਕ ਪੋਲਿੰਗ ਸਟੇਸ਼ਨਾਂ ਤੇ ਸੁਰੱਖਿਆ ਦੇ ਪ੍ਰਬੰਧ ਯਕੀਨੀ ਬਣਾਏ ਜਾਣ।  ਉਨ੍ਹਾਂ ਰਿਟਰਨਿੰਗ ਅਤੇ ਸਹਾਇਕ ਰਿਟਰਨਿੰਗ ਅਧਿਕਾਰੀਆਂ ਨੂੰ ਕਿਹਾ ਕਿ ਚੋਣਾਂ ਸਬੰਧੀ ਪੋਲਿੰਗ ਸਟਾਫ਼ ਆਦਿ ਦੇ ਪ੍ਰਬੰਧ ਵੀ ਸਮੇਂ ਸਿਰ ਕਰ ਲਏ ਜਾਣ ਅਤੇ ਚੋਣ ਡਿਊਟੀ ਤੇ ਲਗਾਏ ਗਏ ਸਟਾਫ਼ ਨੂੰ ਚੋਣਾਂ ਦੀ ਰਿਹਸਲ ਸਮੇਂ ਵੋਟਾਂ ਦੀ ਗਿਣਤੀ ਸਬੰਧੀ ਵੀ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਜਾਵੇ। ਉਨ੍ਹਾਂ ਕਿਹਾ ਕਿ ਵੋਟਾਂ ਪਾਉਣ ਸਬੰਧੀ ਬੈਲਟ ਪੇਪਰਾਂ ਦੀ ਛਪਾਈ ਕਰਵਾਈ ਜਾਵੇ। ਪੋਲਿੰਗ ਸਟਾਫ਼ ਨੂੰ ਵਾਹਨਾਂ ਰਾਹੀਂ ਪੋਲਿੰਗ ਸਟੇਸ਼ਨ ਤੇ ਲਿਜਾਉਣ, ਲਿਆਉਣ ਅਤੇ ਚੋਣ ਸਮੱਗਰੀ ਜਮ੍ਹਾਂ ਕਰਾਉਣ ਉਪਰੰਤ ਪੋਲਿੰਗ ਸਟਾਫ਼ ਨੂੰ ਛੱਡਣ ਲਈ ਲਈ ਵਾਹਨਾਂ ਦਾ ਪ੍ਰਬੰਧ  ਸਮੇਂ ਸਿਰ ਕਰ ਲਿਆ ਜਾਵੇ। ਉਨ੍ਹਾਂ ਸਬੰਧਤ ਅਧਿਕਾਰੀਆਂ ਨੂੰ ਕਿਹਾ ਕਿ ਚੋਣਾਂ ਦੌਰਾਨ ਚੋਣ ਖੇਤਰਾਂ ਵਿੱਚ ਪੰਜਾਬ ਰਾਜ ਚੋਣ ਕਮਿਸ਼ਨ ਵੱਲੋਂ ਲਾਗੂ ਕੀਤੇ ਗਏ ਚੋਣ ਜ਼ਾਬਤੇ ਨੂੰ ਸਖਤੀ ਨਾਲ ਅਮਲ ਵਿੱਚ ਲਿਆਂਦਾ  ਜਾਵੇ।

                  ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ)-ਕਮ-ਵਧੀਕ ਜ਼ਿਲ੍ਹਾ ਚੋਣ ਅਫ਼ਸਰ ਹਰਬੀਰ ਸਿੰਘ, ਸਹਾਇਕ ਕਮਿਸ਼ਨਰ (ਜ) ਪਰਮਦੀਪ ਸਿੰਘ, ਜ਼ਿਲ੍ਹਾ ਵਿਕਾਸ ਤੇ ਪੰਚਾਇਤ ਅਫਸਰ ਸਰਬਜੀਤ ਸਿੰਘ ਵਾਲੀਆ, ਐਸ ਡੀ ਐਮ ਹੁਸ਼ਿਆਰਪੁਰ ਕੈਪਟਨ ਕਰਨੈਲ ਸਿੰਘ, ਐਸ ਡੀ ਐਮ ਗੜ੍ਹਸ਼ੰਕਰ, ਰਣਜੀਤ ਕੌਰ, ਐਸ ਡੀ ਐਮ ਦਸੂਹਾ ਬਰਜਿੰਦਰ ਸਿੰਘ, ਐਸ ਡੀ ਐਮ ਮੁਕੇਰੀਆਂ ਰਾਹੁਲ ਚਾਬਾ, ਜ਼ਿਲ੍ਹਾ ਟਰਾਂਸਪੋਰਟ ਅਫ਼ਸਰ ਪੀ.ਐਸ.ਗਿੱਲ,  ਤਹਿਸੀਲਦਾਰ ਚੋਣਾਂ ਕਰਨੈਲ ਸਿੰਘ, ਪ੍ਰੋਜੈਕਟ ਅਫ਼ਸਰ ਭੂਸ਼ਨ ਸ਼ਰਮਾ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸ) ਸੁਖਵਿੰਦਰ ਕੌਰ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਐਲੀ:) ਰਾਮ ਪਾਲ ਸਿੰਘ, ਸਮੂਹ ਰਿਟਰਨਿੰਗ ਤੇ ਸਹਾਇਕ ਰਿਟਰਟਿੰਗ ਅਫ਼ਸਰ  ਅਤੇ ਸਬੰਧਤ ਅਧਿਕਾਰੀ ਇਸ ਮੀਟਿੰਗ ਵਿੱਚ ਹਾਜ਼ਰ ਸਨ।

ਪੰਚਾਇਤ ਚੋਣਾਂ : ਪਹਿਲੀ ਰਿਹਸਲ 26 ਨੂੰ

ਹੁਸ਼ਿਆਰਪੁਰ, 24  ਜੂਨ:

ਵਧੀਕ ਡਿਪਟੀ ਕਮਿਸ਼ਨਰ-ਕਮ-ਵਧੀਕ ਜ਼ਿਲ੍ਹਾ ਚੋਣਕਾਰ ਅਫਸਰ ਹਰਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ ਚੋਣ ਡਿਊਟੀ ਤੇ ਲਗਾਏ ਗਏ ਸਟਾਫ਼ ਦੀ ਪਹਿਲੀ ਰਿਹਸਲ 26 ਜੂਨ ਅਤੇ ਦੂਜੀ ਰਿਹਸਲ 30 ਜੂਨ ਨੂੰ ਕਰਵਾਈ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ 26 ਜੂਨ ਨੂੰ ਕਰਵਾਈ ਜਾਣ ਵਾਲੀ ਰਿਹਸਲ ਵਿੱਚ ਬਲਾਕ ਹੁਸ਼ਿਆਰਪੁਰ-1 ਦੀ ਰਿਹਸਲ  ਸਵੇਰੇ 10-00 ਵਜੇ ਪੰਡਤ ਜਗਤ ਰਾਮ ਪੌਲੀਟੈਕਨਿਕ ਕਾਲਜ ਹੁਸ਼ਿਆਰਪੁਰ ਵਿਖੇ ਕਰਵਾਈ ਜਾਵੇਗੀ। ਹੁਸ਼ਿਆਰਪੁਰ ਬਲਾਕ-2 ਦੀ ਰਿਹਸਲ ਸਵੇਰੇ 10-00 ਵਜੇ ਸਰਕਾਰੀ ਕਾਲਜ ਹੁਸ਼ਿਆਰਪੁਰ, ਬਲਾਕ ਭੂੰਗਾ ਦੀ ਰਿਹਸਲ ਸਵੇਰੇ 10-00 ਵਜੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਭੂੰਗਾ, ਬਲਾਕ ਟਾਂਡਾ ਦੀ ਰਿਹਸਲ ਦੁਪਹਿਰ ਬਾਅਦ 2-00 ਵਜੇ ਰੀਤ ਫਾਰਮ, ਸਾਹਮਣੇ ਜੂਡੀਸ਼ੀਅਲ ਕੰਪਲੈਕਸ ਦਸੂਹਾ ਨਜਦੀਕ ਦਰਸ਼ਨ ਅਕੈਡਮੀ ਦਸੂਹਾ, ਬਲਾਕ ਦਸੂਹਾ ਦੀ ਰਿਹਸਲ ਸਵੇਰੇ 10-00 ਵਜੇ ਰੀਤ ਫਾਰਮ, ਸਾਹਮਣੇ ਜੂਡੀਸ਼ੀਅਲ ਕੰਪਲੈਕਸ ਦਸੂਹਾ ਨਜਦੀਕ ਦਰਸ਼ਨ ਅਕੈਡਮੀ ਦਸੂਹਾ, ਬਲਾਕ ਮੁਕੇਰੀਆਂ ਅਤੇ ਬਲਾਕ ਹਾਜੀਪੁਰ ਦੀ ਰਿਹਸਲ ਸਵੇਰੇ 9-30 ਵਜੇ ਐਸ ਪੀ ਐਨ ਕਾਲਜ ਮੁਕੇਰੀਆਂ, ਬਲਾਕ ਤਲਵਾੜਾ ਦੀ ਰਿਹਸਲ ਬਾਅਦ ਦੁਪਹਿਰ 1-30 ਵਜੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੇ ਸੈਕਟਰ-1 ਤਲਵਾੜਾ, ਬਲਾਕ ਮਾਹਿਲਪੁਰ ਦੀ ਰਿਹਸਲ ਬਾਅਦ ਦੁਪਹਿਰ 2-00 ਵਜੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਖਾਲਸਾ ਕਾਲਜ ਮਾਹਿਲਪੁਰ ਵਿਖੇ ਅਤੇ ਬਲਾਕ ਗੜ੍ਹਸ਼ੰਕਰ ਦੀ ਰਿਹਸਲ ਸਵੇਰੇ 10-00 ਵਜੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਖਾਲਸਾ ਕਾਲਜ ਮਾਹਿਲਪੁਰ ਵਿਖੇ ਕਰਵਾਈ ਜਾਵੇਗੀ।  ਉਨ੍ਹਾਂ ਚੋਣ ਡਿਊਟੀ ਤੇ ਲਗਾਏ ਗਏ ਸਾਰੇ ਕਰਮਚਾਰੀਆਂ ਨੂੰ ਹਦਾਇਤ ਕੀਤੀ ਕਿ ਉਹ ਸਮੇਂ ਸਿਰ ਆਪਣੀ ਰਿਹਸਲ ਵਾਲੀ ਥਾਂ ਤੇ ਪਹੁੰਚਣ।

