ਹੁਸ਼ਿਆਰਪੁਰ, 2 ਜਨਵਰੀ: ਖੇਡਾਂ ਨੂੰ ਉਤਸ਼ਾਹਿਤ ਕਰਨ ਲਈ ਹੁਸ਼ਿਆਰਪੁਰ ਦੇ ਆਊਟਡੋਰ ਸਟੇਡੀਅਮ ਨੂੰ 5 ਕਰੋੜ ਰੁਪਏ ਖਰਚ ਕਰਕੇ ਅਪਗਰੇਡ ਕੀਤਾ ਜਾਵੇਗਾ ਅਤੇ ਇਸ ਨੂੰ ਅੰਤਰ ਰਾਸ਼ਟਰੀ ਪੱਧਰ ਦਾ ਖੇਡ ਸਟੇਡੀਅਮ ਬਣਾਇਆ ਜਾਵੇਗਾ। ਇਸ ਗੱਲ ਦਾ ਪ੍ਰਗਟਾਵਾ ਜੰਗਲਾਤ, ਜੰਗਲੀ ਜੀਵ ਸੁਰੱਖਿਆ, ਮੈਡੀਕਲ ਸਿੱਖਿਆ ਤੇ ਖੋਜ ਅਤੇ ਕਿਰਤ ਮੰਤਰੀ ਪੰਜਾਬ ਸ੍ਰੀ ਤੀਕਸ਼ਨ ਸੂਦ ਨੇ ਅੱਜ ਇਨਡੋਰ ਸਟੇਡੀਅਮ ਹੁਸ਼ਿਆਰਪੁਰ ਵਿਖੇ ਜ਼ਿਲ੍ਹਾ ਬੈਡਮਿੰਟਨ ਐਸੋਸੀਏਸ਼ਨ ਵੱਲੋਂ ਕਰਵਾਈ ਜਾ ਰਹੀ ਪੰਜ ਰੋਜ਼ਾ ਓਪਨ ਪੰਜਾਬ ਪੱਧਰੀ ਬੈਡਮਿੰਟਨ ਚੈਂਪੀਅਨਸ਼ਿਪ ਅਤੇ 23ਵੀਂ ਜ਼ਿਲ੍ਹਾ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਸਮਾਪਤੀ ਸਮਾਗਮ ਮੌਕੇ ਤੇ ਖੇਡ ਪ੍ਰੇਮੀਆਂ ਦੇ ਭਾਰੀ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੀਤਾ। ਪ੍ਰਧਾਨ ਜ਼ਿਲ੍ਹਾ ਬੈਡਮਿੰਟਨ ਐਸੋਸੀਏਸ਼ਨ ਵਿਜੇ ਕੁਮਾਰ ਸ਼ਰਮਾ, ਪ੍ਰਧਾਨ ਨਗਰ ਕੌਂਸਲ ਸ਼ਿਵ ਸੂਦ, ਮੀਤ ਪ੍ਰਧਾਨ ਜ਼ਿਲ੍ਹਾ ਭਾਜਪਾ ਅਨੰਦਬੀਰ ਸਿੰਘ, ਅਵਤਾਰ ਸਿੰਘ ਜੌਹਲ ਵੀ ਇਸ ਮੌਕੇ ਤੇ ਉਨ੍ਹਾਂ ਦੇ ਨਾਲ ਸਨ।
ਸ੍ਰੀ ਸੂਦ ਨੇ ਇਸ ਮੌਕੇ ਤੇ ਬੋਲਦਿਆਂ ਕਿਹਾ ਕਿ ਜ਼ਿਲ੍ਹਾ ਬੈਡਮਿੰਟਨ ਐਸੋਸੀਏਸ਼ਨ ਵੱਲੋਂ ਕਰਵਾਈ ਗਈ ਇਸ ਚੈਂਪੀਅਨਸ਼ਿਪ ਵਿੱਚ ਖਿਡਾਰੀਆਂ ਨੇ ਵੱਧ ਚੜ ਕੇ ਹਿੱਸਾ ਲਿਆ ਹੈ ਅਤੇ ਇਨ੍ਹਾਂ ਨੇ ਆਪਣੀ ਖੇਡ ਦਾ ਬਹੁਤ ਹੀ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਖੇਡਾਂ ਵਿੱਚ ਹਿੱਸਾ ਲੈਣ ਨਾਲ ਸਰੀਰ ਦਾ ਮਾਨਸਿਕ ਵਿਕਾਸ ਹੁੰਦਾ ਹੈ ਅਤੇ ਆਪਸੀ ਭਾਈਚਾਰਾ ਤੇ ਸਾਂਝ ਵਿੱਚ ਵਾਧਾ ਹੁੰਦਾ ਹੈ। ਉਨ੍ਹਾਂ ਖਿਡਾਰੀਆਂ ਨੁੰ ਪ੍ਰੇਰਨਾ ਦਿੱਤੀ ਕਿ ਉਹ ਮਿਹਨਤ ਅਤੇ ਲਗਨ ਨਾਲ ਖੇਡਾਂ ਵਿੱਚ ਹਿੱਸਾ ਲੈਣ ਅਤੇ ਆਪਣੇ ਜ਼ਿਲ੍ਹੇ ਅਤੇ ਰਾਜ ਦਾ ਨਾਂ ਰਾਸ਼ਟਰੀ ਅਤੇ ਅੰਤਰ ਰਾਸ਼ਟਰੀ ਪੱਧਰ ਤੇ ਉਚਾ ਕਰਨ। ਉਨ੍ਹਾਂ ਕਿਹਾ ਕਿ ਉਪ ਮੁੱਖ ਮੰਤਰੀ ਪੰਜਾਬ ਸ੍ਰ: ਸੁਖਬੀਰ ਸਿੰਘ ਬਾਦਲ ਵੀ ਖੇਡਾਂ ਨੂੰ ਉਤਸ਼ਾਹਿਤ ਕਰਨ ਲਈ ਵਿਸ਼ੇਸ਼ ਉਪਰਾਲੇ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਪਿਛਲੇ ਦਿਨੀਂ ਜਦੋਂ ਮੁੱਖ ਮੰਤਰੀ ਪੰਜਾਬ ਸ੍ਰ: ਪ੍ਰਕਾਸ਼ ਸਿੰਘ ਬਾਦਲ ਹੁਸ਼ਿਆਰਪੁਰ ਵਿਖੇ ਆਏ ਤਾਂ ਉਨ੍ਹਾਂ ਨੂੰ ਇਨਡੋਰ ਸਟੇਡੀਅਮ ਦੀ ਮੁਰੰਮਤ ਕਰਨ ਲਈ ਬੇਨਤੀ ਕੀਤੀ ਸੀ ਜਿਸ ਤੇ ਉਨ੍ਹਾਂ ਨੇ 15 ਲੱਖ ਰੁਪਏ ਇਨਡੋਰ ਸਟੇਡੀਅਮ ਦੀ ਮੁਰੰਮਤ ਲਈ ਭੇਜੇ ਹਨ। ਇਨਡੋਰ ਸਟੇਡੀਅਮ ਦੀ ਉਸਾਰੀ ਕਮੇਟੀ ਨੇ ਦੱਸਿਆ ਕਿ ਇਸ ਦੀ ਪੂਰੀ ਮੁਰੰਮਤ ਤੇ ਲਗਭਗ 18 ਲੱਖ ਰੁਪਏ ਖਰਚ ਆਉਣ ਦਾ ਅਨੁਮਾਨ ਹੈ। ਇਸ ਮੌਕੇ ਤੇ ਸ੍ਰੀ ਸੂਦ ਨੇ ਇਨਡੋਰ ਸਟੇਡੀਅਮ ਦੀ ਮੁਰੰਮਤ ਲਈ 1. 50 ਲੱਖ ਰੁਪਏ ਆਪਣੇ ਅਖਤਿਆਰੀ ਫੰਡ ਵਿੱਚੋਂ ਦੇਣ ਦਾ ਐਲਾਨ ਕੀਤਾ। ਇਸ ਮੌਕੇ ਤੇ ਉਨ੍ਹਾਂ ਨੇ ਜੇਤੂ ਖਿਡਾਰੀਆਂ ਨੂੰ ਇਨਾਮ ਤਕਸੀਮ ਕੀਤੇ ਅਤੇ ਜ਼ਿਲ੍ਹਾ ਬੈਡਮਿੰਟਨ ਐਸੋਸੀਏਸ਼ਨ ਵੱਲੋਂ ਮੁੱਖ ਮਹਿਮਾਨ ਦਾ ਸਨਮਾਨ ਵੀ ਕੀਤਾ ਗਿਆ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਤੇ ਮਿਉਂਸਪਲ ਇੰਜੀ: ਪਵਨ ਸ਼ਰਮਾ, ਡਾ ਪ੍ਰੇਮ ਸੈਣੀ, ਡਾ ਪ੍ਰੇਮ ਭਾਰਤੀ, ਰਜਿੰਦਰ ਸਿੰਘ ਅਤੇ ਹੋਰ ਪਤਵੰਤੇ ਵੀ ਹਾਜ਼ਰ ਸਨ।
ਪੰਜ ਰੋਜ਼ਾ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਮੁਕਾਬਲਿਆਂ ਵਿੱਚ 35 ਸਾਲ ਤੋਂ ਵੱਧ ਉਮਰ ਦੇ ਮਰਦ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਐਮ ਸਲੀਮ ਮਲੇਰਕੋਟਲਾ ਪਹਿਲੇ, ਗੁਰਸ਼ਰਨ ਹੁਸ਼ਿਆਰਪੁਰ ਦੂਜੇ, ਡਬਲ ਮੁਕਾਬਲਿਆਂ ਵਿੱਚ ਐਮ ਸਲੀਮ-ਨਵਦੀਪ ਪਹਿਲੇ, ਗੁਰਸ਼ਰਨ-ਰਜਿੰਦਰ ਦੂਜੇ ਸਥਾਨ ਤੇ ਰਹੇ। 45 ਸਾਲ ਤੋਂ ਵੱਧ ਉਮਰ ਦੇ ਮਰਦਾਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਰਾਮ ਲਖਨ ਪਹਿਲੇ, ਰਜਿੰਦਰ ਸਿੰਘ ਦੂਜੇ, ਡਬਲ ਮੁਕਾਬਲਿਆਂ ਵਿੱਚ ਰਾਮ ਲਖਨ-ਲਵਲੀਨ ਪਹਿਲੇ, ਡਾ ਪ੍ਰੇਮ ਭਾਰਤੀ-ਰਜਿੰਦਰ ਸਿੰਘ ਦੂਜੇ ਸਥਾਨ ਤੇ ਰਹੇ। 50 ਸਾਲ ਤੋਂ ਵੱਧ ਉਮਰ ਦੇ ਮਰਦਾਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਰਜਿੰਦਰ ਸਿੰਘ ਪਹਿਲੇ, ਲਵਲੀਨ ਦੂਜੇ, ਡਬਲ ਮੁਕਾਬਲਿਆਂ ਵਿੱਚ ਪ੍ਰੇਮ ਭਾਰਤੀ-ਰਜਿੰਦਰ ਸਿੰਘ ਪਹਿਲੇ, ਰਮੇਸ਼ ਧੋਲ-ਐਸ ਪੀ ਠਾਕਰ (ਜ¦ਧਰ) ਦੂਜੇ ਸਥਾਨ ਤੇ ਰਹੇ।
