ਸਮਾਰੋਹ ਨੂੰ ਸੰਬੋਧਨ ਕਰਦਿਆਂ ਡਾ. ਯਸ਼ ਮਿਤਰਾ ਨੇ ਕਿਹਾ ਕਿ ਮਾਂ ਅਤੇ ਬੱਚੇ ਦੀ ਸਿਹਤ ਲਈ ਸੰਤੁਲਿਤ ਖੁਰਾਕ ਦਾ ਬਹੁਤ ਮਹੱਤਵ ਹੈ। ਮਾਂ ਜੇਕਰ ਗਰਭ ਦੌਰਾਨ ਪੋਸ਼ਟਿਕ ਖੁਰਾਕ ਲੈਦੀ ਹੈ ਤਾਂ ਬੱਚਾ ਤੰਦਰੁਸਤ ਪੈਦਾ ਹੁੰਦਾ ਹੈ। ਜਨਮ ਉਪਰੰਤ ਬੱਚੇ ਦੀ ਖੁਰਾਕ ਵੱਲ ਵੀ ਵਿਸ਼ੇਸ਼ ਧਿਆਨ ਦੇਣਾ ਜਰੂਰੀ ਹੈ। ਬੱਚੇ ਨੂੰ ਛੇ ਮਹੀਨੇ ਤੱਕ ਕੇਵਲ ਮਾਂ ਦਾ ਦੁੱਧ ਦੇਣਾ ਚਾਹੀਦਾ ਹੈ ਅਤੇ ਇਸ ਤੋਂ ਬਾਅਦ ਉਪਰੀਆਂ ਚੀਜ਼ਾਂ ਜਿਸ ਵਿੱਚ ਵੱਖ ਵੱਖ ਪੋਸ਼ਟਿਕ ਤੱਤ ਮੋਜੂਦ ਹੋਣ ਬੱਚੇ ਨੂੰ ਦੇਣੇ ਸ਼ੁਰੂ ਕਰਨੇ ਚਾਹੀਦੇ ਹਨ। ਮਾਂ ਅਤੇ ਬੱਚੇ ਦੇ ਪੋਸ਼ਣ ਅਤੇ ਸੰਤੁਲਿਕ ਖੁਰਾਕ ਵੱਲ ਧਿਆਨ ਦੇਣ ਨਾਲ ਮਾਂ ਤੇ ਬੱਚੇ ਦੀ ਮੌਤ ਦਰ ਨੂੰ ਵੀ ਘਟਾਇਆ ਜਾ ਸਕਦਾ ਹੈ। ਉਹਨਾਂ ਕਿਹਾ ਕਿ ਜਰੂਰੀ ਨਹੀਂ ਕਿ ਮਹਿੰਗੀਆਂ ਚੀਜ਼ਾਂ ਤੋਂ ਹੀ ਪੋਸ਼ਟਿਕ ਤੱਤ ਮਿਲਦੇ ਹਨ ਬਲਕਿ ਤਾਜ਼ੀਆਂ ਅਤੇ ਮੌਸਮੀ ਫਲ ਅਤੇ ਸਬਜ਼ੀਆਂ ਦੀ ਵਰਤੋਂ ਨਾਲ ਭਰਭੂਰ ਪੋਸ਼ਣ ਮਿਲ ਸਕਦਾ ਹੈ। ਸ਼੍ਰੀਮਤੀ ਮਨਮੋਹਣ ਕੌਰ ਵੱਲੋਂ ਗਰਭ ਦੌਰਾਨ ਪੋਸ਼ਟਿਕ ਖੁਰਾਕ ਅਤੇ ਜਰੂਰੀ ਦੇਖਭਾਲ ਬਾਰੇ ਜਾਣਕਾਰੀ ਦਿੱਤੀ ਗਈ।