ਪੰਚਾਇਤ ਚੋਣਾਂ : ਸਰਪੰਚੀ ਲਈ 5193 ਨਾਮਜਦਗੀ ਦਾਖ਼ਲ

ਹੁਸ਼ਿਆਰਪੁਰ, 24  ਜੂਨ: ਡਿਪਟੀ ਕਮਿਸ਼ਨਰ-ਕਮ-ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਸ੍ਰੀ ਵਰੁਣ ਰੂਜ਼ਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿੱਚ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ 19 ਜੂਨ ਤੋਂ 22 ਜੂਨ ਤੱਕ ਸਰਪੰਚਾਂ ਲਈ ਕੁਲ 5193  ਨਾਮਜਦਗੀ ਪੱਤਰ ਪ੍ਰਾਪਤ ਹੋਏ ਹਨ। ਜਿਨ੍ਹਾਂ ਵਿੱਚ 2525 ਜਨਰਲ, 1001 ਇਸਤਰੀ, 1151 ਅਨੁਸੂਚਿਤ ਜਾਤੀ ਅਤੇ 516 ਅਨੁਸੂਚਿਤ ਜਾਤੀ (ਇਸਤਰੀ) ਵਰਗ ਨਾਲ ਸਬੰਧਤ ਹਨ। ਇਸੇ ਤਰ੍ਹਾਂ ਪੰਚਾਂ ਦੀ ਚੋਣ ਲਈ ਕੁਲ 15531 ਨਾਮਜਦਗੀ ਪੱਤਰ ਪ੍ਰਾਪਤ ਹੋਏ ਹਨ ਜਿਨ੍ਹਾਂ ਵਿੱਚ 5690  ਜਨਰਲ, 3660 ਇਸਤਰੀ, 3757 ਅਨੁਸੂਚਿਤ ਜਾਤੀ, 1652 ਅਨੁਸੂਚਿਤ ਜਾਤੀ (ਇਸਤਰੀ) ਅਤੇ 772 ਪੱਛੜੀਆਂ ਸ਼੍ਰੇਣੀਆਂ ਨਾਲ ਸਬੰਧਤ ਹਨ।

                   ਉਨ੍ਹਾਂ ਹੋਰ ਦੱਸਿਆ ਕਿ ਸਰਪੰਚਾਂ ਲਈ ਜੋ ਨਾਮਜ਼ਦਗੀ ਪੱਤਰ ਪ੍ਰਾਪਤ ਹੋਏ ਹਨ, ਉਨ੍ਹਾਂ ਵਿੱਚ ਹੁਸ਼ਿਆਰਪੁਰ ਬਲਾਕ-1 ਵਿੱਚ 234 ਜਨਰਲ, 100 ਇਸਤਰੀ, 207 ਅਨੁਸੂਚਿਤ ਜਾਤੀ, 89 ਅਨੁਸੂਚਿਤ ਜਾਤੀ (ਇਸਤਰੀ), ਹੁਸ਼ਿਆਰਪੁਰ ਬਲਾਕ-2 ਵਿੱਚ 183 ਜਨਰਲ, 71 ਇਸਤਰੀ, 147 ਅਨੁਸੂਚਿਤ ਜਾਤੀ, 69 ਅਨੁਸੂਚਿਤ ਜਾਤੀ ਇਸਤਰੀ,  ਬਲਾਕ ਭੂੰਗਾ ਵਿੱਚ 321 ਜਨਰਲ, 114 ਇਸਤਰੀ, 166 ਅਨੁਸੂਚਿਤ ਜਾਤੀ, 73 ਅਨੁਸੂਚਿਤ ਜਾਤੀ (ਇਸਤਰੀ), ਟਾਂਡਾ ਬਲਾਕ ਵਿੱਚ 202 ਜਨਰਲ, 92 ਇਸਤਰੀ, 87 ਅਨੁਸੂਚਿਤ ਜਾਤੀ, 35 ਅਨੁਸੂਚਿਤ ਜਾਤੀ (ਇਸਤਰੀ), ਦਸੂਹਾ ਬਲਾਕ ਵਿੱਚ 315 ਜਨਰਲ, 124 ਇਸਤਰੀ, 98 ਅਨੁਸੂਚਿਤ ਜਾਤੀ, 53 ਅਨੁਸੂਚਿਤ ਜਾਤੀ (ਇਸਤਰੀ),  ਮੁਕੇਰੀਆਂ ਬਲਾਕ ਵਿੱਚ 282 ਜਨਰਲ, 109 ਇਸਤਰੀ, 73 ਅਨੁਸੂਚਿਤ ਜਾਤੀ, 41 ਅਨੁਸੂਚਿਤ ਜਾਤੀ (ਇਸਤਰੀ),  ਹਾਜੀਪੁਰ ਬਲਾਕ ਵਿੱਚ 245 ਜਨਰਲ, 98 ਇਸਤਰੀ, 70 ਅਨੁਸੂਚਿਤ ਜਾਤੀ, 19 ਅਨੁਸੂਚਿਤ ਜਾਤੀ (ਇਸਤਰੀ),  ਤਲਵਾੜਾ ਬਲਾਕ ਵਿੱਚ 313 ਜਨਰਲ, 120 ਇਸਤਰੀ, 34 ਅਨੁਸੂਚਿਤ ਜਾਤੀ, 14 ਅਨੁਸੂਚਿਤ ਜਾਤੀ (ਇਸਤਰੀ),  ਮਾਹਿਲਪੁਰ ਬਲਾਕ ਵਿੱਚ 199 ਜਨਰਲ, 84 ਇਸਤਰੀ, 141 ਅਨੁਸੂਚਿਤ ਜਾਤੀ, 67 ਅਨਸੂਚਿਤ ਜਾਤੀ (ਇਸਤਰੀ), ਗੜ੍ਹਸ਼ੰਕਰ ਬਲਾਕ ਵਿੱਚ 231 ਜਨਰਲ, 89 ਇਸਤਰੀ, 128 ਅਨੁਸੂਚਿਤ ਜਾਤੀ ਅਤੇ 56 ਅਨੁਸੂਚਿਤ ਜਾਤੀ (ਇਸਤਰੀ) ਨਾਲ ਸਬੰਧਤ ਹਨ।

                  ਡਿਪਟੀ ਕਮਿਸ਼ਨਰ-ਕਮ-ਜਿਲ੍ਹਾ ਚੋਣਕਾਰ ਅਫ਼ਸਰ ਨੇ ਹੋਰ ਦੱਸਿਆ ਕਿ 19 ਜੂਨ ਤੋਂ 22 ਜੂਨ ਤੱਕ ਪੰਚਾਂ ਦੀਆਂ ਚੋਣਾਂ ਲਈ ਜੋ ਨਾਮਜਦਗੀ ਪੱਤਰ ਪ੍ਰਾਪਤ ਹੋਏ ਹਨ, ਉਨ੍ਹਾਂ ਵਿੱਚ ਹੁਸ਼ਿਆਰਪੁਰ ਬਲਾਕ-1 ਵਿੱਚ 654 ਜਨਰਲ, 426 ਇਸਤਰੀ, 624 ਅਨੁਸੂਚਿਤ ਜਾਤੀ, 286 ਅਨੁਸੂਚਿਤ ਜਾਤੀ (ਇਸਤਰੀ),23 ਪੱਛੜੀਆਂ ਸ਼੍ਰੇਣੀਆਂ,  ਹੁਸ਼ਿਆਰਪੁਰ ਬਲਾਕ-2 ਵਿੱਚ 502 ਜਨਰਲ, 256 ਇਸਤਰੀ, 506 ਅਨੁਸੂਚਿਤ ਜਾਤੀ, 222 ਅਨੁਸੂਚਿਤ ਜਾਤੀ (ਇਸਤਰੀ), 20 ਪੱਛੜੀਆਂ ਸ਼੍ਰੇਣੀਆਂ,  ਭੂੰਗਾ ਬਲਾਕ ਵਿੱਚ 613 ਜਨਰਲ, 384 ਇਸਤਰੀ, 527 ਅਨੁਸੂਚਿਤ ਜਾਤੀ, 239 ਅਨੁਸੂਚਿਤ ਜਾਤੀ (ਇਸਤਰੀ), 25 ਪੱਛੜੀਆਂ ਸ਼੍ਰੇਣੀਆਂ, ਟਾਂਡਾ ਬਲਾਕ ਵਿੱਚ 689 ਜਨਰਲ, 399 ਇਸਤਰੀ, 290 ਅਨੁਸੂਚਿਤ ਜਾਤੀ, 148 ਅਨੁਸੂਚਿਤ ਜਾਤੀ (ਇਸਤਰੀ), 118 ਪੱਛੜੀਆਂ ਸ਼੍ਰੇਣੀਆਂ, ਦਸੂਹਾ ਬਲਾਕ ਵਿੱਚ 624 ਜਨਰਲ, 467 ਇਸਤਰੀ, 343 ਅਨੁਸੂਚਿਤ ਜਾਤੀ, 173 ਅਨੁਸੂਚਿਤ ਜਾਤੀ (ਇਸਤਰੀ), 134 ਪੱਛੜੀਆਂ ਸ਼੍ਰੇਣੀਆਂ,  ਮੁਕੇਰੀਆਂ ਬਲਾਕ ਵਿੱਚ 613 ਜਨਰਲ, 472  ਇਸਤਰੀ, 233 ਅਨੁਸੁਚਿਤ ਜਾਤੀ, 83 ਅਨੁਸੂਚਿਤ ਜਾਤੀ (ਇਸਤਰੀ), 163 ਪੱਛੜੀਆਂ ਸ਼੍ਰੇਣੀਆਂ, ਹਾਜੀਪੁਰ ਬਲਾਕ ਵਿੱਚ 357 ਜਨਰਲ, 284 ਇਸਤਰੀ, 148 ਅਨੁਸੂਚਿਤ ਜਾਤੀ, 70 ਅਨੁਸੂਚਿਤ ਜਾਤੀ (ਇਸਤਰੀ), 104 ਪੱਛੜੀਆਂ ਸ਼੍ਰੇਣੀਆਂ, ਤਲਵਾੜਾ ਬਲਾਕ ਵਿੱਚ 391 ਜਨਰਲ, 343 ਇਸਤਰੀ, 144 ਅਨੁਸੂਚਿਤ ਜਾਤੀ, 21 ਅਨੁਸੂਚਿਤ ਜਾਤੀ (ਇਸਤਰੀ), 114 ਪੱਛੜੀਆਂ ਸ਼੍ਰੇਣੀਆਂ, ਮਾਹਿਲਪੁਰ ਬਲਾਕ ਵਿੱਚ 581 ਜਨਰਲ, 319 ਇਸਤਰੀ, 525 ਅਨੁਸੂਚਿਤ ਜਾਤੀ, 222 ਅਨੁਸੂਚਿਤ ਜਾਤੀ (ਇਸਤਰੀ), 17  ਪੱਛੜੀ ਸ਼੍ਰੇਣੀ ਅਤੇ ਗੜ੍ਹਸ਼ੰਕਰ ਬਲਾਕ ਵਿੱਚ 666 ਜਨਰਲ, 310 ਇਸਤਰੀ, 417 ਅਨੁਸੂਚਿਤ ਜਾਤੀ, 188 ਅਨੁਸੂਚਿਤ ਜਾਤੀ (ਇਸਤਰੀ) ਅਤੇ 54 ਪੱਛੜੀਆਂ ਸ਼੍ਰੇਣੀਆਂ ਨਾਲ ਸਬੰਧਤ ਹਨ।  ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹੇ ਵਿੱਚ ਗਰਾਮ ਪੰਚਾਇਤਾਂ ਦੀਆਂ ਚੋਣਾਂ ਲਈ ਦਾਖਲ ਕੀਤੇ ਗਏ ਨਾਮਜਦਗੀ ਪੱਤਰ 25 ਜੂਨ ਤੱਕ ਵਾਪਸ ਲਏ ਜਾ ਸਕਣਗੇ।