ਇਸੇ ਤਰ੍ਹਾਂ ਦੇ 23ਵੀਂ ਜ਼ਿਲ੍ਹਾ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਮੁਕਾਬਲਿਆਂ ਵਿੱਚ 10 ਸਾਲ ਤੋਂ ਘੱਟ ਲੜਕੀਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਅਦਿੱਤੀ ਸੰਦਿਆਲ ਮਾਊਟ ਕਾਰਮਲ ਸਕੂਲ ਹੁਸ਼ਿਆਰਪੁਰ ਪਹਿਲੇ, ਕੋਮਲ ਜੈਮਜ਼ ਕੈਂਬਰਿਜ਼ ਦਸੂਹਾ ਦੂਜੇ ਸਥਾਨ ਤੇ ਰਹੇ। 10 ਸਾਲ ਤੋਂ ਘੱਟ ਉਮਰ ਦੇ ਲੜਕਿਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਸ਼ਿਵਾਂਸ਼ ਪਹਿਲੇ, ਤਰਨ ਦੂਜੇ ਸਥਾਨ ਤੇ ਰਹੇ। 13 ਸਾਲ ਤੋਂ ਘੱਟ ਉਮਰ ਦੇ ਲੜਕਿਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਨਿਪਜੋਤ ਸਿੰਘ ਜੈਮਜ਼ ਕੈਂਬਰਿਜ਼ ਹੁਸ਼ਿਆਰਪੁਰ ਪਹਿਲੇ, ਆਸੂ ਕਟੋਜ ਮਾਉਟ ਕਾਰਮਲ ਸਕੂਲ ਹੁਸ਼ਿਆਰਪੁਰ ਦੂਜੇ ਸਥਾਨ ਤੇ ਰਹੇ। 13 ਸਾਲ ਤੋਂ ਘੱਟ ਉਮਰ ਦੇ ਲੜਕਿਆਂ ਦੇ ਡਬਲ ਮੁਕਾਬਲਿਆਂ ਵਿੱਚ ਨਰਿਪ ਜੋਤ ਅਤੇ ਧਰੂਵ ਜੈਮਜ਼ ਕੈਂਬਰਿਜ ਹੁਸ਼ਿਆਰਪੁਰ ਅਤੇ ਸੇਂਟ ਜੋਸਫ਼ ਸਕੂਲ ਪਹਿਲੇ ਸਥਾਨ ਤੇ, ਹਰਸਿਮਰਨ ਅਤੇ ਆਸੂ ਟੋਡਰਲ ਹੋਮ ਅਤੇ ਮਾਉਟ ਕਾਰਮਲ ਸਕੂਲ ਦੂਜੇ ਸਥਾਨ ਤੇ ਰਹੇ। ਇਸ ਤਰਾਂ 13 ਸਾਲ ਤੋਂ ਘੱਟ ਉਮਰ ਦੀਆਂ ਲੜਕੀਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਆਨਿਆ ਨਗਿਆਲ ਜੈਮਜ਼ ਕੈਂਬਰਿਜ਼ ਸਕੂਲ ਪਹਿਲੇ ਸਥਾਨ ਤੇ , ਮਰੀਦੁਲ ਦੂਜੇ ਸਥਾਨ ਤੇ ਰਹੇ। 16 ਸਾਲ ਤੋਂ ਘੱਟ ਉਮਰ ਦੀਆਂ ਲੜਕੀਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਅਕਾਂਸ਼ਾ ਜੈਮਜ਼ ਕੈਂਬਰਿਜ਼ ਸਕੂਲ ਦਸੂਹਾ ਪਹਿਲੇ ਅਤੇ ਪ੍ਰੀਤਿਕਾ ਦੂਜੇ ਸਥਾਨ ਤੇ ਰਹੇ। 