ਤਲਵਾੜਾ, 13 ਫ਼ਰਵਰੀ : ਇੱਥੇ ਪ੍ਰਜਾਪਿਤਾ ਬ੍ਰਹਮਕੁਮਾਰੀ ਸੰਸਥਾਨ ਵੱਲੋਂ ਪੁਰਾਣਾ ਤਲਵਾੜਾ ਸ਼ਿਵ ਮੰਦਰ ਵਿਖੇ ਸ਼ਿਵਰਾਤਰੀ ਨੂੰ ਸਮਰਪਿਤ ਵਿਸ਼ੇਸ਼ ਪ੍ਰਦਰਸ਼ਨੀ ਤੇ ਚੇਤਨਾ ਸਮਾਗਮ ਕਰਵਾਇਆ ਗਿਆ।
ਇਸ ਮੌਕੇ ਬੀ. ਕੇ. ਇੰਦਰਜੀਤ ਕੌਰ ਵੱਲੋਂ ਆਨੰਦਮਈ ਜੀਵਨ ਜਾਚ ਲਈ ਸਾਧਨਾ ਸ਼ਕਤੀ ਬਾਰੇ ਰੌਸ਼ਨੀ ਪਾਈ ਗਈ। ਬੀ. ਕੇ. ਸੁਮਨ ਦਸੂਹਾ ਵੱਲੋਂ ਪਰਮਾਤਮਾ ਅਤੇ ਆਤਮਾ ਦੇ ਸੰਕਲਪ ਉੱਤੇ ਚਰਚਾ ਕਰਕੇ ਮਨ ਦੀ ਸ਼ੁੱਧੀ ਤੇ ਜੋਰ ਦਿੱਤਾ। ਬੀ. ਕੇ. ਸਮਰਿਤੀ ਨੇ ਜੀਵਨ ਚੱਕਰ, ਬ੍ਰਹਮਲੋਕ ਆਦਿ ਵਿਸ਼ਿਆਂ ਉੱਤੇ ਬਾਖੂਬੀ ਚਰਚਾ ਕੀਤੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਅਮਰੀਕ, ਰਣਬੀਰ ਸਿੰਘ, ਰੇਨੂੰ, ਕੇਵਲ ਸਿੰਘ, ਹਰਮੀਤ ਕੌਰ, ਸੋਮਾ, ਕੁਸਮ, ਪੂਨਮ, ਡਾ. ਸੰਜੀਵ ਮੁਕੇਰੀਆਂ, ਸਾਗਰ, ਨੇਹਾ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਮੌਜੂਦ ਸਨ।
No comments:
Post a Comment