ਪੰਚਾਇਤੀ ਚੋਣਾਂ ਦਾ ਅਮਲ ਸ਼ੁ੍ਰੂ

ਹੁਸ਼ਿਆਰਪੁਰ, 20 ਜੂਨ: ਡਿਪਟੀ ਕਮਿਸ਼ਨਰ-ਕਮ-ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਸ੍ਰੀ ਵਰੁਣ ਰੂਜ਼ਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿੱਚ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ ਨਾਮਜਦਗੀ ਪੱਤਰ ਲੈਣ ਦਾ ਕੰਮ 19 ਜੂਨ 2013 ਤੋਂ ਸ਼ੁਰੂ ਹੋ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ 19 ਜੂਨ ਤੱਕ ਸਰਪੰਚਾਂ ਲਈ 10 ਨਾਮਜ਼ਦਗੀ ਪੱਤਰ ਪ੍ਰਾਪਤ ਹੋਏ ਹਨ ਜਿਨ੍ਹਾਂ ਵਿੱਚ 9 ਜਨਵਰੀ ਅਤੇ 1 ਅਨੁਸੂਚਿਤ ਜਾਤੀ (ਇਸਤਰੀ) ਵਰਗ ਨਾਲ ਸਬੰਧਤ ਹੈ। ਇਸੇ ਤਰ੍ਹਾਂ ਪੰਚਾਂ ਦੀ ਚੋਣ ਲਈ ਕੁਲ 33 ਨਾਮਜਦਗੀ ਪੱਤਰ ਪ੍ਰਾਪਤ ਹੋਏ ਹਨ ਜਿਨ੍ਹਾਂ ਵਿੱਚ 12 ਜਨਰਲ, 14 ਇਸਤਰੀ, 4 ਅਨੁਸੂਚਿਤ ਜਾਤੀ, 3 ਅਨੁਸੂਚਿਤ ਜਾਤੀ (ਇਸਤਰੀ) ਨਾਲ ਸਬੰਧਤ ਹਨ।

                   ਉਨ੍ਹਾਂ ਹੋਰ ਦੱਸਿਆ ਕਿ ਸਰਪੰਚ ਲਈ ਜੋ ਨਾਮਜ਼ਦਗੀ ਪੱਤਰ ਪ੍ਰਾਪਤ ਹੋਏ ਹਨ, ਉਨ੍ਹਾਂ ਵਿੱਚ ਹੁਸ਼ਿਆਰਪੁਰ ਬਲਾਕ-1, ਹੁਸ਼ਿਆਰਪੁਰ ਬਲਾਕ-2, ਬਲਾਕ ਭੂੰਗਾ ਵਿੱਚ 2-2 ਨਾਮਜ਼ਦਗੀ ਪੱਤਰ ਜਨਰਲ ਕੈਟਾਗਰੀ ਨਾਲ ਸਬੰਧਤ ਹਨ। ਇਸੇ ਤਰ੍ਹਾਂ ਬਲਾਕ ਵਿੱਚ 3 ਨਾਮਜ਼ਦਗੀ ਪੱਤਰ ਜਨਰਲ ਕੈਟਾਗਰੀ ਨਾਲ ਸਬੰਧਤ ਪ੍ਰਾਪਤ ਹੋਏ ਹਨ, ਮਾਹਿਲਪੁਰ ਬਲਾਕ ਵਿੱਚ 1 ਨਾਮਜ਼ਦਗੀ ਪੱਤਰ ਅਨੁਸੂਚਿਤ ਜਾਤੀ (ਇਸਤਰੀ) ਵਰਗ ਨਾਲ ਸਬੰਧਤ ਪ੍ਰਾਪਤ ਹੋਇਆ ਹੈ।

                  ਡਿਪਟੀ ਕਮਿਸ਼ਨਰ-ਕਮ-ਜਿਲ੍ਹਾ ਚੋਣਕਾਰ ਅਫ਼ਸਰ ਨੇ ਹੋਰ ਦੱਸਿਆ ਕਿ ਪੰਚਾਂ ਦੀਆਂ ਚੋਣਾਂ ਲਈ ਜੋ ਨਾਮਜਦਗੀ ਪੱਤਰ ਪ੍ਰਾਪਤ ਹੋਏ ਹਨ, ਉਨ੍ਹਾਂ ਵਿੱਚ ਹੁਸ਼ਿਆਰਪੁਰ ਬਲਾਕ-1 ਵਿੱਚ 2 ਜਨਰਲ ਕੈਟਾਗਰੀ, 4 ਇਸਤਰੀ, 1 ਅਨੁਸੂਚਿਤ ਜਾਤੀ (ਇਸਤਰੀ) ਹਨ। ਇਸੇ ਤਰ੍ਹਾਂ ਹੁਸ਼ਿਆਰਪੁਰ ਬਲਾਕ-2 ਵਿੱਚ 2 ਨਾਮਜਦਗੀ ਪੱਤਰ ਜਨਰਲ, 2 ਇਸਤਰੀ ਵਰਗ ਨਾਲ ਸਬੰਧਤ ਹਨ। ਭੂੰਗਾ ਬਲਾਕ ਵਿੱਚ 3 ਜਨਰਲ, 4 ਇਸਤਰੀ ਵਰਗ ਨਾਲ, ਮੁਕੇਰੀਆਂ ਬਲਾਕ ਵਿੱਚ 3 ਜਨਰਲ, 3 ਇਸਤਰੀ, 1 ਅਨੁਸੂਚਿਤ ਜਾਤੀ ਅਤੇ 1 ਅਨੁਸੂਚਿਤ ਜਾਤੀ (ਇਸਤਰੀ), ਬਲਾਕ ਮਾਹਿਲਪੁਰ ਵਿੱਚ 2 ਜਨਰਲ, 1 ਇਸਤਰੀ, 3 ਅਨੁਸੂਚਿਤ ਜਾਤੀ ਅਤੇ 1 ਅਨੁਸੂਚਿਤ ਜਾਤੀ (ਇਸਤਰੀ) ਨਾਲ ਸਬੰਧਤ ਨਾਮਜਦਗੀ ਪੱਤਰ ਪ੍ਰਾਪਤ ਹੋਏ ਹਨ।