16 ਸਾਲ ਤੋਂ ਘੱਟ ਡਬਲ ਮੁਕਾਬਲਿਆਂ ਵਿੱਚ ਅਕਾਂਸ਼ਾ ਅਤੇ ਪ੍ਰੀਤਿਕਾ ਜੈਮਜ਼ ਕੈਂਬਰਿੰਜ ਸਕੂਲ ਦਸੂਹਾ ਪਹਿਲੇ ਅਤੇ ਆਯੂਸ਼ੀ ਅਤੇ ਨੈਂਸੀ ਜੈਮਜ਼ ਕੈਂਬਰਿੰਜ ਹੁਸ਼ਿਆਰਪੁਰ ਦੂਜੇ ਸਥਾਨ ਤੇ ਰਹੇ। 16 ਸਾਲ ਤੋਂ ਘੱਟ ਉਮਰ ਦੇ ਲੜਕਿਆਂ ਦੇ ਮੁਕਾਬਿਲਆਂ ਵਿੱਚ ਰੋਮੀ ਤਲਵਾੜਾ ਪਹਿਲੇ, ਸਰਬਜੀਤ ਸਿੰਘ ਤਲਵਾੜਾ ਦੂਜੇ ਸਥਾਨ ਤੇ ਰਹੇ। 16 ਸਾਲ ਤੋਂ ਘੱਟ ਡਬਲ ਮੁਕਾਬਲਿਆਂ ਵਿੱਚ ਰੋਮੀ ਅਤੇ ਰਿਸ਼ਵ ਤਲਵਾੜਾ ਤੇ ਟਾਂਡਾ ਪਹਿਲੇ, ਕਰਨਵੀਰ ਅਤੇ ਕੇਸ਼ਵ ਜੈਮਜ਼ ਕੈਂਬਰਿਜ਼ ਹੁਸ਼ਿਆਰਪੁਰ ਦੂਜੇ ਸਥਾਨ ਤੇ ਰਹੇ।
ਇਸ ਤਰਾਂ 19 ਸਾਲ ਤੋਂ ਘੱਟ ਉਮਰ ਦੇ ਲੜਕਿਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਨਵਨੀਤ ਸਿੰਘ ਤਲਵਾੜਾ ਪਹਿਲੇ, ਰਾਜਵੀਰ ਸਿੰਘ ਹੁਸ਼ਿਆਰਪੁਰ ਦੂਜੇ ਸਥਾਨ ਤੇ , 19 ਸਾਲ ਤੋਂ ਘੱਟ ਡਬਲ ਮੁਕਾਬਲਿਆਂ ਵਿੱਚ ਮਨਦੀਪ ਅਤੇ ਰੌਮੀ ਤਲਵਾੜਾ ਪਹਿਲੇ, ਰਾਜਵੀਰ ਸਿੰਘ ਅਤੇ ਵਿਸ਼ਾਲ ਹੁਸ਼ਿਆਰਪੁਰ ਦੂਜੇ ਸਥਾਨ ਤੇ ਰਹੇ। ਇਸੇ ਤਰਾਂ 19 ਸਾਲ ਤੋਂ ਘੱਟ ਲੜਕੀਆਂ ਦੇ ਸਿੰਗਲ ਮੁਕਾਬਲਿਆਂ ਵਿੱਚ ਅਕਾਂਸ਼ਾ ਜੈਮਜ਼ ਕੈਂਬਰਿਜ ਸਕੂਲ ਦਸੂਹਾ ਪਹਿਲੇ ਅਤੇ ਪ੍ਰੀਤਿਕਾ ਦੂਜੇ ਸਥਾਨ ਤੇ ਰਹੇ। 19 ਸਾਲ ਤੋਂ ਘੱਟ ਡਬਲ ਮੁਕਾਬਲਿਆਂ ਵਿੱਚ ਅਕਾਂਸ਼ਾ ਅਤੇ ਪ੍ਰੀਤਿਕਾ ਜੈਮਜ਼ ਕੈਂਬਰਿਜ਼ ਦਸੂਹਾ ਪਹਿਲੇ, ਸ਼ਾਮਲੀ ਅਤੇ ਰੁਪਾਲੀ ਦੂਜੇ ਸਥਾਨ ਤੇ ਰਹੇ।