ਡਾ. ਜੇ.ਐਸ. ਮੰਡਿਆਲ ਵੱਲੋਂ ਕਰਵਾਏ ਗਏ ਮਾਂ ਦੀ ਮਹੱਤਤਾ ਸਬੰਧੀ ਚਿੱਤਰਕਾਰੀ ਪ੍ਰਤੀਯੋਗਿਤਾ ਵਿੱਚ ਵਿਦਿਆਰਥਣਾਂ ਨੇ ਵੱਖ ਵੱਖ ਸਲੋਗਨ ਸਹਿਤ ਖੂਬਸੂਰਤ ਚਿੱਤਰ ਬਣਾਏ। ਇਸ ਮੁਕਾਬਲੇ ਦੌਰਾਨ ਹਰਪ੍ਰੀਤ ਕੌਰ ਨੇ ਪਹਿਲਾ, ਦਵਿੰਦਰ ਕੌਰ ਨੇ ਦੂਜਾ ਅਤੇ ਰੀਟਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਹਨਾਂ ਵਿਦਿਆਰਥਾਂ ਨੂੰ ਡਾ. ਯਸ਼ ਮਿਤਰਾ ਅਤੇ ਸੰਤ ਬਾਬਾ ਰਣਜੀਤ ਸਿੰਘ ਜੀ ਵੱਲੋਂ ਭੇਟਾ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਸੰਤ ਬਾਬਾ ਰਣਜੀਤ ਸਿੰਘ ਨੇ ਕਿਹਾ ਕਿ ਮਾਂ ਦੀ ਮਮਤਾ ਦਾ ਮੁੱਲ ਕਦੇ ਨਹੀਂ ਚੁਕਾਇਆ ਜਾ ਸਕਦਾ। ਅਜੋਕੇ ਸਮੇਂ ਦੌਰਾਨ ਬੱਚੇ ਆਪਣੀਆਂ ਕਦਰਾਂ ਕੀਮਤਾ ਭੁੱਲਦੇ ਜਾ ਰਹੇ ਹਨ ਜੋ ਕਿ ਸਾਡੇ ਸਮਾਜ ਦੀ ਧਰੋਹਰ ਹਨ। ਉਹਨਾਂ ਕਿਹਾ ਕਿ ਸਮੇਂ ਦੇ ਨਾਲ ਬਦਲਣਾ ਜਰੂਰ ਚਾਹੀਦਾ ਹੈ ਪਰ ਆਪਣੀ ਹੋਂਦ ਨੂੰ ਕਾਇਮ ਕਰਨ ਲਈ ਆਪਣੀਆਂ ਜੜ੍ਹਾਂ ਜਿਨ੍ਹਾਂ ਸਾਨੂੰ ਪੈਦਾ ਕੀਤਾ ਹੈ ਉਸਦੀ ਸੰਭਾਲ ਵੀ ਜਰੂਰੀ ਹੈ। ਡਾ. ਜੇ.ਐਸ. ਮੰਡਿਆਲ ਨੇ ਕਿਹਾ ਕਿ ਮਾਂ ਦੀ ਠੰਡੀ ਛਾਂ ਸਾਡੀ ਸ਼ਖਸਿਅਤ ਨੂੰ ਬਣਾਉਣ ਅਤੇ ਉਭਾਰਣ ਵਿੱਚ ਵੱਡਾ ਯੋਗਦਾਨ ਦਿੰਦੀ ਹੈ। ਇਸੇ ਸੇਧ ਵਿੱਚ ਚੱਲਦੇ ਹੋਏ ਬੱਚਾ ਕਾਮਯਾਬੀਆਂ ਨੂੰ ਛੂੰਹਦਾ ਹੈ।
ਸ਼੍ਰੀ ਰਮੇਸ਼ ਕੁੰਦਰਾ ਵੱਲੋਂ ਭਰੂਣ ਹੱਤਿਆ ਬਾਰੇ ਕਵਿਤਾ ਦੇ ਰੂਪ ਵਿੱਚ ਆਪਣੇ ਵਿਚਾਰ ਸਾਂਝੇ ਕੀਤੇ ਗਏ। ਇਸ ਮੌਕੇ ਇੱਕ ਜਾਗਰੂਕਤਾ ਪ੍ਰਦਰਸ਼ਨੀ ਵੀ ਲਗਾਈ ਗਈ।
No comments:
Post a Comment