ਬਲਾਕ ਦਸੂਹਾ ਤੇ ਟਾਂਡਾ ਦੇ ਰਿਟਰਨਿੰਗ ਅਧਿਕਾਰੀ ਨਿਯੁਕਤ

ਹੁਸ਼ਿਆਰਪੁਰ, 20 ਜੂਨ: ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ)-ਕਮ- ਵਧੀਕ ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਸ੍ਰੀ ਹਰਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਰਾਜ ਚੋਣ ਕਮਿਸ਼ਨ ਵੱਲੋਂ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ ਬਲਾਕ ਦਸੂਹਾ ਵਿੱਚ 13 ਜੋਨ ਬਣਾ ਕੇ ਰਿਟਰਨਿੰਗ ਅਤੇ ਸਹਾਇਕ ਰਿਟਰਨਿੰਗ ਅਫ਼ਸਰ ਨਿਯੁਕਤ ਕੀਤੇ ਗਏ ਹਨ ਅਤੇ ਉਨ੍ਹਾਂ ਵੱਲੋਂ ਨਾਮਜਦਗੀ ਪੱਤਰ ਲੈਣ ਲਈ ਨੋਡਲ ਪੁਆਇੰਟ ਵੀ ਨਿਰਧਾਰਤ ਕੀਤੇ ਗਏ ਹਨ।  ਬਲਾਕ ਦਸੂਹਾ  ਦੇ  ਜੋਨ ਨੰਬਰ 1 ਵਿੱਚ ਪਿੰਡ ਆਲਮਪੁਰ, ਲਾਲੇਵਾਲ, ਮਿਆਣੀ ਮੇਵਾਨ, ਬਸੋਆ, ਚੱਕਬਾਮੂ, ਕਵੇਨ, ਗੋਰਸੀਆਂ, ਭੂਸ਼ਣ, ਕੈਰੇ, ਰਾਜਪੁਰ ਅਤੇ ਚੱਕ ਸੂਲੇਮਾਨ ਲਈ ਨੋਡਲ ਪੁਆਇੰਟ ਆਲਮਪੁਰ ਬਣਾਇਆ ਗਿਆ ਹੈ। ਜੋਨ ਨੰ; 2 ਦੇ ਪਿੰਡ ਸਫਦਰਪੁਰ, ਪੱਤੀ ਖੋਲੇ, ਪੱਤੀ ਮਹੇਸਰਾ, ਪੱਤੀ ਕੂਲੀਆਂ, ਕਥਾਨਾ, ਕੰਗ, ਸ਼ਾਹਪੁਰ, ਚਨੋਤਾ, ਰਵੇਨ, ਰੱਲਹਣ, ਝਿੰਗੜਕਲਾਂ ਲਈ ਨੋਡਲ ਪੁਆਇੰਟ ਝਿੰਗੜਕਲਾਂ, ਜੋਨ ਨੰ: 3 ਦੇ ਪਿੰਡ ਖੋਖਰ, ਦੁਗਰੀ, ਪੰਡੋਰੀ ਅਰਾਈਆਂ, ਖੈਰਾਵਾਦ, ਅਛਰਫਪੁਰ, ਕੋਟਲੀ ਖੁਰਦ, ਜੰਡ, ਬਾਲਾ ਕੁਲੀਆਂ, ਹਮਜ਼ਾ, ਬਸਤੀ ਬੁਧੂਬਰਕਤ, ਪੱਤੀ ਛੋੜੀਆਂ, ਪੱਤੀ ਸੈਦੋਵਾਲ ਅਤੇ ਨਿਊ ਆਬਾਦੀ ਗਾਲੋਵਾਲ ਲਈ ਨੋਡਲ ਪੁਆਇੰਟ ਪੰਡੋਰੀ ਅਰਾਈਆਂ, ਜੋਨ ਨੰਬਰ 4 ਦੇ ਪਿੰਡ ਗਾਲੋਵਾਲ, ਪਸੀ ਬੇਟ, ਖੇਪਰ, ਬੇਗਪੁਰ, ਮਾਂਗਟ, ਲੁਧਿਆਣੀ, ਛਾਂਗਲਾ, ਮਹਿੰਦੀਪੁਰ, ਕਲਿਆਣਪੁਰ, ਉਸਮਾਨ ਸ਼ਹੀਦ ਅਤੇ ਸਹਿਗਾ ਲਈ ਨੋਡਲ ਪੁਆਇੰਟ ਉਸਮਾਨ ਸ਼ਹੀਦ, ਜੋਨ ਨੰ: 5 ਦੇ ਪਿੰਡ ਗੰਗਾਚੱਕ, ਨਰਾਇਣ ਗੜ੍ਹ, ਸਦਰਪੁਰ, ਬਾਜਾਚੱਕ, ਨਿਊ ਟੇਰਕਿਆਣਾ, ਟੇਰਕਿਆਣਾ, ਬਸਤੀ ਵਧਾਇਆਂ, ਸਤੱਬ ਕੋਟ, ਹਿੰਮਤਪੁਰ ਅਤੇ ਲਮੀਨ ਲਈ ਨੋਡਲ ਪੁਆਇੰਟ ਬਾਜਾ ਚੱਕ, ਜੋਨ ਨੰ: 6 ਦੇ ਪਿੰਡ ਉਚੀ ਬਸੀ, ਫਤਹਿਗੜ੍ਹ, ਚੱਕ ਕਾਸਿਮ, ਮਿਆਂ ਦਾ ਪਿੰਡ, ਸਰੀਪੁਰ, ਪੱਟੀ ਦਾ ਪਿੰਡ, ਸੱਗਰਾਂ, ਗੱਗ ਸੁਲਤਾਨ, ਹਲੇੜ ਅਤੇ ਘੋਗਰਾ ਲਈ ਨੋਡਲ ਪੁਆਇੰਨ ਸੱਗਰਾਂ, ਜੋਨ ਨੰ: 7 ਦੇ ਪਿੰਡ ਸਿੰਘਪੁਰ, ਬਹਿਬੋਵਾਲ, ਕੱਤੋਵਾਲ, ਜਲਾਲ ਚੱਕ, ਢੱਡਰ, ਬਸਤੀ ਮੱਖੋਵਾਲ, ਤੋਈ ਮੱਖੋਵਾਲ, ਗੱਗ ਜੱਲੋ, ਸ਼ੈਹਰਕ, ਢੋਲੀਆਂ, ਪੱਤੀ ਸੋਂਸਪੁਰ ਅਤੇ ਬੱਡਲਾ ਲਈ ਨੋਡਲ ਪੁਆਇੰਟ ਢੱਡਰ, ਜੋਨ ਨੰ: 8 ਦੇ ਪਿੰਡ ਚੱਕਫਲਾ, ਬਸੋਚੱਕ, ਨੇਕਨਾਮਾ ਸੈਂਸੋ, ਹਰਦੋਨੇਕਨਾਮ, ਮੋਰੀਆਂ, ਰਤੜਾ, ਦੁਲਮੀਵਾਲ, ਪੱਸੀ ਕੰਢੀ, ਥਿਹਾੜਾ, ਰਾਏ ਚੱਕ, ਰਾਗੋਵਾਲ ਅਤੇ ਬਨਿਆਲ ਲਈ ਨੋਡਲ ਪੁਆਇੰਟ ਪਸੀ ਕੰਢੀ, ਜੋਨ ਨੰ: 9 ਦੇ ਪਿੰਡ ਮੇਹਰ ਭਟੋਲੀ, ਕਾਲੂਵਾਲ, ਕੋਟਲੀ, ਮੀਰਪੁਰ, ਸੁੰਡੀਆਂ, ਸਾਹੂ ਦਾ ਪਿੰਡ, ਫਟੇਨ ਚੱਕ, ਚੱਕ ਮਹਿਰਾ, ਹਰਦੋਥਲਾਂ, ਚੰਡੀਦਾਸ, ਕਾਲੋਵਾਲ ਅਤੇ ਕਕੋਆ ਲਈ ਨੋਡਲ ਪੁਆਇੰਟ ਚੱਕ ਮਹਿਰਾ, ਜੋਨ ਨੰ: 10 ਦੇ ਪਿੰਡ ਕੋਲੀਆਂ, ਭਟੋਲੀ, ਡਡਿਆਲ, ਰਾਮਪੁਰ ਹਲੇੜ, ਅਗਲੋਰ, ਆਦੋ ਚੱਕ, ਜੱਗਲ, ਕਾਲੋਵਾਲ, ਸੰਗਵਾਲ, ਛੰਗਿਆਲ, ਸੰਸਾਰਪੁਰ, ਮੱਕੋਵਾਲ ਅਤੇ ਸਾਨਪੁਰ ਲਈ ਨੋਡਲ ਪੁਆਇੰਟ ਸੰਸਾਰਪੁਰ, ਜੋਨ ਨੰ: 11 ਦੇ ਪਿੰਡ ਰਛਪਾਲਵਾਂ, ਨਾਗਰੇ, ਮੰਡ, ਸੱਜਣਾਂ, ਖੁਣ-ਖੁਣ ਸ਼ਾਰਕੀ, ਭੰਡਿਆਰ, ਛੋੜੀਆਂ, ਤੱਖੀਪੁਰ, ਠੱਕਰ, ਪਨਵਾਂ, ਸੱਗਲ ਅਤੇ ਬੰਗਾਲੇਪੁਰ ਲਈ ਨੋਡਲ ਪੁਆਇੰਟ ਭੰਡੇਰ, ਜੋਨ ਨੰ: 12 ਦੇ ਪਿੰਡ ਓਡਰਾ, ਜਲੋਟਾ, ਬਲੱਗਣ, ਗੰਗੀਆਂ, ਜੰਡੋਰ, ਰੰਧਾਵਾ, ਕੁਲਾਰ, ਕਾਲਾ ਝਿੰਗੜ, ਨੰਗਲ, ਖੋਖਰ ਦਵਾਖਰੀ, ਦੁਗਲ ਦਵਾਖਰੀ ਅਤੇ ਰਾਜੂ ਦਵਾਖਰੀ ਲਈ ਨੋਡਲ ਪੁਆਇੰਟ ਪਿੰਡ ਰੰਧਾਵਾ ਅਤੇ ਜੋਨ ਨੰ: 13 ਦੇ ਪਿੰਡ ਬੇਰਛਾ, ਬੋਦਲ, ਬੋਦਲ ਛਾਉਣੀ, ਖੇੜਾ ਕੋਟਲੀ, ਪਵਾਂ, ਝਿੰਗੜ ਖੁਰਦ, ਖੁਣ-ਖੁਣ ਖੁਰਦ, ਗੰਬੋਵਾਲ ਅਤੇ ਜੱਕੋਵਾਲ ਲਈ ਨੋਡਲ ਪੁਆਇੰਟ ਪਿੰਡ ਬੋਦਲ ਬਣਾਏ ਗਏ ਹਨ।

                  ਉਨ੍ਹਾਂ ਹੋਰ ਦੱਸਿਆ ਕਿ ਬਲਾਕ ਟਾਂਡਾ ਦੀਆਂ ਨਾਮਜਦਗੀ ਲੈਣ ਲਈ  14 ਜੋਨ ਬਣਾਏ ਗਏ ਹਨ ਜਿਨ੍ਹਾਂ ਵਿੱਚ ਜੋਨ ਨੰ: 1 ਦੇ ਪਿੰਡ ਜਲਾਲਪੁਰ, ਜਲਾਲ ਨੰਗਲ, ਚੋਹਾਨ, ਬਲਾਹ, ਪੱਤੀ ਨੰਗਲੀ, ਸਲੇਮਪੁਰ, ਅਵਾਂਗ ਹੋਰਸ਼ਾਹ, ਗੁਰਾਲਾ ਅਤੇ ਇਬਰਾਹਿਮਪੁਰ ਲਈ ਨੋਡਲ ਪੁਆਇੰਟ ਜਲਾਲਪੁਰ, ਜੋਨ ਨੰ: 2 ਦੇ ਪਿੰਡ ਟਾਹਲੀ, ਬੈਂਸ ਅਵਾਨ, ਰੜਾ, ਭੂਲਪੁਰ, ਗੰਦੋਵਾਲ, ਕੁਲਾ, ਬਸੀ ਬੋਹਰਾਂ ਅਤੇ ਪਿੰਡੀ ਖੈਰ ਲਈ ਨੋਡਲ ਪੁਆਇੰਟ ਭੂਲਪੁਰ, ਜੋਨ ਨੰ: 3 ਦੇ ਪਿੰਡ ਦਬੂਰਜੀ, ਮਿਆਣੀ, ਅਬਦੂਲਾਪੁਰ, ਗਿਲਜੀਆਂ ਅਤੇ ਅਲਾਵਿਲਸਾ ਲਈ ਪਿੰਡ ਮਿਆਣੀ ਨੋਡਲ ਪੁਆਇੰਟ, ਜੋਨ ੰ: 4 ਦੇ ਪਿੰਡ ਬਾਲੜਾ, ਕਾਹਲਵਾਂ, ਇਬਰਾਹਿਮਪੁਰ, ਪੱਤੀ ਨੰਗਲੀ, ਕਾਲੂਵਾਲ ਕੋਟਲਾ, ਮੱਦਾ, ਕਮਾਲਪੁਰ, ਤੱਲਾ, ਪੁਲਪੁਖਤਾ, ਗਿੱਲ, ਕੋਟਲੀ ਅਤੇ ਕਾਦਰੀ ਚੱਕ ਲਈ ਨੋਡਲ ਪੁਆਇੰਟ ਮੱਦਾ, ਜੋਨ ਨੰ: 5 ਦੇ ਪਿੰਡ ਪੱਤੀ ਪਸਵਾਲ, ਸ਼ਹਿਬਾਜਪੁਰ, ਫਿਰੋਜ ਰੋਲੀਆ, ਫਿਰੋਜੀ ਕਲੋਨੀ, ਬਸਤੀ ਬਾਜੀਗਰ, ਨੱਥੂਪੁਰ, ਤਲਵੰਡੀ ਸੱਲ੍ਹਾਂ, ਪੱਤੀ ਤਲਵੰਡੀ, ਤਲਵੰਡੀ ਡੱਡੀਆਂ, ਪੱਤੀ ਮੀਰਾਂਪੁਰ ਲਈ ਨੋਡਲ ਪੁਆਇੰਟ ਤਲਵੰਡੀ ਸੱਲ੍ਹਾਂ, ਜੋਨ ਨੰ: 6 ਦੇ ਪਿੰਡ ਥੱਕੜੀ, ਰਾਣੀ ਪਿੰਡ, ਬਹਾਦਰਪੁਰ, ਮਾਣਪੁਰ, ਪ੍ਰੇਮਪੁਰ, ਦੁਮਾਣਾ, ਜਹੂਰਾ, ਪੱਟੀ ਗਿੱਦੜਪਿੰਡੀ ਅਤੇ ਕਲਿਆਣਪੁਰ ਲਈ ਨੋਡਲ ਪੁਆਇੰਟ ਜਹੂਰਾ, ਜੋਨ ਨੰ: 7 ਦੇ ਪਿੰਡ ਢਡਿਆਲਾ, ਝੰਸ, ਰਾਏਪੁਰ, ਖੱਖ, ਘੁਲ, ਦਾਤਾ, ਸੈਦੂਪੁਰ, ਜੌੜਾ, ਖੋਖਰ, ਖਰਲ ਖੁਰਦ ਅਤੇ ਮੋਹਕਮ ਗੜ੍ਹ ਲਈ ਨੋਡਲ ਪੁਆਇੰਟ ਜੌੜਾ, ਜੋਨ ਨੰ: 8 ਦੇ ਪਿੰਡ ਨੰਗਲ ਜਮਾਲ, ਨੰਗਲ ਫਰੀਦ, ਬਗਿਆੜੀ, ਦੇਹਰੀਵਾਲ, ਬੈਂਚ, ਬਸੀ ਜਲਾਲ, ਘੋੜੇਵਾਹਾ ਅਤੇ ਸਲੇਮਪੁਰ ਲਈ ਨੋਡਲ ਪੁਆਇੰਟ ਦੇਹਰੀਵਾਲ, ਜੋਨ ਨੰ: 9 ਦੇ ਪਿੰਡ ਲਿੱਤਰ, ਚਾਹਲ, ਝੱਜ, ਦਰਿਆ, ਬਾਬਕ, ਕੰਧਾਲਾ ਜੱਟਾਂ, ਬਾਧਾ ਗਣੀਪੁਰ, ਹੰਬੜਾ, ਕੰਧਾਲਾ ਸ਼ੇਖਾ ਅਤੇ ਕਲੋਆ ਲਈ ਨੋਡਲ ਪੁਆਇੰਟ ਕੰਧਾਲਾ ਜੱਟਾਂ, ਜੋਨ ਨੰ: 10 ਦੇ ਪਿੰਡ ਕੰਧਾਲੀ ਨਰੰਗਪੁਰ, ਭਾਗੀਆਂ, ਮਸੀਤਪਲ ਕੋਟ, ਝਾਂਵਾ, ਮੋਹਣ, ਨੰਗਲ ਖੁੰਗਾ, ਬੁਢੀ ਪਿੰਡ ਅਤੇ ਪੰਡੋਰੀ ਲਈ ਨੋਡਲ ਪੁਆਇੰਟ ਝਾਂਵਾ, ਜੋਨ ਨੰ: 11 ਦੇ ਪਿੰਡ ਜਾਜਾ, ਰਸੂਲਪੁਰ, ਔਹੜਪੁਰ, ਰਾਂਡੀਆਂ, ਕੋਟਲੀ ਬੋਦਲ, ਮਲਕਪੁਰ ਬੋਦਲ, ਹਰਸੀ ਪਿੰਡ ਅਤੇ ਸ਼ਾਲਾਪੁਰ ਲਈ ਨੋਡਲ ਪੁਆਇੰਟ ਜਾਜਾ, ਜੋਨ ਨੰ: 12 ਦੇ ਪਿੰਡ ਗਹੋਤ, ਰਾਜਪੁਰ, ਲੋਧੀ ਚੱਕ, ਝੱਜੀ ਪਿੰਡ, ਚੱਤੋਵਾਲ, ਕੁਰਾਲਾਕਲਾਂ, ਕੁਰਾਲਾ ਖੁਰਦ, ਸੋਹਈਆਂ ਅਤੇ ਦਰਗਾਹ ਹੇੜੀ ਲਈ ਨੋਡਲ ਪੁਆਇੰਟ ਝੱਜੀ ਪਿੰਡ, ਜੋਨ ਨੰ: 13 ਦੇ ਪਿੰਡ ਬਗੋਲਕਲਾਂ, ਬਗੋਲ ਖੁਰਦ, ਕੁਮਪੁਰ, ਖੁੱਡਾ ਅਤੇ ਜਿਆ ਨੱਥਾ ਲਈ ਨੋਡਲ ਪੁਆਇੰਟ ਖੁੱਡਾ ਅਤੇ  ਜੋਨ ਨੰ: 14 ਦੇ ਪਿੰਡ ਖੁਣ-ਖੁਣ ਕਲਾਂ, ਤਿਲੂਵਾਲ, ਪੱਤੀ ਪਲਾਹ ਚੱਕ, ਮੁਣਕਖੁਰਦ, ਮੁਣਕਕਲਾਂ ਅਤੇ ਪਤੀ ਬੋਲੇਵਾਲ ਦੇ ਪਿੰਡਾਂ ਲਈ ਨੋਡਲ ਪੁਆਇੰਟ ਖੁਣ-ਖੁਣ ਕਲਾਂ ਬਣਾਇਆ ਗਿਅ ਹੈ।

ਪੰਚਾਇਤੀ ਚੋਣਾਂ ਹੁਸ਼ਿਆਰਪੁਰ-2 ਲਈ ਰਿਟਰਨਿੰਗ ਅਫ਼ਸਰ ਨਿਯੁਕਤ

ਹੁਸ਼ਿਆਰਪੁਰ, 20 ਜੂਨ:  ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ)-ਕਮ- ਵਧੀਕ ਜ਼ਿਲ੍ਹਾ ਚੋਣਕਾਰ ਅਫ਼ਸਰ ਸ੍ਰੀ ਹਰਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਰਾਜ ਚੋਣ ਕਮਿਸ਼ਨ ਵੱਲੋਂ ਗਰਾਮ ਪੰਚਾਇਤਾਂ ਦੀਆਂ ਆਮ ਚੋਣਾਂ ਲਈ ਬਲਾਕ ਹੁਸ਼ਿਆਰਪੁਰ-2 ਵਿੱਚ 13 ਜੋਨ ਬਣਾ ਕੇ ਰਿਟਰਨਿੰਗ ਅਤੇ ਸਹਾਇਕ ਰਿਟਰਨਿੰਗ ਅਫ਼ਸਰ ਨਿਯੁਕਤ ਕੀਤੇ ਗਏ ਹਨ ਅਤੇ ਉਨ੍ਹਾਂ ਵੱਲੋਂ ਨਾਮਜਦਗੀ ਪੱਤਰ ਲੈਣ ਲਈ ਨੋਡਲ ਪੁਆਇੰਟ ਵੀ ਨਿਰਧਾਰਤ ਕੀਤੇ ਗਏ ਹਨ। ਹੁਸ਼ਿਆਰਪੁਰ ਬਲਾਕ ਹੁਸ਼ਿਆਰਪੁਰ-2 ਦੇ  ਜੋਨ ਨੰਬਰ 1 ਵਿੱਚ ਪਿੰਡ ਨਾਰੀ, ਚੋਹਾਲ, ਨਿਊ ਕਲੋਨੀ ਚੋਹਾਲ, ਮੁਹੱਲਾ ਰਾਮਗੜ੍ਹ ਚੋਹਾਲ, ਜੇ ਸੀ ਟੀ ਚੋਹਾਲ, ਸਲੇਰਨ ਅਤੇ ਡਾਡਾ ਪਿੰਡਾਂ ਦੀਆਂ ਨਾਮਜਦਗੀਆਂ ਲੈਣ ਲਈ ਪਿੰਡ ਚੋਹਾਲ ਨੋਡਲ ਪੁਆਇੰਟ ਬਣਾਇਆ ਗਿਆ ਹੈ। ਇਸੇ ਤਰ੍ਹਾਂ ਜੋਨ-2 ਵਿੱਚ ਪਿੰਡ ਮਾਂਝੀ, ਨਾਰਾ, ਠਰੋਲੀ, ਡੱਲੇਵਾਲ, ਪੜਿਆੜਾ, ਖੜਕਾਂ, ਚੱਕਸਾਧੂ, ਜਹਾਨਖੇਲਾਂ, ਅਲੀ ਦੀ ਬਸੀ ਅਤੇ ਮੁਸਤਫਾ ਲਈ ਨੋਡਲ ਪੁਆਇੰਨ ਜਹਾਨਖੇਲਾਂ, ਜੋਨ 3 ਵਿੱਚ ਪਿੰਡ ਨੰਗਲ ਸ਼ਹੀਦਾਂ, ਬਿਲਾਸਪੁਰ, ਸਿੰਘਪੁਰ, ਮਹਿਤਾਬਪੁਰ, ਮਹਿਲਾਂਵਾਲੀ, ਅਨੰਦਗੜ੍ਹ, ਮੱਲਮਜਾਰਾ, ਬਸੀ ਹਸਤਖਾਂ, ਬਸੀ ਦੌਲਤ ਖਾਂ ਅਤੇ ਮੰਨਣ ਲਈ ਨੋਡਲ ਪੁਆਇੰਟ ਮਹਿਲਾਂਵਾਲੀ, ਜੋਨ ਨੰਬਰ 4 ਦੇ ਪਿੰਡ ਨਾਰੂ ਨੰਗਲ ਖਾਸ, ਨਾਰੂ ਨੰਗਲ ਕਿੱਲਾ, ਕੌਂਡਲਾ, ਮੋਚਪੁਰ, ਧੀਰੋਵਾਲ, ਬਸੀ ਅਲੀ ਖਾਂ, ਨਾਰੂ ਨੰਗਲ ਪਿੰਡ ਅਤੇ ਬਸੀ ਜਮਾਲ ਖਾਂ ਲਈ ਨੋਡਲ ਪੁਆਇੰਨ ਮੋਚਪੁਰ, ਜੋਨ ਨੰਬਰ 5 ਦੇ ਪਿੰਡ ਬਜਵਾੜਾ, ਨਿਊ ਬੈਂਕ ਕਲੋਨੀ, ਨਿਊ ਸ਼ਾਂਤੀ ਨਗਰ, ਕਿਲਾ ਬਰੂਨ, ਅਲਾਹਾਬਾਦ, ਸ਼ੇਰਗੜ੍ਹ, ਛਾਉਣੀਕਲਾਂ, ਰਾਮ ਕਲੋਨੀ ਕੈਂਪ, ਬੂਥਗੜ੍ਹ, ਚੱਗਰਾਂ,ਜੱਟਪੁਰ ਅਤੇ ਨਿਊ ਜੱਟਪੁਰ ਲਈ ਨੋਡਲ ਪੁਆਇੰਟ ਸ਼ੇਰਗੜ੍ਹ, ਜੋਨ ਨੰਬਰ 6 ਦੇ ਪਿੰਡ ਹਰੀ ਪੁਰ, ਮਹਿਨਾ, ਬਸੀ ਕਲਾਂ, ਬਸੀ ਜੌੜਾ, ਸੈਦੋ ਪੱਟੀ, ਬਠੂਲਾ, ਜਿਆਣ, ਲਹਿਲੀ ਖੁਰਦ, ਰਾਜਨੀ ਦੇਵੀ ਅਤੇ ਹੰਦੋਵਾਲ ਕਲਾਂ ਲਈ ਨੋਡਲ ਪੁਆਇੰਟ ਬਸੀ ਕਲਾਂ, ਜੋਨ ਨੰ: 7 ਦੇ ਪਿੰਡ ਚੱਬੇਵਾਲ, ਬਜਰਾਵਰ, ਭੀਲੋਵਾਲ, ਕਾਲੀਆਂ, ਲਹਿਲੀ ਕਲਾਂ, ਬਿਹਾਲਾ, ਸਸੋਲੀ ਅਤੇ ਬੋਹਣ ਲਈ ਨੋਡਲ ਪੁਆਇੰਟ ਚੱਬੇਵਾਲ, ਜੋਨ 8 ਦੇ ਪਿੰਡ ਰੌੜੀਆਂ, ਬਠੀਆਂ ਬ੍ਰਾਹਮਣਾਂ, ਮਾਨਾ, ਧਿਗਾਣਗੜ੍ਹ, ਹਰਖੋਵਾਲ, ਫਲਾਹੀ ਅਤੇ ਬਡਿਆਲ ਲਈ ਨੋਡਲ ਪੁਆਇੰਟ ਹਰਖੋਵਾਲ, ਜੋਨ ਨੰ: 9 ਦੇ ਪਿੰਡ ਭਟਰਾਣਾ, ਤਾਜੋਵਾਲ, ਹਰਮੋਏ, ਖੇੜਾਕਲਾਂ, ਹੁਕੜਾਂ, ਰਾਜਪੁਰ ਭਾਈਆਂ, ਮੋਨਾਕਲਾਂ ਅਤੇ ਮੋਨਾ ਖੁਰਦ ਲਈ ਨੋਡਲ ਪੁਆਇੰਟ ਹੁਕੜਾਂ, ਜੋਨ ਨੰ: 10 ਦੇ ਪਿੰਡ ਖਨੂੜ, ਜਲੋਵਾਲ, ਚਿਤੋਂ, ਸੀਨਾ, ਪੱਟੀ, ਬੱਡਲਾ, ਬੱਡਲਾ ਖੁਰਦ, ਹਾਰਟਾ ਅਤੇ ਖੇੜਾ ਲਈ ਨੋਡਲ ਪੁਆਇਟ ਜੱਲੋਵਾਲ, ਜੋਨ ਨੰ: 11 ਦੇ ਪਿੰਡ ਮੁਖਲਿਆਣਾ, ਪੰਡੋਰੀ ਕੱਦ, ਹੇੜੀਆਂ, ਭੂੰਗਰਨੀ, ਸਿੰਬਲੀ, ਫੁਗਲਾਣਾ, ਖਨੌੜਾ, ਮੇਹਟਿਆਣਾ, ਅਹਿਰਾਣਾ ਕਲਾਂ ਅਤੇ ਅਹਿਰਾਣਾ ਖੁਰਦ ਲਈ ਨੋਡਲ ਪੁਆਇੰਟ ਫੁਗਲਾਣਾ, ਜੋਨ ਨੰ: 12 ਦੇ ਪਿੰਡ ਅੱਤੋਵਾਲ, ਪੰਡੋਰੀ ਬੀਬੀ, ਮਰਨਾਈਆਂ ਕਲਾਂ, ਨਿਊ ਮਰਨਾਈਆਂ ਕਲਾਂ, ਮਰਨਾਈਆਂ ਖੁਰਦ, ਤਨੂਲੀ, ਪੁੰਗਾ, ਕਾਹਰੀ, ਸਾਹਰੀ ਅਤੇ ਢਕੋਵਾਲ ਲਈ ਨੋਡਲ ਪੁਆਇੰਟ ਤਨੂਲੀ ਅਤੇ ਜੋਨ ਨੰਬਰ 13 ਦੇ ਪਿੰਡ ਮੜੂਲੀ ਬ੍ਰਾਹਮਣਾਂ, ਕਾਇਮਪੁਰ, ਅਟੱਲਗੜ੍ਹ, ਮਹਿਮੋਵਾਲ, ਸਲੇਮਪੁਰ, ਬਸੀ ਦੌਲਤ ਖਾਂ ਅਤੇ ਨੋਗਰਾਂ ਦੇ ਨਾਮਜ਼ਦਗੀ ਪੱਤਰ ਲੈਣ ਲਈ ਨੋਡਲ ਪੁਆਇੰਟ ਮਹਿਮੋਵਾਲ ਬਣਾਇਆ ਗਿਆ ਹੈ।

ਜੰਗਲਾਤ ਵਿਭਾਗ ਵੱਲੋਂ ਰਿਆੲਤੀ ਦਰਾਂ ਦੇ ਬੂਟੇ ਉਪਲਬਧ : ਸ਼ਰਮਾ

ਹੁਸ਼ਿਆਰਪੁਰ, 20 ਜੂਨ:  ਵਣ ਮੰਡਲ ਅਫ਼ਸਰ ਹੁਸ਼ਿਆਰਪੁਰ ਸ੍ਰੀ ਦੇਵ ਰਾਜ ਸ਼ਰਮਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਨੂੰ ਹਰਾ-ਭਰਾ ਬਣਾਉਣ ਲਈ ਗਰੀਨ ਮਿਸ਼ਨ ਪੰਜਾਬ ਤਹਿਤ ਹੁਸ਼ਿਆਰਪੁਰ ਵਣ ਮੰਡਲ ਦੀਆਂ ਨਰਸਰੀਆਂ ਵਿੱਚ ਵੱਖ-ਵੱਖ ਕਿਸਮਾਂ ਦੇ 31.60 ਲੱਖ ਪੌਦੇ ਤਿਆਰ ਕੀਤੇ ਗਏ ਹਨ ਜਿਨ੍ਹਾਂ ਵਿੱਚ ਵੱਡੇ, ਦਰਮਿਆਨੇ ਸਾਈਜ਼ ਦੇ ਫੁੱਲਦਾਰ ਅਤੇ ਫ਼ਲਦਾਰ ਪੌਦੇ ਜਿਵੇਂ ਅਮਰੂਦ, ਨਿੰਬੂ, ਕੱਟਹਲ, ਅੰਬ, ਜਾਮਣ ਦੇ ਬੂਟੇ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਵੱਖ-ਵੱਖ ਨਰਸਰੀਆਂ ਵਿੱਚ ਸਫੈਦਾ, ਡੇਕ ਅਤੇ ਤੁਣ ਦੇ ਪੌਦੇ ਵੀ ਲਗਾਉਣ ਲਈ ਉਪਲਬੱਧ ਹਨ। ਇਹ ਪੌਦੇ ਆਮ ਜਨਤਾ ਨੂੰ ਰਿਆਇਤੀ ਦਰਾਂ ਤੇ ਦਿੱਤੇ ਜਾ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਐਗਰੋ ਫਾਰੈਸਟਰੀ ਅਧੀਨ ਪੌਦੇ ਲਗਾਉਣ ਲਈ ਸਬੰਧਤ ਰੇਂਜ ਅਫ਼ਸਰ ਨਾਲ ਸੰਪਰਕ ਕਰਕੇ ਰਿਆਇਤੀ ਦਰਾਂ ਤੇ ਪੌਦੇ ਪ੍ਰਾਪਤ ਕੀਤੇ ਜਾ ਸਕਦੇ ਹਨ। ਹੁਸ਼ਿਆਰਪੁਰ ਵਿੱਚ ਵਣ ਰੇਂਜ ਅਫ਼ਸਰ ਸ੍ਰੀ ਕੁਲਰਾਜ ਸਿੰਘ ਜਿਨ੍ਹਾਂ ਦਾ ਫੋਨ ਨੰ: 98766-00181 ਹੈ ਅਤੇ ਇਨ੍ਹਾਂ ਅਧੀਨ ਨਰਸਰੀਆਂ ਬਸੀ ਜਾਨਾ, ਸੀ ਆਰ ਐਚ, ਚੋਹਾਲ, ਜਹਾਨਖੇਲਾਂ, ਪੱਟੀ ਅਤੇ ਸਤਿਆਲ ਹਨ, ਤੋਂ ਪੌਦੇ ਪ੍ਰਾਪਤ ਕੀਤੇ ਜਾ ਸਕਦੇ ਹਨ। ਹਰਿਆਣਾ ਵਿਖੇ ਵਣ ਰੇਂਜ ਅਫ਼ਸਰ ਸ੍ਰੀ ਅਸ਼ੋਕ ਕੁਮਾਰ ਕਾਲੀਆ ਜਿਨ੍ਹਾਂ ਦਾ ਮੋਬਾਇਲ ਨੰਬਰ 90414-92578 ਹੈ ਅਤੇ ਇਨ੍ਹਾਂ ਅਧੀਨ ਨਰਸਰੀਆਂ ਜਨੌੜੀ, ਮੂਸਾ ਅਤੇ ਬਸੀ ਬਾਬੂ ਖਾਂ ਹਨ, ਮਹਿੰਗਰੋਵਾਲ ਵਿਖੇ ਵਣ ਰੇਂਜ ਅਫ਼ਸਰ ਸੁਰਜੀਤ ਸਿੰਘ ਜਿਨ੍ਹਾ ਦਾ ਮੋਬਾਇਲ ਨੰਬਰ 94643-15218 ਹੈ ਅਤੇ ਇਨ੍ਹਾਂ ਅਧੀਨ ਨਰਸਰੀਆਂ ਮਹਿੰਗਰੋਵਾਲ ਅਤੇ ਤੱਖਣੀ ਹਨ, ਢੋਲਬਾਹਾ ਵਿਖੇ ਵਣ ਰੇਂਜ ਅਫ਼ਸਰ ਸ੍ਰੀ ਰਾਕੇਸ਼ ਚੰਦਰ ਮੋਬਾਇਲ ਨੰਬਰ 94172-85711 ਹੈ ਅਤੇ ਇਨ੍ਹਾਂ ਅਧੀਨ ਆਉਂਦੀਆਂ ਨਰਸਰੀਆਂ ਬਾੜੀ ਖੱਡ, ਕਟੋਹੜ, ਢੋਲਬਾਹਾ, ਦੇਹਰਾ ਅਤੇ ਭਟੋਲੀ ਹਨ, ਤੋਂ ਪੌਦੇ ਪ੍ਰਾਪਤ ਕੀਤੇ ਜਾ ਸਕਦੇ ਹਨ।

ਅਚਨਚੇਤ ਚੈਕਿੰਗ ਦੌਰਾਨ ਜਿਲ੍ਹੇ ਵਿਚ ਅਨੇਕਾਂ ਕਰਮਚਾਰੀ ਗੈਰਹਾਜਰ !

ਹੁਸ਼ਿਆਰਪੁਰ, 3 ਜੂਨ: ਸਰਕਾਰੀ ਦਫ਼ਤਰਾਂ ਵਿੱਚ ਅਧਿਕਾਰੀਆਂ / ਕਰਮਚਾਰੀਆਂ ਦੀ ਸਮੇਂ ਸਿਰ ਹਾਜ਼ਰੀ ਯਕੀਨੀ ਬਣਾਉਣ ਅਤੇ ਦਫ਼ਤਰੀ ਕੰਮ-ਕਾਰ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਦੇ ਮੰਤਵ ਨਾਲ ਡਿਪਟੀ ਕਮਿਸ਼ਨਰ ਸ੍ਰੀ ਵਰੁਣ ਰੂਜ਼ਮ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ, ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ,  ਹੁਸ਼ਿਆਰਪੁਰ, ਗੜ੍ਹਸ਼ੰਕਰ, ਮੁਕੇਰੀਆਂ ਅਤੇ ਦਸੂਹਾ ਉਪ ਮੰਡਲ ਦੇ ਸਰਕਾਰੀ ਦਫ਼ਤਰਾਂ ਦੀ ਅਚਨਚੇਤ ਚੈਕਿੰਗ ਕਰਨ ਸਬੰਧੀ ਇੱਕ ਵਿਸ਼ੇਸ਼ ਮੁਹਿੰਮ ਚਲਾਈ ਗਈ। ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਵਿਸ਼ੇਸ਼ ਚੈਕਿੰਗ ਮੁਹਿੰਮ ਵਿੱਚ ਗੈਰ ਹਾਜ਼ਰ ਪਾਏ ਗਏ ਅਧਿਕਾਰੀਆਂ / ਕਰਮਚਾਰੀਆਂ  ਨੂੰ ਇੱਕ ਦਿਨ ਦੇ ਅੰਦਰ-ਅੰਦਰ ਗੈਰ ਹਾਜ਼ਰ ਰਹਿਣ ਸਬੰਧੀ ਆਪਣਾ ਸਪੱਸ਼ਟੀਕਰਨ ਦੇਣ ਲਈ ਪੱਤਰ ਜਾਰੀ ਕੀਤੇ ਹਨ।  ਉਨ੍ਹਾਂ ਕਿਹਾ ਕਿ ਅਧਿਕਾਰੀਆਂ / ਕਰਮਚਾਰੀਆਂ ਵੱਲੋਂ ਦਫ਼ਤਰਾਂ ਵਿੱਚ ਸਮੇਂ ਸਿਰ ਨਾ ਆਉਣ ਕਾਰਨ ਆਮ ਜਨਤਾ ਨੂੰ ਕਾਫ਼ੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਲਈ ਕਰਮਚਾਰੀਆਂ ਵਿੱਚ ਅਨੁਸ਼ਾਸ਼ਨ ਪੈਦਾ ਕਰਨ ਲਈ ਇਸ ਤਰ੍ਹਾਂ ਦੀ ਮੁਹਿੰਮ ਚਲਾਈ ਜਾ ਰਹੀ ਹੈ।

                  ਵਧੀਕ ਡਿਪਟੀ ਕਮਿਸ਼ਨਰ (ਜ) ਬੀ ਐਸ ਧਾਲੀਵਾਲ ਵੱਲੋਂ ਅੱਜ ਸਵੇਰੇ 9-10 ਵਜੇ ਤੋਂ 9-40 ਤੱਕ ਜ਼ਿਲ੍ਹਾ ਭਲਾਈ ਦਫ਼ਤਰ, ਜ਼ਿਲ੍ਹਾ ਮੈਨੇਜਰ ਪੰਜਾਬ ਤੇ ਅਨੁਸੂਚਿਤ ਜਾਤੀਆਂ, ਭੂ ਵਿਕਾਸ ਤੇ ਵਿੱਤ ਕਾਰਪੋਰੇਸ਼ਨ, ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫ਼ਸਰ, ਡਿਪਟੀ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਦੀ ਅਚਨਚੇਤ ਚੈਕਿੰਗ ਕੀਤੀ। ਦਫ਼ਤਰ ਜ਼ਿਲ੍ਹਾ ਭਲਾਈ ਵਿੱਚ 5 ਕਰਮਚਾਰੀ ਗੈਰ ਹਾਜ਼ਰ ਪਾਏ ਗਏ, ਦਫ਼ਤਰ ਜਿਲ੍ਹਾ ਮੈਨੇਜਰ ਪੰਜਾਬ ਅਤੇ ਅਨੁਸੂਚਿਤ ਜਾਤੀਆਂ ਭੌਂ ਵਿਕਾਸ ਤੇ ਵਿੱਤ ਕਾਰਪੋਰੇਸ਼ਨ, ਦਫ਼ਤਰ ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫ਼ਸਰ ਅਤੇ ਡਿਪਟੀ ਰਜਿਸਟਰਾਰ, ਸਹਿਕਾਰੀ ਸਭਾਵਾਂ ਵਿੱਚ 2-2 ਕਰਮਚਾਰੀ ਗੈਰ ਹਾਜ਼ਰ ਸਨ। ਸਹਾਇਕ ਕਮਿਸ਼ਨਰ (ਜ) ਸ੍ਰੀ ਪਰਮਦੀਪ ਸਿੰਘ ਵੱਲੋਂ ਦਫ਼ਤਰ ਡਿਪਟੀ ਕਮਿਸ਼ਨਰ ਦੀਆਂ ਵੱਖ-ਵੱਖ ਬਰਾਂਚਾਂ ਦੀ ਚੈਕਿੰਗ ਕੀਤੀ ਗਈ ਜਿਸ ਵਿੱਚ 7 ਕਰਮਚਾਰੀ, ਦਫ਼ਤਰ ਭਾਸ਼ਾ ਵਿਭਾਗ ਵਿੱਚ 1 ਅਧਿਕਾਰੀ, ਦਫਤਰ ਜ਼ਿਲ੍ਹਾ ਸੂਚਨਾ ਅਫ਼ਸਰ ਵਿੱਚ 2 ਅਧਿਕਾਰੀ ਅਤੇ ਵਾਟਰ ਸਪਲਾਈ ਤੇ ਸੈਨੀਟੇਸ਼ਨ ਵਿੱਚ ਇੱਕ ਅਧਿਕਾਰੀ ਆਪਣੀ ਸੀਟ ਤੇ ਨਹੀਂ ਸਨ।

                  ਉਪ ਮੰਡਲ ਮੈਜਿਸਟਰੇਟ ਹੁਸ਼ਿਆਰਪੁਰ ਕੈਪਟਨ ਕਰਨੈਲ ਸਿੰਘ ਨੇ ਵਿਸ਼ੇਸ਼ ਚੈਕਿੰਗ ਮੁਹਿੰਮ ਦੌਰਾਨ ਦਫ਼ਤਰ ਸਿਵਲ ਸਰਜਨ ਵਿਖੇ ਚੈਕਿੰਗ ਕੀਤੀ ਜਿਸ ਵਿੱਚ 8 ਡਾਕਟਰ ਅਤੇ ਸਿਵਲ ਸਰਜਨ ਹਾਜ਼ਰ ਨਹੀਂ ਸਨ। ਇਸ ਤੋਂ ਇਲਾਵਾ ਜਨਰਲ ਸਟਾਫ਼ ਵਿੱਚ 17 ਕਰਮਚਾਰੀ, ਆਰਜੀ ਡਿਊਟੀ ਸਟਾਫ਼ ਵਿੱਚ 6 ਕਰਮਚਾਰੀ, ਅੰਕੜਾ ਸ਼ਾਖਾ ਵਿੱਚ ਇੱਕ, ਸਵਾਸਥ ਸਹਾਇਕ 2, ਐਨ ਆਰ ਐਚ ਐਮ ਸਟਾਫ਼ ਵਿੱਚ 8 ਕਰਮਚਾਰੀ ਗੈਰ ਹਾਜ਼ਰ ਪਾਏ ਗਏ।  ਇਸੇ ਤਰ੍ਹਾਂ ਨਿਗਰਾਨ ਇੰਜੀਨੀਅਰ ਢੋਲਬਾਹਾ ਡੈਮ ਉਸਾਰੀ ਹਲਕਾ ਹੁਸ਼ਿਆਰਪੁਰ ਦੀ ਵੀ ਚੈਕਿੰਗ ਕੀਤੀ ਗਈ। ਚੈਕਿੰਗ ਦੌਰਾਨ 18 ਅਧਿਕਾਰੀ / ਕਰਮਚਾਰੀ ਗੈਰ ਹਾਜ਼ਰ ਪਾਏ ਗਏ। ਉਨ੍ਹਾਂ ਦੱਸਿਆ ਕਿ ਮੌਕੇ ਤੇ ਨਿਗਰਾਨ ਇੰਜੀਨੀਅਰ ਢੋਲਬਾਹਾ ਡੈਮ ਉਸਾਰੀ ਹਲਕਾ ਹੁਸ਼ਿਆਰਪੁਰ ਹਾਜ਼ਰ ਨਹੀਂ ਸਨ। ਨਿਗਰਾਨ ਇੰਜੀਨੀਅਰ ਕੰਢੀ ਕੈਨਾਲ ਹਲਕਾ ਹੁਸ਼ਿਆਰਪੁਰ ਦੀ ਚੈਕਿੰਗ ਦੌਰਾਨ 31 ਅਧਿਕਾਰੀ / ਕਰਮਚਾਰੀ ਮੌਕੇ ਤੇ ਗੈਰ ਹਾਜ਼ਰ ਪਾਏ ਗਏ । ਨਿਗਰਾਨ ਇੰਜੀਨੀਅਰ ਕੰਢੀ ਕੈਨਾਲ ਹਲਕਾ ਹੁਸ਼ਿਆਰਪੁਰ ਵੀ ਹਾਜ਼ਰ ਨਹੀਂ ਸਨ। ਵਿਭਾਗ ਦੀ ਡਰਾਇੰਗ ਬਰਾਂਚ ਵਿੱਚ 6, ਅਕਾਊਂਟ ਬਰਾਂਚ ਐਸ ਐਨ ਟੀ ਮਕੈਨੀਕਲ ਡਵੀਜ਼ਨ ਵਿੱਚ 9 ਅਤੇ ਕਾਰਜਕਾਰੀ ਇੰਜੀਨੀਅਰ ਖੋਜ ਮੰਡਲ (ਜ) ਅਮਲਾ ਸ਼ਾਖਾ ਦੇ 7 ਅਧਿਕਾਰੀ / ਕਰਮਚਾਰੀ ਗੈਰ ਹਾਜ਼ਰ ਸਨ। ਮੌਕੇ ਤੇ ਕਾਰਜਕਾਰੀ ਇੰਜੀਨੀਅਰ ਖੋਜ ਮੰਡਲ (ਜ) ਹੁਸ਼ਿਆਰਪੁਰ ਵੀ ਹਾਜ਼ਰ ਨਹੀਂ ਸਨ। ਉਪ ਮੰਡਲ ਮੈਜਿਸਟਰੇਟ ਵੱਲੋਂ ਕਾਰਜਕਾਰੀ ਇੰਜੀਨੀਅਰ ਉਸਾਰੀ ਮੰਡਲ 2, ਭ ਤੇ ਮ ਸ਼ਾਖਾ ਲੋਕ ਨਿਰਮਾਣ ਵਿਭਾਗ ਦੀ ਚੈਕਿੰਗ ਦੌਰਾਨ ਅਮਲਾ ਸ਼ਾਖਾ ਤੇ ਅਕਾਉਂਟ ਬਰਾਂਚ ਵਿੱਚ 3 ਕਰਮਚਾਰੀ ਗੈਰ ਹਾਜ਼ਰ ਸਨ। ਮੌਕੇ ਤੇ ਕਾਰਜਕਾਰੀ ਇੰਜੀਨੀਅਰ ਉਸਾਰੀ ਮੰਡਲ 2 ਲੋਕ ਨਿਰਮਾਣ ਵਿਭਾਗ ਹੁਸ਼ਿਆਰਪੁਰ ਵੀ ਹਾਜ਼ਰ ਨਹੀਂ ਸਨ।

                  ਉਪ ਮੰਡਲ ਮੈਜਿਸਟਰੇਟ ਗੜ੍ਹਸ਼ੰਕਰ ਵੱਲੋਂ ਵਿਸ਼ੇਸ਼ ਚੈਕਿੰਗ ਦੌਰਾਨ ਤਹਿਸੀਲ ਦਫ਼ਤਰ ਗੜ੍ਹਸ਼ੰਕਰ ਵਿਖੇ 4, ਸੁਵਿਧਾ ਕੇਂਦਰ ਵਿੱਚ 2, ਜਮਾਂਦਾਰ ਤਹਿਸੀਲ ਦਫ਼ਤਰ ਵਿੱਚ 3, ਫਰਦ ਕੇਂਦਰ ਗੜ੍ਹਸ਼ੰਕਰ ਵਿੱਚ 1, ਵਣ ਮੰਡਲ ਦਫ਼ਤਰ ਗੜ੍ਹਸ਼ੰਕਰ ਵਿੱਚ 6 ਅਧਿਕਾਰੀ / ਕਰਮਚਾਰੀ ਤੇ ਸੇਵਾਦਾਰ ਗੈਰ ਹਾਜ਼ਰ ਸਨ।

                  ਉਪ ਮੰਡਲ ਮੈਜਿਸਟਰੇਟ ਮੁਕੇਰੀਆਂ ਵੱਲੋਂ ਦਫ਼ਤਰਾਂ ਦੀ ਅਚਨਚੇਤ ਪੜਤਾਲ ਦੌਰਾਨ ਮਾਰਕੀਟ ਕਮੇਟੀ ਦਫ਼ਤਰ ਵਿੱਚ 7 ਕਰਮਚਾਰੀ, ਐਸ ਡੀ ਓ ਸ਼ਾਹ ਨਹਿਰ ਮੁਕੇਰੀਆਂ ਵਿੱਚ 6 ਕਰਮਚਾਰੀ ਗੈਰ ਹਾਜ਼ਰ ਪਾਏ ਗਏ ਅਤੇ ਖੇਤੀਬਾੜੀ ਵਿਭਾਗ ਦੀ ਚੈਕਿੰਗ ਦੌਰਾਨ ਸਾਰੇ ਕਰਮਚਾਰੀ ਹਾਜ਼ਰ ਪਾਏ ਗਏ।

                  ਇਸੇ ਤਰ੍ਹਾਂ ਉਪ ਮੰਡਲ ਮੈਜਿਸਟਰੇਟ ਦਸੂਹਾ ਵੱਲੋਂ ਦਫ਼ਤਰਾਂ ਦੀ ਚੈਕਿੰਗ ਦੌਰਾਨ ਤਹਿਸੀਲ ਦਫ਼ਤਰ ਦਸੂਹਾ ਵਿਖੇ 5, ਬੀ ਡੀ ਪੀ ਓ ਦਫ਼ਤਰ ਦਸੂਹਾ ਵਿਖੇ 7 ਅਧਿਕਾਰੀ / ਕਰਮਚਾਰੀ ਗੈਰ ਹਾਜ਼ਰ ਸਨ ਜਦ ਕਿ ਸੁਪਰਡੰਟ ਦੇ ਦੱਸਣ ਅਨੁਸਾਰ ਬੀ ਡੀ ਪੀ ਓ ਦਸੂਹਾ ਜਲੰਧਰ ਵਿਖੇ ਕੋਰਟ ਵਿੱਚ ਪੇਸ਼ੀ ਤੇ ਗਏ ਹਨ। ਤਹਿਸੀਲਦਾਰ ਦਸੂਹਾ ਵੱਲੋਂ ਚੈਕਿੰਗ ਦੌਰਾਨ ਖਜ਼ਾਨਾ ਦਫ਼ਤਰ ਦਸੂਹਾ, ਵਾਟਰ ਸਪਲਾਈ, ਐਸ ਐਮ ਓ ਦਫਤਰ ਦਸੂਹਾ, ਦਫ਼ਤਰ ਨਗਰ ਕੌਂਸਲ ਦਸੂਹਾ, ਐਸ ਡੀ ਓ ਸੀਵਰੇਜ ਬੋਰਡ ਦਸੂਹਾ, ਭੂਮੀ ਰੱਖਿਆ ਅਫ਼ਸਰ ਦਸੂਹਾ, ਮਾਰਕੀਟ ਕਮੇਟੀ ਦਸੂਹਾ ਅਤੇ ਐਸ ਡੀ ਓ ਲੋਕ ਨਿਰਮਾਣ ਦਫ਼ਤਰ ਦਸੂਹਾ ਵਿਖੇ ਸਾਰੇ ਕਰਮਚਾਰੀ ਹਾਜ਼ਰ ਪਾਏ ਗਏ। ਸੀ ਡੀ ਪੀ ਓ ਦਫ਼ਤਰ ਦਸੂਹਾ,  ਵਣ ਮੰਡਲ ਦਫ਼ਤਰ ਦਸੂਹਾ 3-3, ਖੇਤੀਬਾੜੀ ਦਫ਼ਤਰ ਦਸੂਹਾ ਵਿਖੇ 1, ਦਫ਼ਤਰ ਪੀ ਐਸ ਟੀ ਸੀ ਦਸੂਹਾ ਅਤੇ ਏ ਐਫ ਐਸ ਓ ਦਸੂਹਾ ਦਾ ਸਾਰਾ ਸਟਾਫ਼ ਗੈਰ ਹਾਜ਼ਰ ਪਾਇਆ ਗਿਆ। ਸਹਿਕਾਰਤਾ ਵਿਭਾਗ ਦਸੂਹਾ ਵਿਖੇ ਸੁਪਰਡੰਟ ਗੈਰ ਹਾਜ਼ਰ ਹੋਣ ਕਾਰਨ ਹਾਜ਼ਰੀ ਰਜਿਸਟਰ  ਨਹੀਂ ਮਿਲਿਆ, ਮੌਕੇ ਤੇ ਸਿਰਫ਼ 6 ਕਰਮਚਾਰੀ ਹਾਜ਼ਰ ਸਨ।

                  ਨਾਇਬ ਤਹਿਸੀਲਦਾਰ ਟਾਂਡਾ ਵੱਲੋਂ ਕੀਤੀ ਗਈ ਚੈਕਿੰਗ ਦੌਰਾਨ ਦਫ਼ਤਰ ਏ ਐਫ ਐਸ ਓ ਟਾਂਡਾ ਦੇ ਗੇਟ ਤੇ ਤਾਲਾ ਲੱਗਾ ਪਾਇਆ ਗਿਆ। ਖ਼ਜਾਨਾ ਦਫ਼ਤਰ, ਸੀ ਡੀ ਪੀ ਓ, ਐਸ ਡੀ ਓ ਲੋਕ ਨਿਰਮਾਣ ਵਿਭਾਗ  ਟਾਂਡਾ ਦਾ ਸਟਾਫ਼ ਹਾਜ਼ਰ ਪਾਇਆ ਗਿਆ। ਈ ਓ ਐਮ ਸੀ ਟਾਂਡਾ ਦੇ ਦਫ਼ਤਰ ਵਿੱਚ 3, ਐਸ ਐਮ ਓ ਟਾਂਡਾ ਦੇ ਦਫ਼ਤਰ ਵਿੱਚ 2, ਐਸ ਡੀ ਓ ਵਾਟਰ ਸਪਲਾਈ ਵਿੱਚ ਇੱਕ, ਖੇਤੀਬਾੜੀ ਅਫ਼ਸਰ ਅਤੇ ਮਾਰਕੀਟ ਕਮੇਟੀ ਟਾਂਡਾ ਦੇ ਦਫ਼ਤਰ ਵਿੱਚ 2-2 ਅਤੇ ਬੀ ਡੀ ਪੀ ਓ ਦਫ਼ਤਰ ਟਾਂਡਾ ਵਿੱਚ 3 ਅਧਿਕਾਰੀ / ਕਰਮਚਾਰੀ ਗੈਰ ਹਾਜ਼ਰ ਪਾਏ ਗਏ। ਇਸੇ ਤਰ੍ਹਾਂ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਵੱਲੋਂ ਕੀਤੀ ਗਈ ਚੈਕਿੰਗ ਦੌਰਾਨ ਈ ਓ ਐਮ ਸੀ ਗੜ੍ਹਦੀਵਾਲਾ, ਸਿਵਲ ਹਸਪਤਾਲ, ਵਾਟਰ ਸਪਲਾਈ ਦਫ਼ਤਰ, ਫੂਡ ਸਪਲਾਈ ਦਫ਼ਤਰ ਗੜ੍ਹਦੀਵਾਲਾ ਦੇ ਅਧਿਕਾਰੀ / ਕਰਮਚਾਰੀ ਹਾਜ਼ਰ ਪਾਏ ਗਏ।